حياتي وجحيم ام زوجي

السلام عليكم ورحمة الله ،،مرحباً


اناقديمه باالمنتدى وفقدت عضويتي نسيتها اضطريت ادخل من جديد


حبيباتي ارجو من اللي متزوجه ومخضرمه لها باع بحياتها وناضجه تشور علي
انا الحمدلله لي اكثر من١٠سنوات متزوجه وام بس فيه شي يكدر صفو حياتي


اقدر اقول ابتلاء من الله والحمدلله على كل حال


ام زوجي هي ماينغص علي حياتي
اعطيكم فكره بس احطكم بصوره ((شخصيتها قويا جدا جبروت ومب كبيره جدا بالعمر قريبا فقط تقاعدة من عملها انسانه ثريه جدا جدا والحمدلله))
انا شخصيتي هاديه ومسالمه واحترم الناس وكثييييييير اضغط على نفسي
واصلا متربيه ببيت اهلي على عيب ومايجوز وام الزوج تاج عاى الراس الخ الخ الخ


اللي صار لما تزوجت باول سنتين ماكانت تتدخل كثير فينا انا وزوجي(كانت منشغله بزوجة الابن الاكبر) وشخصيتها مطواعه فورا سمحت للام انها تخترق ادق خصوصياتهم


بعد مانتهت منهم التفت لنا ((زوجي من الناس اللي لو امي تقول أكفر كفرت )) اظن وضحت الصوره


وهالشي ساعدها تتعدا كثييييييييير علي وياويلي اقول شي


مع السنوات والايام شي بداخلي اهتز خلاص خلاص يكفي يكفي
وصرت اللي انا ما اقتنع فيه ولاابيه ارفضه بأدب
وخلاص وانتهى
تروح هي عقب لزوجي وتزود وتبهر ويجي لي نار ملتهبه ويحرق الاخضر واليابس ويهجرني ويعذبني عذاب نفسي شهور وشهور وشهور عشانها
(ولسبب اتفه من تافه ويخصني انا مايخصها هي!! زي مابي احضر المناسبه الفلانيه )(


تخيلووووو الظلم


تدخل بماديتنا ((زوجي جدا جدا مرتاح ماديا)(
لاتصرف عليها وعيالها ليه مدارس خاصه وش فيها الحكومي الخ الخ الخ
بنينا بيت حلفت اغلظ الايمان يبيعه ولانسكنه!!


ويعلم الله اني في شقه قددددديمه حتى السقف متشلخ بس لانها من شققها ومأجرتها علينا!!


لاعندي مجلس ضيوف ولادورة مياه ضيوف ولامطبخ زي الاوادم حااااااااااااله كسيفه
وانا اطفالي بدورة مياه واحده الثاني للشغاله
وحنا اهل خيييييييير مدخولنا الشهري يوصل ٨٠الف ريال غير وغير وغير


بسسسس لاجل هالام جالسه انا وعيالي نعيش الحرمان


وهي ببيتها ماشاالله ملكه لها ولدين شباب وولد متزوج جديد معها بالبيت
وخدم ودلع


وانا عايشه ع الحرمان عشان تدخلاتها فينا! لاتشترون لاتطلعون لاتفعلون


لاتقولون زوجك مفروض مايطاوع؟ لااااا يطاوعها ويطاوعها ويطاوعها
ومالي قدره فيه عجزت عجزت وانا اتكلم معه


طبعا معاملتها معي زي الزفت وبس تهرج فيني قدام الناس بالباطل والله حسيبها هو سبحانه يعلم


لما طلبت شغاله هاجت وماجت ليه وليه تجيب لها شغاله


والان زوجي جاب سواق خاص لمدارس الصغار يوصلهم
وشبت شبت نار وشرار


للعلم عندها ٢سواقين


والان تجاكرني بسواقي مره تاخذه صبح مره تاخذه عصر مره تاخذه بليل!!!!!!


لييييييه ابي افهم ايش هالتسلط!!


ادق تفاصيل بحياتي ماني متهنيه فيها ليه ليه


يصير عندي موعد مستشفى اطلع ادور سواقي القاها مو موجود لييييه!!!


انعزم عند الناس اجي بودعهم واطلع القاها ساحبه مني السواق !!ليييييه


قسم بالله تحرقني بقلبي حرررررررق حسبي الله وكفى حسبي الله وكفا


لاني قادره اعيش ببيت زي الناس عشانها
ولاني قادره ارتاح بمدارس على مستوى زي مانبغا على شانها


ولا ني قادره اسافرررررر والله لوعمره عشانها


ولاحتى سواق اخلص مشاويري ماتهنى ابد ابد ابد


ولا خلتني بحالي تكلمت فيني بالباطل وتمسخرت وكلام كثير الله يعلمه حسبي الله وكفا
ياما وياما حرضت زوجي يدخل علي مقلوب بالاشهر وليه وعشان ايه!!!


سليطه سليطه سليطه لاقصا درجه


يابنات فيني غصه غصصصصصه مقهووووووره مرااااااااااا مقهوره
باالله شورو علي


نسيت اقولكم باستمرار يتكرر معي حلم فيها


انها تفتح باب بيتي بمفتاح معاها وتدخل بكل جرائه لوسط بيتي وتناظر وتتفرج بكل اريحيه
وانا مصدومه اقول هذي كيف دخلت كذا بدون استأذان! كيف تتجول براحتها ببيتي
وكنت اقول بنفسي اااااااكيد داخله بيتي من غير علمي مرات ومرات
وانتهى