الله المستعان

كانت كل أحلامي اللحظة اللي أشوف فيها ولدي ولا بنتي في وقت الولادة وهو يبكي توه طالع للدنيا ,
كانت كل أحلامي أسمع كلمة ماما , ماتمنيت فلوس ولا كنوز الدنيا تمنيت احضن طفلي وأحس فيه إني أكتفيت من كل شيء,
من كثر مااناا اعشق الاطفال كانوا يخوفوني وانا صغيرة لاتتعلقين فيهم كذا بكره مايجوننك عيال شنو بتسوين ,
كنت اخاف بس اقول لا لا ماعلي منهم انا بصير ام وبس , عيال اخواني اول اسم يقولونه اسمي من كثر مايحبوني ,
لما اسمع صوت طفل يبكي ينفطر قلبي عليه ودي احضنه حتى لو ماعرفه , قلت لزوجي اول مامملكت انا مابي منك شي
غير اني اكون ام بس , ولكن بعد هذا كله زوجي ماقدر يحقق لي حلمي بكتبة الله لان حيواناته المنوية صفر , ماكرهته لاني اخذته احبه
بالعكس زاد إيماني وصرت اقوى وصرت اقول حق نفسي كل يوم إني راح اكون ام ومتأكدة بإني راح اكون ام وقريب بعد ليش
لان عندي يقين وثقة برب العالمين لانه اكرم الاكرمين وانا متأكدة بيجي يوم وبكون ام وبتتحقق كل اللحظات اللي حلمت فيها ,
وأكثر شي يقويني هذه الأية ..
( وزكريا إذ نادى ربه رب لا تذرني فردا وأنت خير الوارثين ( 89 ) فاستجبنا له ووهبنا له يحيى وأصلحنا له زوجه إنهم كانوا يسارعون في الخيرات ويدعوننا رغبا ورهبا وكانوا لنا خاشعين ( 90 ) ) .
ممااقولكم ولا اكذب عليكم اني بكييييت وبكيييييت وأنهرررت وكرهت الدنيا وكل يوم اعرف ان في وحدة حملت اتحطم ,
صرت اتهرب من سؤال الناس واقول ان زوجي عنده ديون للزواج يبي يسددها اول وظروفنا الحين صعبة مانقدر ,
بس اللي يعرفون امي واخواتي , والباقي يجهلون هذا الموضوع , وانا مابي اعلم الناس لان متأكدة ومتيقنة برب العالمين
لاني احس اني راح اكون ام واقرب من القريب , صار لي سنتين متزوجة ودايما اقول الحمدلله ينشرح صدري فيها ,
وفعلا الحمدلله لان ربي ماحرمني الا بيعوضني وبيسعدني اضعاف الايام اللي صبرت فيها وبكيت فيها وحزنت ..
يلا يااخواتي عيشوا الدنيا ولاتنكسرون خلو ثقتكم برب العالمين لان كل شي راح يصير بس بالثقة واليقين بأرحم الراحمين
واكرم الاكرمين ..


ربي لاتذرني فردا وانت خير الوارثين ..
دعواتكم لي معكم ..

الحمدلله ع كل حال صاحب زوجي جته البنت الثانيه اليوم وهو له متزوج سنتين
وحنا اربع سنوات من دون طفل
يارب ارزقنا زي مارزقته 💔

وكل ما انام احلم بطفل احضنه او ارضعه يارب يارب يارب 💔💔

ايش سبب العقم الي عندك انصحك باكل العسل غذاء ملكات النحل يعني الخلطه كامله من وادي النخيل وعليك بقرأة القرآن ختمه كل شهر والثقه في الله وان شاء الله يرزقك اهم شيئ لا تستسلمين الله رزق زوجة زكرياء وزوجة ابراهيم بالدعاء فلا تقنطي من رحمة الله