حياتي .........وحياتهم

السلام عليكم ورحمة الله وبركاته
صباح ونهار ومساء الخير والسعاده والفرح والعصافير الجميله
يللا اتشطروا وردوا التحيه باحسن منها‎;)‎
العنوان غريب ؟ ماغريب إلا الشيطان اتفضلوا أدخلوا يابنات شوفو الموضوع (صدقت عندها موضوع)
المهم اليوم الصباح شفت دراجتين القصه مو هنا‎:o‎راكب في الدراجتين راجل ومره يعني راجل وست وبالعربي رجال وحرمه وكمان القصه مو هنا‎:o‎‏ الراجل كان قدام والمره بعده بنص متر (حسبتيها كيف) ولاتزعلو نفسكم بعده بمتر
المهم وبينما هم سايقين التفت الرجل لزوجته (نفترض انها زوجته) وابتسم لها ابتسامه دافئه جميله معبره كلها موده ورحمه وردت عليه المرأه بنفس الابتسامه الساحره ياجماعه لاتظلموني المشهد دا حصل في جزء من الثلاث ثواني المهم لاحظتو الانسجام والدفء الذي يشع من حياتهم اقصد من ابتسامتهم وانا اتأمل هذا المشهد اتذكرت ابو عبد الله ربي يحفظه قالي قبل يومين انه انا اكثر واحده بتستهلك كلمات (افتراء‎;>‎‏) واقنعني تماما انه حياتنا ح تصير احلى لو انا ساكته وقالي انا بجي من المكتب الساعه سته جهزي غدا والساعه عشره مسا جيبيلي كوباية حليب وبس ومن يومها يجي من المكتب يصلي المغرب احط الغداء نتفرج في التلفزيون ونلعب مع عبودي ويصلي العشاء ويطلع مع عبودي ولما يرجع بيكون نام يوديه السرير ويجي يشرب الحليب واذا في شي يرسل مسج وينوم
بيني وبينكم قلت اشوف آخرتها وبرضه تغيير
يابنات ضروري نخلق قاسم مشترك يللا كل واحده تشتري دراجه هههه امزح بس لازما وحتما نعمل حاجه مشتركه عباده او هوايه او فكره او لعبه او برنامج عشان نوصل للابتسامه والموده
وعلى صعيد منفصل انا عندي سؤال وخجلانه منكم بس عشان حلفتوني ح اقول ههههههه
انا لي كم شهر ( المنطقه) مقفوله يعني مستحيل .......... كنت فاكره الموضوع محتاج دكتور وكنا منتظرين الظروف تتحسن بس قبل فتره سمعت شيخ بيحكي عن سحر التفريق وكانت نفس الاعراض خصوصا انه انا لي فتره احس بضيق فكلمت زوجي انه نروح نعمل رقيه بس زوجي رفض وقالي خلاص دي آخر افكارك ياريت اللي عارفه رقيه او مرت بموقف كدا ترد ×××‏
وردوا السلام ورايكم في الموضوع‎