اللحم مغسول ونظيف
سويته قسمين
قسم مجبوس عادي
وقسم في الفرن
نبهر اللحم وضفت عليه هالعلبتين من مكدونالدز شفتهم جدامي وحطيتهم:35:
هذا الجزء اللي بنحطه الفرن صار متبل وجاهز
جهزت البايركس وحطيت فيه العيش والبصل والفلفل والدارسين والملح وزيت زيتون وحبات الهيل والفلفل الاسود والكزبرة
غطيت الصينية بالقصدير وسويت فيه فتحات وصفيت اللحم والبصل والبطاطس فوقه
طريقة قديمة لكنها حلوة وعملية
كنت اسويها بالدجاج بس اول مرة اسويها باللحم
غطيته ودخلته الفرن
والقسم الثاني من اللحم
طبخته في الماي وشلت الرغوة
ضفت للماي البصل واعواد الدارسين والمسمار والبهارات والفلفل الحار وخلته يطبخ
لما نضج اللحم
ضفت العيش وحركته شوي وخليته يستوي
ماشالله اللحم كان طالع لذيذ
وهذا العيش
المجبوس العادي
الحمسة اللي سويتها للمجبوس
ما حطيتها لان اليهال ما يبونها
خليتها في صحن بروحها واللي يبي يحط له
لذيذة ما شالله
وطريقتها
بصل مفروم محمر + توت بري مجفف + ملح + فلفل اسود + ليمون اسود بودرة + ملعقة سكر + صنوبر محمر
احمر الصنوبر وبعدين اضيفه للحمسة
معليش صورت الصحن بعدما اخذنا منه ماطرى علي الا متاخر:35:
بالعافية :)