عزيزاتي و اخواتي الحوائيات
السلام عليكم ورحمة الله وبركاته
عيدكم مبارك مقدما ..
وتقبل الله منا ومنكم صالح الاعمال
اكيد الكثير منكم يفكر كيف يسوي عيديته و يبغاها تكون مميزه وحلوه وغير مكلفة
جتني فكرة الفناجيل الحمرا الشعبية الحجم الكبير (فنجال رمضان )
رحت محل ابو ريالين .. اشتريت 3 درازن .
وانتي حسب حاجتك الدرزن بــ 12 ريال
اشتريت تغليفة شفافه برسومات حمرا و ورديه .. وانتي وذوقك
اللفة بريالين تكفي ان شاء الله 8 فناجيل
و اخذت شرايط كلفة ساتان عادي بريال
عاد اللون الاصفر عجبني لانه نفس لون الرسمة في الفنجال و انتي و ذوقك
اشتريت حلويات شوكولاته بالحجم الصغير مثل ( التويكس - المارس- السنكرز )
وهذي الصور توضح لكم طريقة العمل :
هذا الفنجال المقاس الكبير
-0-0-
تغليفة شفافة .. شريط ستان .. مقص
-0-0-
شوكلاتة منوعة على حسب ميزانيتك
-0-0-
بسم الله و على بركة الله .. نبدا نعبي الفناجيل
-0-0-
هذا نموذج من الفناجيل بعدما حطينا فيه رزقه
-0-0-
هذا الشكل النهائي للفناجيل بعد ما عبيناها
نقصص التغليفه مربعات مناسبة .. ونمسك الزوايا مع بعض
ان شاء الله كذا اوضح
-0-0-
نربطها بشريط الستان
-0-0-
هذا الشكل النهائي للسلة
-0-0-
هذا محتوى الفنجال
-0-0-
و هذي عيدية اول وحده ترد
0-0-0
وبكذا يكون عندك عيديات تصلح للكبار .. لضيوفك من نساء ورجال ( اخوانك - اخواتك - اخوات زوجك )
وعيدكم مبارك .. وعساكم من عواده