حياكم الله في ورشة الطاقية الخليجية ...

السلام عليكم ورحمة الله وبركاته

صبحكم الله بالخير والرضى يا اغلى الاخوات

اليوم ان شاء الله راح ابتدي في عمل ورشة الطاقية الرجالية الخليجية

وراح يسعدني جدا مشاركتكم معايه في هالورشة

وكل ما اتمناه ان اوفق في شرحي لخطوات العمل

واي استفسارات اثناء التطبيقات انا حاضرة

في البداية وقبل ابتدي الشرح راح اعرفكم على اشياء مهمة واساسية في هالورشة


اولا : الادوات

خيط قطن وانا استخدم هالخيط





والابرة اللي استخدمها في هالشغل بالنسبة لهالخيط رقمها 0.75


ثانيا : خطوات عمل الطاقية

راح نقسم خطوات عمل الطاقية الى اربع خطوات

الخطوة الاولى نسميها الهامة .

الخطوة الثانية نسميها الخط الفاصل

الخطوة الثالثة الجبهة

الخطوة الرابعة والاخيرة الحواف

وهي صورة الطاقية اللي راح نسوي عليها الورشة موضح فيها اسماء الخطوات



وهذا صورة المفرش اللي اخذت منه فكرة عمل الهامة




نجي دحين للشرح المختصر لعمل الهامة لان هالجزء مهم جدا

اولا شرح الخطوة الاولى : الهامة

وانا في هالجزء اضفت بعض الاسطر عن الباترون وقسمت باترون الهامة الى 3 مراحل

كل مرحلة تنتهي بنهاية الاسطر اللي على شكل قوس

في المرحلة الاولى مشيت على نفس عدد الاسطر اللي في الباترون

في المرحلة الثانية اضفت سطر اصبح 4 أسطر بدل 3

في المرحلة الثالثة اضفت 5 اسطر بدل 3 ليصبح عدد الاسطر في هالمرحلة 8

طبعا مع زيادة عدد غرز الطائرة في المربعات اللي اضفتها

وللتوضيح اكثر صورت لكم الباترون موضح عليه ارقام المراحل اللي تكلمت عنها :




في منكم اللي راح تفهم على الباترون المرسوم على طول

بس للتوضيح اكثر تابعوا الشرح

وان شاء الله يكون مفهوم للجميع

اكتفي اليوم لين هنا بهذي التوضيحات للمقدمة

وان كان كل شي واضح لين هنا وحبيتوا ابتدي الشرح خطوة بخطوة اليوم انا حاضرة

تحيتي وتقديري للجميع