السلام عليكم ورحمة الله وبركاته..
عندي بنات يحبون المفاجآت لووووووووول
دايما يقولولي المعلمة طالبة منا كذا وكذا وكذا ........... بكررررررررررة لازم!!!!
نزلت من فترة موضوع عن الغابة..
غابة مصغرة.. حياكم للي تبقي تزورها.. (شغل يدوي2)
وهالمرة جتني بنتي تقولي بكرة لازم أحضر مجسم للصحراء.. لا والوقت كان متأخر عالعصر تقريبا يعني أصلا مايمديج تاخذين الأغراض الا اذا كنتي فاضية..
فضيت عمري وبسرعة طيران للمكتبة مالقيت حيوانات الصحرا.. عندي ثعابين صغيرة بس كان أهم عندي اني ألقى جمال والحيوانات الباقية..
قلت ماشي الا اني أطبع صورهم وألصقهم وخلاص.. وسويت هالطريقة وماكان ببالي أصورها الا بعد ماجلدت الكرتونة.. قلت يمكن حد عندها بنات يفاجئنها مثلي هههههههههه تنفع هالطريقة للأزمات ولأي مجسم .. مثل ماتقولون مشوا حالكم..
وهنيه الخطوات.. طبعا مثل ماقلت جلدت كرتونة بالجلاد الخشبي حسيته أقرب شي للصحرا..
بطنته بالاسفنج البرتقالي وهذا ينباع بالمكتبات.. حلو لأرضية أي مجسم وفيه منه ألوان..
مثل ماخبرتكم مالقيت جمال صغيرة.. قمت طبعتها.. وعن طريق الفوتوشوب غيرتها للجهة الثانية عشان ألصقهم مع بعض ويكونون واضحين للي يشوفون المجسم من الصوبين..
وحتى الشجر سويتها بنفس الطريقة ولصقتهم بخشب من النص وخليت طرف الخشب ظاهر عشان أقدر أدخله بالأسفنج للتثبيت.. وهاي الخطوات بالصور..
... يتبع ...
وهنيه حطيت الرمل الصحراوي.. ياحليهم الجمااااال..
والثعبان مندس عنهم!!
أكثر شي حبيته الثعلب.. واقف بجرأة!!
في النهاية..
ان شاءالله تكونون استفدتوا بشي بسيط وبطريقة سهلة..
حياكم الله وانتظروني بطريقة عمل البئر..
تحياتي لكم..
.