مجهود جبار تشكري عليه الله يسعدك ويوفقك ويحقق كل اللي تتمنيه
وننتظر جديدك ياقلبي وياليت كل شي تحطينه تقولي هو ليش يستخدم لان بعض البنات اللي زي حالاتي ماعندهم خبره كافيه في المكياج عشان كذا لازم اتابع موضوعك ان شاءالله لانه رح يفيدني كثير ياقلبي

مشاءءءءءءءءءءءءءءءءء الله رووووووووووووووعة

رسائل حب

حبيبتي احب اقولج اني احب اروح واشوف كذا ماركة واجربها واشوف الي يقنعني

على سبيل المثال اذا بغيتي اساس انصحج باساس كريمي من ماك ولووز باودر مات للايام العاديه والي بلمعه للمناسبات ......... هذا الي يستخدمه احمد قبيسي ويطلع واااااااااااااااو رهيب

االماركة الثانية فوريفر بعد انصحج بكريمي او تسالينهم ايش الي يناسب البشرة الي مثلج وتاخذين لوز باودر انا اشوف انها احسن من المضغوطة يعني لو اي ماركة كانت

الثالثه جيرلان الكل يمدحا بس صراحها اغلا من الاوليين بس يمدحونها مددددح وحلو صراحه

اساس استي لودر اسمه مكسيمم كوفر هذا عاد روعه قوي تغطيته ولايبان لا حبة ولا بقعه ويصفي الوجه وتخلطينه مع اي كريم ثاني خفيف مثل ماك او ايشي كريمي وبعده لوز باودر تختارينها

انا مثلا استخدم ديرماكول هذا من الصيدليات بحوالي 45 ريال سعودي وهو قوووووووي مثل استي لودر تمام ويغطي كل عيوب بس ثقيل لازم ينخلط مع شي

انا اخلطه مع مكس فكتور اسم ميراكل وبعدين احط بودر بس مكس فكتر مش قوي مثل الماركات الي ذكرتها وانتشالله بغيره

في بودرات مضغوطة وايد يمدحونها لو ماحبيتي اللوز باودر ......... بودرة كانيبو --- فلوريلا الي معاها منظره --- بودرة جيرلان وطبعا اساسه

وهم في شي قوي مثل ديرماكول واستي لودر يعني شي لازم يتخفف باساس ثاني اسمه سوبر كلر من كريولان

وبعد سماش بوكس وايد واااااااااااااااايد يمدحون اساساتهم

اساس شارمل بالخليج الاصلي مافي الا بالكويت بس يقولون حلو ويهبل بعد


هذي الاساسات بغيتي شي ثاني

انا حاظره

الحين نعطيكم نصيحة لاستخدام اللوز باودر بالطريقة الصحيحة



بعد ماتنظيف ويهج وترطبينه وتخلين بشرتج تتشرب المرطب حطي الفاونديشن .....اخذي الفرشاة الكابوكي (انظري الصورة) واخذي

شوي من البودرة ويستحسن انج اتحطين اشوي من البودرة في اناء خاص وتاخذين منه بعدين بالفرشاة,,اخذي كمية بسيطة بصورة

دائرية وانفضي الباقي عن الفرشاة وابتدي وزعي على بشرتج بصورة دائرية ..وتقدرين اتحطين بعدها طبقة او طبقتين زيادة من البودرة

على حسب رغبتج في التغطية. يعني حطي شوي وزيدي حسب الرغبة على شكل طبقات..






طبعا لاتخافين اذا استخدمتي البودر السائب انه ماراح يتثب على بشرتج..بالعكس..اذا رطبتي بشرتج زين راح يثبت البودر وله خصائص

تساعده على التغطية الكاملة وانه يظل ثابت لفترة ..بس بعد اذا حبيتي ممكن تحطينه بالماي ..(وهي الطريقة للبودر المينيرال)

الطريقة: تاخذين بالفرشاة اشوي من البودرة بشكل متساوي على الفرشاة كلها وانفضي الباقي..وبعدين رشي على الفرشاة ماي او

حتى مثبت المكياج الـ fix بصورة قليلة ومن على مسافة بعيدة وتوزعينه بعدين على بشرتج..وفوقه تحطين المينيرال فيل..

لتثبيت البلاشر: اخذي اسفنجة ورطبيها بالماي وامسحي مكان اللي بتحطين البلاشر وبعدين حطي البلاشر..او ممكن

تاخذين من البلاشر بالفرشاة وتنفضين الباقي وترشين عليه مثبت المكياج او الماي وبعدين حطيه على خدودج وبجذي بيثبت عندج

فترة طويلة..

واذا تبين اتعرفين اذا حطيتي اللوز باودر بطريقة صحيحة او غير صحيحة..انج اتشوفين نفسج في مراية تحت نور ساطع او تحت الشمس

وتشوفين اذا لون ويهج كله موحد او لاء..وشوفي اذا في تراكمات ناحية الانف مثلا او الفم (وهذا معناته ان طريقتج غلط)..اهم شي

انج ماتاخذين كمية كبيرة من اللوز باودر..


هذي نصيحتي وعلى الله عجبتكم

انتظروني بالباقي

بالعربي دلة

مكياج كويتي

دمعتي ألماس

أصاله الشرق

رسائل حب

srm2009

دايم عصبية

غموض الكون


تسلمون على الردود الي تفتح النفس

وانتظروني بالجديد