حياكم شوفوا وش صار لي فس السفر

رحم الله فقيدنا واسكنه فسيح جناته
"كلكم راع وكلكم مسئول عن رعيته"
بعد انقطاع دام لمدة سنه سافرت لزيارة الاهل وماكانت الرحله زحمه والمحطه الاولى هي ماليزيا ومن ثم السعوديه ومر الووقت سريعا وجهزت للعوده وهنا كانت المفاجات ان لم تكن الصاعقات
1.الرحله من السعوديه الى ماليزيا اقلاعها10الى ربع تاخرت الى الساعه10ونص وكل اللي في الانتظار طلعوامعناوكان معنا عوائل كثيره والرحله ثلاثة ارباعها اطفال وعائله جالسه على اليمين والثانيه على يساري وولدهم جنبي
2.العائله اللي على اليمين دخل الوالد وناااام قبل الاقلاع وامهم تتصفح جرايد وانتبه لاتكلمني ا وريك وش اتفقنا والله مااطلعكم اذا وصلنا:مهاااا وين اخوك ماقلت لك انتبهي له وصرااااخ صوت عالي ولا كان بالطياره رجال ولاكان زوجي في المقعد المجاور
3.العائله اللي على اليسار مرت امهم ووصت على ولدهم عمره 10 سنوات وقالت لي انتبهي له والله الولد انتبه لي ماانتبهت عليه يشغل شاشته ويشغل شاشتي ويقول جربي الالعاب والله تسليه ويكمله ويطلع افلام ويترقص على اي ريحة موسيقى الظاهر تجي وجا وقت الاكل طلع عيون المضيفه ابغى هذا طيب عطيني وجبه انا رجال لاابغى اسكريم مابغى كيك وهو ماسك الكيكه في يده
4.جننوني كل ماجا وقت لوقت نادوا بنتي خاله خليها تلعب معنا وجروؤها على القومه من الكرسي وخوها لسى يمشي يبي يرووح معها ودوروني وقتها
5.النقطه هاذي هي المحزنه والماساويه لان الطياره ملك عام وعطلوا اهم الخدمات اللي فيها وهي اكرمكم الله دورات المياه والله بنتي رحت اغير لها جلست تبكي ماتبي تدخل تقووول قرف ياماما وحتى زوجي ماقدر يستخدمهاووالله اني دخلت ووجه المضيفات شكل ووطلعت وهم شكل ثاااااااااااااااااااااني وحافظين اسماء الاولاد مع السلامه يافايز ويامشعل وانتبه خلك شطور المره الثانيه
الزبده
احرصوا على اطفالكم ومسوليتكم وتراهم يعكسون تربيتكم فيهم ولاتخلونهم رايحين جايين وحرصوهم على النظافه العامه واحتسبوا الاجر