بسم الله اللرحمن الرحيم
السلام عليكم ورحمه الله وبركاته :)
بنات انا اول مرا اكتب موضوع بمنتدى فما اعرف للمقدمات ولا الاساليب
بس متضايقه ودي افضفض شوي قلت مالي الى انتو بالذات اني منزمان اتابع موضيعكم بس ما سجلت الى امس :)
انا متزوجه من 5 سنوات
ايام خطوبتي كانت خطوبه عاديه واجمل ما يمكن من طلعات انا معاه ورحات
اسلوبه حلو معاملته جدا رائعه .. كنت اشكر ربي على هالنعمه
زوج ملتزم .. شكله مقبول جدا .. وياعملني معامله رائعه
وبشهر العسل كان مثال للزوج المثالي .. بس كانت علي الدوره
يوم رجعنا وكنت طاهره في وقت الدخله كان عنيف بس حسيته مو مراا .. وعصب علي بعد كم محاوله
وتمت لية الدخله لاكن مو بسلام صار معاي نزيف ورحت المستشفى سوا لي غرزتين ولازم اربعين يوم ما يقربني :09:
وبعدها بدت المعناة وتحولت حياتي من عروس الى جحيم
لما انتهت الـ 40 يوم ماقرب مني ولا لمسني استغربت بعد فتره كلمته وسئلته عن السبب
عصب وهاوش وقال انا خلاص ما اشتهيك
صرت انا احاول اتقرب له واتودد والفت انتباه وبالغصب يصير شي كل خمس او اربع شهور مرا
وبعدين تحسن شوي على الاخير اصار كل شهر مره ومرات مرتين بالشهر ومرات شهرين ثلاث
سبحان الله حملت في بنتي بعد خمس شهور من الزواج يمكن بكل هالخمس شهور ماجاني الى مرا او مرتين
وعندي ولد بعد اقولكم عنه بتسلسل القصه
وفوق هذا اسلوبه
صعب وعشرته مراا .. هو طبيعته غريبه جدا
موسوس كل شي يخاف منه لو احمم بنتي او ولدي ينهبل ويقولي طفي المكيف لو عز الصيف ولازم يكون الضهر
لو واحد من العيال يمرض يهزئني ويحط الوم علي كانه المرض والشفا بيدي مو من عند الله
وما يقتنع ان كل اطفال العالم يمرضون والحراره والزكمه امر طبيعي جدا اصلا الي ما يمرض مو طبيعي
غير العصبيه الى الله لا يوريكم حدث ولا حرج اقل شي يعصب ويصرخ واهانات وتجريح لو حاولت ارد عليه
او احاول افهمه يعصب بشكل مرعب لين انا اسكت واحشم نفسي اخاف يمد ايده علي
ولله اني محترمته ومعطيته حقوقه وماعمري غلطت في حقه بوجوده او عدم وجوده
شي ثاني مانعني من كل اساليب المتعه في الحياة من طلعات وروحات وجيات حتى السفر مع الشباب وانا بالديره
والمصرف ماله داعي اتكلم عنه اصلا يعطيني شي ما يكفي ابد بس الحمدلله انا مو مهتمه للماده قد العيشه الطيبه
يحب يحطمني ويحسسني اني ما افهم او غبيه بالرغم اني عكس هالشي وشخصيتي اجتماعيه ومندمجه مع الناس
لاكن هو حطم كل الثقه الي بنفسي
شخصيته غريبه متردد وما يعرف يقرر واي شي بيقوله ما يقول انا خاطري بهالشي ولا بسوي الشغله الفلانيه
لا يقول واحد من الشباب يقول او صديقي اقترح
انا ما انكر انا زوجي في اجيبيات مرح وخفيف دم وراعي سوالف .. وهو في طيبه بس غريبه
يعني مرا كان غالط علي بشكل فضيع بالرغم اني ما سويت ولا شي تهزيئ وصراخ ويتكلم عن اهلي
بعدين جا يتعذر ويبوس راسي
طبعا مع زيادة المشاكل علاقه عكسيه مع الدين كل ما تزيد مشاكلنا كل ما يقل دينه
او ما حلق الحية ثاني بطل صلاة المسجد بس مو على طول قام يدخن
وصلاة الفجر تحولت مع وقت الدوام
غير السفريات الي للبحرين ولا مصر والمشكله ما يعلم اهله
واجولاته ولاب توب كله ارقام سريه
بس انا ما اضلمه عمري ما شفت عليه شي واحسه مو راعي هالسوالف
احسه مريض نفسي المهم هاذي صفاته تقريبا
بعد ثلاث سنوات من زواجي قررت الطلاق ورحت بيت اهلي وطلعت حامل بولدي
حاول بكل قوته انه يرجعني لحد ما نسيت كل المعناة وحسيت انه بيتغير وصدق يوم رجعت البيت تغير
وصارت العيشه احسن شوي
لاكن مو اكثر من ثلاث شهور ومن ناحية حقي الشرعي كاي امرئه وزوجها ماقربني طول 9 شهور
بقول مرتين اخاف اني ناسيه واضلمه
وطلعت من الاربعين وجاتني استحاضه ماقريني حول الشهرين بعد الولاده ولا احسه مهتم اصلا
وبعد ولدي من ناحيه العلاقه الزوجيه تحسنت شوي صارت ششبه شهري لاكن التعامل من سيء الى اسوء
لين انا يوم كانو العيال اثنينهم مرضا وانا معاهم كلنا افلونزا وتعبانين
وطبعا انا مالي حق كانسانه انام وعيالي مرضا يقول في ام تنام وتخلي عيالها سبحان الله الام ماله روح ولا تتعب ولا شي
صحا من النوم ويهاوشني انتي ليه ما تهمتين لنفسك وليه ما تهمتين بالعيال
انا متاكد بيجي يوم واشيلك جثه هامده انتي ما تخافين على نفسك وانا بروحي هلكانه
عصبت عليه وقمت ارد بنفس الوقت
وانا اصلا قلبي شايل طول المدة ابي سبب واحد عشان اطلع من البيت ولا ودي اطلع بدون سبب
وبعدها ياليل طاح شي على رجل البنت وما فزيت قمت عادي وقام يصارخ انتي ليه ربي خالق كذا عادها ثلاث مرات
وهو يصارخ
وبعدها استخرت وادعي الله وفاتحته بالموضوع وقلت ودني بيت اهلي بروح وماني راجعه
ما صدق خبر ونزل الشنط
وقام ينصح ربي العيال زين واهتمي فيهم تراهم عيالك
وخذي كل اغراضك دامك تبين تطلعين من غير رجعه
وقالي كلمي امك ترجعون لي المهر 40 الف << على وشو ارجعه العشره الحلوه ولا متعه الي متعني اياها
انا ساكنه مع اهله طبعا راح قال لامه انا زوجتي تبي الطلاق وبوديها بيت امها
جت تحاول تهدي الموقف وهو يقول لمه لا خليها تبي تروح براحتها
وانا الحين في بيت اهلي لاعندي جوزاي ولا بطاقة العايله ولا شي
الحمدلله اخلي حاطيني بعيونهم ومدللني ومدللين العيال مالي نيه ارجع لو ايش
بس انا افكر بموضوع الطلاق هو طلاق ولا خلع ولا فسخ
لازم ارجع له المهر ولا عادي
لانه مادق ولا سئل عني ولا عن العيال اخذهم مرا
ومرا ثانيه انا ارسلت له انا البنت تسئل عنك ومشتاقه طبعا من عندي البنت اقولها تبي بابا
تقولي لا ابي خوالي لاكن انا مابي بنتي تشيل على ابوها مهما كان
الي عندها خبره او تقدر تفيدني جزاها الله خير :44:
وادري بتقلون انتي سلبيه ولا ماحاولتي توقفينه عند حده لاكن انا اقولكم انا كنت اسكت عشان ما تكبر المشاكل
لانه عصبيته مرعبه من جد
وانا لحد ما طلعت من البيت ما اذيته ولا بكلمه وحده ولا اهله
والحمدلله انا في بيت اهلي تحسنت نفسيتي ونفسيت العيال مع انه مدى بسيطه
وناويه على بداية السنه ادخل تحفيض انا وبنتي
والحمدلله احسن قرار اتخذته طلعتي من البيت وكل ما ذكرت لحضه حلوه انا معاه فيها
اتذكر المعناة واكرهه واكره كل الرجال
:icon28: اخيرا خلص الموضوع << ادري طولت عليكم
بس بطلع الي بقلبي كله
ام رؤى وريان @am_ro_oryan
عضوة جديدة
يلزم عليك تسجيل الدخول أولًا لكتابة تعليق.
أمولتهم
•
الله يعينك ويصبرك اختي حاولي تضحين لو بس عششان عيااالك واالله الطلاق مو بسهل حتى لو اهلك معززينك بس ترينهم اكييد شايلين هم ثقل الجبل عشاااانك صدقيني
ثرمد1ويه :
ياعمري وقلبي :( الله يكتب لك اللي فيه مصلحه لك ولعيالك يارب وتشوفين بر عيالك ويعوضونك خيرياعمري وقلبي :( الله يكتب لك اللي فيه مصلحه لك ولعيالك يارب وتشوفين بر عيالك ويعوضونك خير
طيب اختي ليش ما كلمتي امة او اهلة في الموضوع قبل لاتطلعين من كلامك زوجك تعبان ولازم يتعالج والعلاج مو حرام اوعيب كثير كذا سمعت وقريت الله المستعان المهم في عيالك فكري فيهم زين وعليك اختي بالدعاء وقيام الليل والاستغفاردائما
الصفحة الأخيرة
الله يكتب لك اللي فيه مصلحه لك ولعيالك يارب
وتشوفين بر عيالك ويعوضونك خير