على هذا الرابط
ملف سفرات وعزايم وبوفيهات أطباق عالم حواء ابداع × ابداع
السلام عليكم ورحمه الله وبركاته
اخباركم ؟؟؟؟؟؟؟؟؟
جبت لكم صور عشانا امس جايتني جارة امي يعني جيرانا سابقا ..قالت تبي تزورني واول مره تجيني بيتي وانا كنت حاسبه اني باحدد يوم واجهز الحلى قبلها بيوم علشان مااتعب وووو لكن يوم الاربعا اتصلت امي وقالت بكره بيجونج واذا كان يوم خميس يوم جمعتنا يعني بتكون الجمعه عندي<<<<قلت لكم قصه حياتي خخخ
الموهيييييييييييييييييييم تفضلوا وان شاء الله تعجبكم ولاحد يحبطني تراني اتنسى وتعبانه <<لازم تشرح لكم الاوضاع بعد خخخخخخخخخخخ
اول شي السلطااات
فتوش ..حمص ..سويتهم بطريقه غرومه الله يحفظها وفي هذا الرابط الطرق
http://forum.hawaaworld.com/showthread.php?t=820767
سلطه قوس الرحمن بطريقه مشاعل السعوديه ..انا سميتها الالوان ..الكل يسال عنها وصديقاتي وايد يطلبونها والصوص الايطالي صرت ما استغنى عنه خخ
بس انا ماحط طماط مابحبوش واذا ماعندي شبس اقلي البطاطس اصابع واخلطه معاهم
http://forum.hawaaworld.com/showthread.php?t=707885
..وسلطه الناتشوز هذي جابتها اختي
صورة ثانيه للسلطات
ثاني شي الاطباق الرئيسيه
صينيه معكرونه بالسبانخ ..وصينيه دجاج بالكريمه والبرياني من بيت امي ..ترى الجبن تحمر زياده نسته الشغاله بالفرن بس ماكان لونه مثل الصوره طالع لونه احمر بس حلو
نجي للصور بالتفصيل :39:
الدجاج بالكريمه
وهنا اقرب
طريقتها
كطبقه اولى نقلى بطاطس مقطع دوائر عريضه ونضعها في قاع الصينيه
وانا اخليه طبقتين لاني احب البطاطس
الطبقه الثانيه نحمر البصل ونضيف عليه الثوم المفروم ونحط عليه مكعب ماجي نضيف عليها صدور دجاج مقطع صغار نقلب الدجاج حتى ينضج
ثم نضيف الفلفل الاسود والمشروم وشوي بقدونس
ناخذ الدجاج ونوزعه فوق البطاطس
اخر شي ناخذ علبه كريمه خفق ونصبها الدجاج
طريقه ثانيه للكريمه تسخنين الكريمه مع 2م ط جبن عالنار وبعدين تصبينها عالدجاج
وتدخلينها الفرن حتى تتسبك وبالعافيه
وهذي المعكرونه بالسبانخ ..
وصيت نواري تاخذ لها صوره كلوز علشان تعرفون الطبخه
اخذتها من صديقتي واعتمدناها خواتي وعيالي حبوها
نسلق المعكرونه ..نعمل خلطه الدجاج بالسبانخ ..ناخذ صحن صدور دجاج يسلق ويفتت ..نحمر بصل - ثوم - ماجي -شوي كمون -كزبره - بهار مشكل نضع الدجاج ثم كيس سبانخ انا استخدم المثلج ونقلبه واخر شي علبتين قشطه
ناخذ المعكرونه ونخلط معاها ملعقتين جبن وملعقه مايونيز ..الطريقه الاصليه فيها زبده بس حسيتها ثقيله وغيرتها
نضع المعكرونه في القالب كطبقه اولى
نضع خلطه الدجاج والسبانخ فوق المعكرونه كطبقه ثانيه ..وبعدين نغطيها بجبن موزاريلا ولو تزينها فوق بشرائح فلفل بارد وطماط تطلع احلى نسيت هني
واخيرا البرياني من بيت امي ..لااحد يحضر الطعام مثل امي تذكرون هالدعايه دايما اقولها لامي الله يحفظها ..انا بهدلته في الغراف من العجله بس لاحد يدقق
الرجاء عدم الرد ..خلني انزل الحلويات :09:
وفي لي موضوع بالتيراميسو الي تبيه تاخذه من ملفي :)http://forum.hawaaworld.com/showthread.php?t=1111317
جبت الرابط
الكريم كراميييل
المقادير
5 بيضات -6 جبن كيري -1 حليب مركز -2 كوب ماء - نص كوب حليب بودره - م ط ماء ورد - قليل من الفانيليا
نخلط المقادير مع بعض ..وطبعا نحمر سكر للكراميل ونصب عليه الخليط وندخله في حمام مائي ساعه ونص ويبرد جيدا قبل التقديم
شيز كيك
الطبقه 1= اعلبه بسكوت دايجستف مطحون مع اصبع زبده
الطبقه2 = 6 جبن كيري - 2 كيس دريم ويب - قشطه -ربع كوب حليب سائل بس علشان تكون ثقيله وانا معتمدتها من زمان
جذي بلا جيلاتين ولا جيلي ..كان فيها جيلي اناناس بس كنسلته
الطبقه3= بالعاده جيلي عيالي يحبونها فيه بس هني بسرعه حطيت علبه باي فيلنغ
وهذي صوره جماعيه
وهذا تارت الليمون جابته اختي القلوب اطفال بس قطعته مربعات
وان شاء الله يعجبكم الموضوع ..ولاتنسوني من دعواتكم ..الله يصلح زوجي وعيالي ويحفظهم ويستر عليهم دنيا واخره ويسهل على الولاده :icon33: