اليوم راح انزل صور قليله لقهوتنا العصريه
ولقطات لاخر عزومه سويناها اعذروني على الصور كنت مستعجله
حيييل وخفت امي تكفشني وانا اصور وتقول كلمه حلوووووه :35:هع
طبعآ كلن وطريقته بالقهوه بس لاحظت انه في ناااس تحرق القهوه حتى تقتسط في الكيل لها <<وتحرق تسبودنا من ثقلها
طبعا فيه علبه متوسطه لتجربه اسمها قهوة القصيم الشعبيه قيمتها 15ريال
تاخذين ملعقتين وتحطينها بمزل القهوه (المزل متوسط ولا املااه ) طبعا بعد ماتغلي المويه تحطين القهوه وتخلينها 10 دقايق على نار هاديه وتضيفين ملعقة كوفي ميت واذا مافيه حليب بوني
بعد ماتطبخ اسحبي المزل على جنب وخلي القهوه تركد شوي
حطي الهيل والمسمار والزعفران في الدله او الزمزميه (الترمس)
طبعا جنب القهوه حلا
هذا كنت مستعجله والجود من الماجود :35:
الطبقه الاولى /كيك امريكانا الساده قطعته مربعات ورصيته بصينيه
<<احيان استبدلها بمطحون الاوريو واعجنها شوي شوي بقشطه لين تتماسك (راح يبقى للقشطه باقي اخليه على جنب واخلطها مع الطبقه الثالثه )
الطبقه الثانيه موووحده /نصف علبة نستله +8جبن كيري
نخلطها ونحطها على الوجه وتدخل الفرن الى ان تتماسك نطلعها وندخلها الثلاجه لين تبرد
الطبقه الثالثه / اختاري اي وحده منهم
4سنكرز +علبة قشطه في حمام مائي <<هذي اسويها اذا حطيت الطبقه الاولى كيك امريكانا بالشولاته
او
4مارس +علبة قشطه وووباقي القشطه اللي بقت فووق من البسكوت
في حمام مائي <<وهذي اسويها مع الاوريو
تصب على الوجه وتدخل الثلاجه الى ان تبرد
الطعم روووووعه
ـــــــــــــــــــــــــ
الحين الكل يعرف حلى الجوري
طبعا كلن يسويه بطريقه خاصه فيه
وهذي طريقتي
المقادير
5جلكسي<في حمام مائي لين يذوب وابداء
اصبها واشكلها على شكل الورود الموجوده عندي وادخلها الفريزر تبرد
الحشوه او بوسط الورد
احمس شعيريه باكستانيه لين تشقر لونها واكون مجهزه (نص نستله+8 جبن كيري )
اطلع الورود بعد ماتكون جمدت واحط الشعيريه بوسطها واصب برفق بملعقه خليط النستله واسكرها بدائره من دوائر اوريو بعد ما افكها وهكذا
لين اخلص الورود وارجع ادخلها الثلاجه الى وقت التقديم
بداء اقلبها برفففففق
وطريقة صاحبتها تهببببل الله يجزاها خير
طبعا التصوير سىء لاني مستعجله ونسيت اشغل الفلاش
ولاكان لي نيه بالاساس انزل الموضوع
........
الحين الفطاير
وهنا شكل صينيه طرف منها
العجينه هي العشر دقايق
بيتزا <طريقتها معروفها
فطاير الاضلاع او فطاير الهمبرجر/ هذي تجيبين اله مثل حقت الصامولي الحماصه
بس تكون خاااصه للحم
تفردين لك عجينه وتقعينها دوائر قد البيتزاء وتحطينها بالحمااااااصه اللي قلت عليها (الخط 220) راح تخلص في دقايق يمكن من 3الى 6دقايق اذا كانت الحراره عاليه تكونين مجهزه حافظ وتطلعين وتحطين بوسط الحافظه لين تخلصين العدد
طبعا الحشوه على حسب
احنا اما كشنة دجاج
او تونه محموسه مع بصل وبهارات وفلفل اسود وملح < لين تروح نكة التونه والبصل يكون ذاب تشيلينه من على النار وتضيفين ملعقه صغيره مايونيز وحركيه
طبعا جهزي من قبل مخلل خيار وقطعيه اصابع صغيييره ورقيقه حيل مقاربه للمبشووور
ناخذ الفطيره ونفتحها من الجنب لين النصف ونحشيها بالتونه و
شوي من اصابع مخلل الخيار
على طرف الصينيه مش واضح طريقة مربعات المطبق محطوط عليها قطع
صغيره من الليمون
طبعآ الحشوه دجاج مفروم
بصل +طماط +بهار +فلفل اسود +ملح +ملعقه صلصه طماط
يحمس الى ان يستوي الدجاج المفروم
ناخذ شريحتين من السمبوسه (السمبوسه الطازجه من الفران ناخذها )
اللي تكون طويله ومصفوطه على بعض <<امحق شرح
المهم نقطعها من الطرف المصفوط ناخذ الطرف المستقيم وناخذ شريحتين
ونحطها على شكل + <زايد
نحط الحشوه بوسط السمبوسه ناخذ احد اطراف الشريحه (((السفليه))ونغطي فيه الحشوه
بعدها الطرف الثاني <الى ان يصير في اخر شى مربع محشي
تاخذينه بعد ماتكملين العدد او الكميه اللي انتي تبينها وتقلبيها في زيت ثم على صاج الى ان تتشقر ...او تدخلينها الفرن <على راحتك
وبالهنا والعافيه
لو لقيتو اخطاء اعذرروني حاسه نفسي دخت مع كثر الشغلات:35:
ومشكوره على الحلى.......وبالعافيه على قلوبكم يااااااااااااااااااااااااااااااااااااارب