كيفكم إن شاء الله كلكم بخير وعافية
الله يسلمكم هذي المكرونه أخذت طريقتها من وحدة الله يجزاها وبصراحة هالمكرونه لها طعم خاص و مميز
وما نستغني عنها ولازم كل بعد فترة نسويها واليوم حبيت أقدمها لكم لتشاركوني هذا الطعم المميز
تفضلوا المقادير
نصف كيس مكرونه الحلقات الوسط +شويه زيت + رشة ملح
حبه قشطة وسط + ثلاث ملاعق جبنه بوك السائلة أو الكرفت
علبه تونه الكبيرة + ثلاث ملاعق مايونيز + نصف حبه فلفل رومي + ملعقه صغيرة فلفل اسود
+ شويه فلفل مشكل + رشة ملح
وللتغطيه جزرة مبشورة ( اختياري ) وجبنة تشدر مبشورة اللي علبتها زرقاء الوسط
الطريقة :
نسلق المكرونه في مويه ورشة ملح وملعقه زيت او زبده او سمنه ولا تكثروا المويه يعني نص إستواء
بعدين ننزلها من على النار
وهي لسى في القدر نحط عليها القشطة والجبنه البوك ونقلب تمام
ونحطها في الصينيه الوسط
(ونحط عليها خلطة التونه )وهي تونه وحطيها بالمويه حقتها وثلاث ملاعق مايونيز
وفلفل رومي مقطع مربعات صغيرة وملعقه صغيرة فلفل اسود وشويه فلفل مشكل
ورشة ملح تخلط كلها تمام مع بعض
ونوزعها تمام على المكرونه
وبعدين نغطيها ( بالجزر المبشور لو حابين ) والجبنه التشدر المبشورة ونغطيها بقصدير
وندخلها الفرن من تحت شوي بس تحمر اطرافها ونشغل عليها من فوق بس شويه لما تسيح الجبنه
ونطلعها من الفرن
ونخليها برى تبرد شويه
علشان لجينا نقطعها القطع تطلع تمام وما تتقطع وتمتعووووووووا بألذ وأحلى مكرونه
وهذي الصور: هذي بعد ما حطيت عليها الجبنه ( معليش يابنات ما صورت الخطوات اللي قبل لأني ما فكرت
أنزلها لكم إلا بعد ما حطيتها في الصينيه )
وهذي بعد ما طلعتها من الفرن
وهذي لعيونكم
وهذي بعد
اتمنى تنال على ذوقكم واعجابكم
