هلا باتشي كيفك وطمنيني عن أخبارك والله دائماً أفكر فيك ،،، أفا عليك أنا زعلانه منك صراحة ،، الحين في عز انشغالي كاتبت لك رد ياطوله واطلب منك في الأخير تطمنينا عنك وفي الأخير تقولين ماأحد سأل عني لازم تراضيني مالي دخل :( ،، وإذا ما شفتيه فهذا هو ،، وإذا ماسألنا مهوب قل معزة لا والله ربي يعلم بمعزتك عندي بس إن شاء الله بتجربين بعد كم أسبوع وتحكمين بنفسك بنشوف عاد ذيك الساعة بتطلين تسلمين وتردين وتسألين :p .
المشاركة الأصلية كتبت بواسطة باتشي كراميل
اليوم رحت المدينه الطبيه ابي اسوي تخطيط واطمن واول مادخلت لقيت المناوبه دكتوره مصريه تهاوشت معها قبل كذا واشررررررد قلت خلني اروح العسكري رغم اني افتكرتك بس قلت بااروح اشوف ورحت المجزررررررره والله لما دخلت الطواري انهبلت قلت كيف مستشفى عندهم هالسيوله من الاموال وهاذا حالهم الغرفه عباره عن مطبخ مهدود وفيه 4 اسره ومممرضاات مجرماااااااااااااااااااااااااا ااااات خرموني بالابر ولقوا الطلق عندي 100 بس مااحس بشي وجت دكتوره سعوديه وطلبت تكشف من تحت ورفضت رفضا بااااااااتا وجابت لي عشرين ورقه ابصم عليها ان اطلع على مسؤليتي وطلعت وانا ابكي واتشهد مدري وش اسوي ادري لو رحت المدينه الطبيه بيكشفون من تحت عشان كذا خايفه اروح وفي نفس الوقت خايفه الطلق ياءثر على البيبات او على الرحم حيرررررررررررررانه ماقدرت انام من الهواجس
وش اسوي يابنات اخليهم يكشفون علي والا انتظر الالم القوي يجي واروح تعبتكم ساعة من التفكير ولافي احد اساءله لااااخت ولااام ولاقريب :icon36:
الطلق 100 وساكتة على نفسك إلى الآن منتب صاحية خافي على نفسك ورحمك قبل اللي في بطنك حبيبتي ،، أصلاً ماأدري كيف طلعوك من المستشفى بدون ولادة ،،، ترى شدة الطلق تأثر على الرحم أنا قالي الدكتور أخاف رحمك يفرقع مع شدة الضغط والطلق ،، أنا الطلق كان عندي 60 و70 وعلى طول على غرفة العمليات ،، ومو لازم تحسين بألم قوي علشان تولدين ،، أقرب مثال عندك نونومون كان طلقها 100 ومو حاسه بشي لكن ولدوها الصباح على طول ،،، استخيري وعلى طول على المستشفى بأقرب وقت والحمدلله وصلتي مرحلة طيبه وكويسه للأسبوع 33 أنا ولدت 31 أسبوع ويومين ولاحظي انهم 3 ويارب لك الحمد .. أنا ماأنكر أن دخولهم الحضانة كان شي صعب جداً ومو سهل وكلنا ماتمنينا دخولهم الحضانة ولايوم كنا مستعدين نستحمل التعب والثقل مقابل انهم مايدخلون الحضانة لكن هذا المكتوب وسلامتنا وسلامتهم مطلوبة والحمدلله على كل حال يدخلون الحضانة وتفرحين بهم بعدين أحسن من فقدانهم أو يفقدونك بعيد الشر عنك وعنهم يارب ،، وياليت تمرين على دكتورتك اللي متابعة حالتك من أول الحمل أحسن من هالمستشفيات اللي تمرين عليهم مرور الكرام ولايدرون ايش تاريخك الطبي من أول وبعدين إذا في طلق ووضعية الأطفال تحتم عملية فالمفروض عملية مباشرة بدون كشف ولاغيره ،،، لكن خذي ابرة الرئة قبل الولادة بكم ساعة وتوكلي على الله ،، والله يكتب لك الولادة السهلة الميسرة يارب ويفرحك بشوفة كتاكيتك بصحة وعافية وتقومين أنتي وهم بالسلامة . لاتنسي تطمنينا عليك ياقلبي ،، دعواتي لك .
هلا باتشي كيفك وطمنيني عن أخبارك والله دائماً أفكر فيك ،،، أفا عليك أنا زعلانه منك صراحة ،، الحين...
وهذا رابط الموضوع اللي سألت فيه
http://forum.hawaaworld.com/showthread.php?t=2051664