كيف يعني لسا حامل خخخخخخ..
ولا ولدت واولادي اعمارهم شهر وواحد وعشرين يوم تقريبا الله يحفظهم..يارب..

هههههههههههههههه نونو اوما يكفي لثمانيه شهور استحاله :eek:

بالله ايش اسم الدواء؟!

شاكره لكم بنات ولكل اللي ردو علي بس اغذروني دخلاتي للنت قليله والله ماني لاقيه وقت
واللي قاهرني مابعد قدمت على شغاله ااااااااااااخ بس وهذاني ادور بشتري وحده يااارب يسهل

السلام عليكم ...

كيفكم جميعاً ..

أشكر كل من سأل عني أم طعومي ،، كل الغلا ،، بنت المملكة ،،، شايني ستار

جعلكم ماتفقدون غالي يالغاليات ..

الحمدلله أنا عيالي بخير بس انقطعت الأيام اللي راحت علشان بنتي الكبيرة كانت تعبانة مررررة وتنومت بالمستشفى ولهيت بها ومشكلتها ماتتقبل الادوية نهائي ولو غصبتها تستفرغ على طول وحالة ،، والحمدلله على كل حال وكنت تعبانة نفسياً لاني مو عارفه على ايش استقر بعد سفر شغالتي أجلس عند أهلي لو نص المدة أو أروح بيتي وأخيراً قررت اليوم قرار نهائي والشغالة بتسافر يوم الاربعاء وشايله هم بقوووووة الله يعيني ويعطيني الصبر وطولة البال .

المعذرة كان ودي ارد عليكم واحدة واحدة

كل الغلا ..
هلا بك حبيبتي وأخيراً طليتي علينا ولا انتظرتيني اختفي علشان تطلعين ،، أجل بأختفي على طول ،، كيفك وكيف الحلوين اللي معذبين ماما .
بالنسبة للأكل أنا سألت دكتورهم المتابع لهم من الولادة وقالي بعد 4 شهور ونص أكليهم زبادي وعصير برتقال وبطاطس وجزر وكوسا وسألته عن السيريلاك قالي بعد 6 شهور علشان مايسوي لهم تحسس .
ودكتور ثاني رحت له علشاني عند أهلي قالي بعد 5 شهور ابدي معهم بمسحوق الرز الجاهز .
ودكتورة الاطفال في المنتدى قالت الأكل بعد 6 شهور وابدي من الشهر الرابع بعصيرات التفاح والبرتقال والرمان .

وخلاصة ماسمعت وطبقت مع عيالي الآتي :
بديت معهم بمنقوع التمر بعد 3 شهور وبعد 4 شهور بديت بعصير برتقال مخفف مخلوط بالزبيب الاسود ،،،
وخفت من إعطائهم أي أكل ويتحسسون لانهم خدج ،، وبديت معهم بعد ماكملوا 5 شهور بالكوسا ومن يومين بالزبادي خالي الدسم ومن بكره بأبدا بعصير الرمان واللي بعده التفاح ،، وخايفه من الرز والجزر والبطاطس علشان خايفه من الامساك لكن بحاول تدريجياً بما إني أعطيهم حليب الامساك ،، وبجرب القرع ،،
لكن أهم شي حرصوا علي الدكاترة من السيريلاك قبل 6 شهور علشان مايتحسسون .
وأهم شي ابتدي كل يوم بصنف جديد وبالتدريج يعني في الأول ملعقتين إلى 3 ملاعق والمرة الثانية زودي وهكذا والخضار والفواكه ابتدي بنوع وإذا ماتأثروا وتحسسوا منه اخلطي معه نوع ثاني أهم شي التدريج وكل نوع لوحده في الأول .
يعني لحد الآن أعطيتهم منقوع التمر وعصير برتقال بالزبيب وزبادي وكوسا .
وأي سؤال أنا حاضرة .


أبسألك طهرتي ولدك ولا باقي ؟؟
أنا أمس كنا رايحين المستشفى علشان نطهره خلاص وكنا قبل بيوم مسوين تحاليله وكل شي لكن كنت خايفه مره لانه إذا بكى بعض الاحيان يقطع عنه النفس ويغشى عليه وخفت وقت الطهاره ينقطع نفسه وقلت للدكتور من قبل ويوم جينا نطهره وعدت عليه قالي في وضعه الحالي خدج + انقطاع تنفس الافضل للطهارة بعد سنة ورجعنا قلت امكنها خيره له مع إني كنت أتمنى أطهره وارتاح لكن إن شاء الله انها خيره له يارب .

طفولة ..
كيفك ياقلبي وكيف كتاكيتك ،، وايش اخبار عزيمتكم ،، سامحيني على التأخير في الرد ،، لكن الحلمات استخدمت رقم 1 و2 و3 وإلى الآن مناسبهم 1 و2 أما 3 ماناسبهم يصب كثير ،،

شايني ستار ..
كيفك يالغاليه وكيف الصعنونين ،، مانسيت وعدي لك بكره بإذن الله أخذ رقم الموزع من زوجي وارسلك اياه ،، والكوافيره بأرسلك رقمها على الخاص لكن كلمت عليها قبل أسبوع أبيها تجيني قالوا سافرت أمس وبتجي بعد شهر إن شاء الله .

طوووق الياسمين ..
كيفك ياعسل وكيف زياد وتميم ،، وبشريني عن وضعك بدون شغالة كيف سويتي راحت إلي بالايجار ،، طمنيني قبل ماتبدأ أزمتي بعد 5 أيام .

نونو موون ..
كيفك ياقمر وكيف بسوم وروؤم ،، بالنسبة للسرير والله أنا عيالي كلهم إلى الآن بسرير واحد .

أم لمار ..
كيفك ياقلبي وكيف لمورة وميورة وفروسي صح كذا الدلع ولاغلط ،،
طهرتي فراس ولاباقي ؟؟

شروق الشمس ..
الحمدلله على السلامة وألف مبروووك ماجاءك والله يتمم فرحتك بخروجهم من الحضانه وهم في أتم الصحة والعافية وبضمتهم وهم طيبين ،،
والله يشافي بنتك ويعافيها ويرفع عنها ياكريم وتفرحين بها هي وأخوها وهم عرسان ،، وبأقولك كلمة اذكريني فيها قالها لي دكتور في الحضانه الخدج وضعهم بين كر وفر يعني يوم طيبين ويوم منتكسين ،، فالوضع عادي جداً وفي خدج مروا بظروف ووأوضاع أصعب من وضع بنتك ،، لكن نصيحة منك عليك بالصدقة ثم الصدقة ثم الصدقة بنية شفاؤوهم والله يشافيهم يارب .

تصدقون يابنااااااااات
مالقيت وقت لابو الشباب
انا رجعت لبيتي الاربعاء
الله يصبرهم مساكين يوم كنا حوامل واللحين والله بنااات ما الحق
وش اسوي



عشووقه وش مسويه

الله يعينك بسرعه قدمي شغاله

شوفي ان كانك بتجيبين شغاله علميني اعلمك على مكتب يجيبهم باسبوعين ومره زين لانه كلمناهم اليوم وقالوا ابد اسبوعين وهم عندكم