المشكله حنا في ارامكوا تبع شغل زوجي وماعندنا ملف كل شي بالكمبيوتر

والتطعيمه والله نسيت وشي بس تقول لي انها غاليه..

بسئلها اذا رحت موعدنا

طفووووووله جزاك الله خير
بس اذكر بحمللي الاول ماراحت كرشتي الا عقب الرياضه مع ان بنيه جسمي طبيعتها تميل لنحافه بس الحين يقولون ممنوعه الرياضه 4 اشهوووووووور

بنات ماتلاحظون عسل وقشطه مختفيه مره

يا حبيل قلبك و الله
سألت عنك العافية يا رب
توني اليوم اول مرة ادخل و شفتك تسألين عني يا حبيلك
صادقة و الله مرة انقطعت
بس ما انلام من جد صعبه غربة و دراسة و توأم و زححححححححمة
و كنت توني ناقلة لبيت جديد مثل ما قلت لكم فانشغلت زيادة
اخباري:
رحت للسعودية 3 اسابيع و رجعت
عطيت عيالي هناك حليب سميلاك بلس و مررة ما ناسبهم مع انهم كانوا مرتاحين عليه هنا بامريكا
بعدين دورت بالصيدليات سميلاك ادفانس و لقيته بعد تعب، و نفس الشئ مرة يصارخون و يتمغصون منه بس اخف طبعا من سميلاك بلس
المهم غيرت لهم الى اس 26 و صاروا ما يرضعون ابد ما حبوه
و قلت بالطقاق خليهم يتمغصون بس يرضعون على الاقل، و رجعت عطيتهم سميلاك ادفانس، والله يعيننا على حوسة الحليب
واحد منهم جاته اكزما مدري حساسية يعني كل وجهه حبوب صغيرة و حمرا، و بصراحة سفهتها يعني ما وديته لدكتور بالسعودية لاني ما احبهم و لا اعرف احد زين ولا لي خلق مواعيد، المهم صرت احط عليه فازلين كل يوم و مرررررررة خفت و شبه اختفت الحين، جربي يا طفولة حطي عليه فازلين و بتروح من نفسها ان شاء الله

و بالنسبة لي انا صايرة مرة لياقتي معدومه يعني لو احرك يدي عورتني من قل اللياقة لاني كنت بحملي بالفراش ما اتحرك اخر الاشهر، و ما طهرت زي الناس الى الحين فيه شئ بني الله يكرمكم، ودي اشترك بنادي رياضي بس مافيه وقت، و غير كذا ما لقيت نادي نسائي جنبي كلهم مختلطة، قهر مدري وش اسوي من جد وضعي مأساه، فكرت اشتري سي دي و اتدرب عليه وش رايكم؟

لينا
لا تشيلين هم على الجسم الحين خليك في حملك و صدقيني انا متخيله ان بطني بيصير مرة كبير و حالة، الحين صحيح ما رجع زي اول بس مو مثل ما تخيلت، يعني اول الايام لونه يصير غامق و بعدين يتفتح مع الوقت، و كمان بعد الولادة يكون فيه جلد مترهل و يبدا ينشد من نفسه بس الكرشة الجميله لازم رياضة و لا ما راح تروح
طبعا الى الحين البس الجنز الي كنت البسة اول حملي يعني جنز حمل
اهم شئ انك يا لينا اذا بتسوين قيصري من الحين جهزي لك الكلوتات الي تجي طويله الى السره، لاني انا ما انتبهت لهذي النقطة و صارت كل كلوتاتي تحك بالجرح و تذبحني من الام
الله يسهل عليك و يقر عينك يا رب

طفولة
من جد الواحد اذا جرب مستشفياتنا يشتاق للغربة
بعدين وشو الي ضاعت حسبي الله عليهم!!! هذا بدال ما يكلمونك بعد 24 ساعة و يطمنونك!! يجدعونها 3 ايام و يضيعونها بعد
الله يعين بس و لا يحوجنا لهم
الطفح الي في ابنك وش اخباره الى الحين سيئ، لا يضيق صدرك ترى انا ولدي جاه زيه و طلع دم و يا قلبي عليه بس انتي استخدمي دايبر راش كريم يكون زين و انتبهي من الي فيه كورتيزون، و ياليتك ماخذة معك من كندا و الله فيه انواع رهيبة انا اوزعهم على خالاتي اذا رحت لهم زيارة
و حاولي تخلينه بدون حفاض، حطي له مهاد قطن و خليه ساعة والا ساعتين، و غيري نوع الحفاض، و غيري له كل ساعتين بالكثير
الله يشفيه يا عمري هو

مرحبا ياامهات ,,

كيفكم كلكم ؟
نونو مون سألت عنك العافيه الحمدلله اموري شبه مستقرة وجبت ناني للاولاد والحمدلله طلعت كويسه والله يسهل وتستمر معانا ..

عسل وقشطه,,
صار لي يومين افكر فيك وابي ادخل اسأل عنك بس للاسف اللاب توب كان عطلان وتوه يتصلح واول مادخلت لقيت لك رد ومرة فرحت ..الله يسهل امورك ..

بنات انا طعمت اولادي تطعيمه الشهرين بالرياض ويوم جيت هنا وريتها الدكتور قال انه فيه تطعيمه ماعرف يقراها وبيعيد التطعيمات لهم من جديد .. عاد انا وقتها كنت توني واصله من الرياض وماركزت بكلامه زين ومااستوعبت وش قال الا بعد ماطلعت من عنده .. باللهي وش رأيكم بالحكي هذا ؟

السـلام عليـكم,,
ولكمووو عسل وقشطــة..
منووورة ياقمــر..
الله يعينك يارب عالغربـة والتعب والله اني اشيل همكم في الغربـة دي..
=========..
طفوولــة..
الصراااحـــة شي يرفـع الضغط والله..
بجد اخس اتنرفزت من الحركـة اللي عملوها في المستشفــى والله..
الله يعينك والله الله يكفينا شرهم ولا يحوجنا لهم..
=========..
كووبي,,
تعيدي التطعيمات كلـها!!!!!!
والله ماعندي فكرة,,
بس لو انا مكااانك ماكنت عدتها لهم..
الله يعطيك خيرها ويكفيك شرها ويارب تضبط معااكي ومع الاولاد ياارب..