لا من قال مافيه شغاله تحب الاطفال...لا فيه شغالات ربي يهديهن ويسخرهن وبعضعن طبعهن حنونات
على الاقل لو ماحبت الطفل تكون وسيعه بال تتحمل الطفل وهباله...بس بعض الشغالات لا نفسها خايسه ماتتحمل شيء
وبعضهن تحط راسها براس الطفل وتعامله كانه كبير وتحقد عليه

والشغاله وجودها مهم مو بس للبيت..انا عن نفسي في ستين داهيه البيت اهم شيء عيالي... وحتى لو كنتي مو موظفه لازم يمر عليك موقف تظطرين تخلين طفلك عند الشغاله
..واللي تقول لا انا اتحداها...انا مثلا ماقدرت اتكل على الشغاله لين تموا 4 شهور عيالي معي طول الوقت رغم انهم 3 بسم الله عليهم...مانكر اني تعبت ووصلت مرحله بغيت انهبل فيها كنت امشي واتسند على الجدران ولاوقفت طحت من التعب والارهاق مرت علي ايام كرهت نفسي بس مابي اتكلم واضيع اجري...استغفر الله العظيم... الله لايواخذنا و يرحمنا ويعظم الاجر

وبعد 4 شهور اظطريت اخلي الشغاله تساعدني عشان ماخسر صحتي واقدر اربي عيالي
لكن كل شيء تحت عيني وقدامي...شوي شوي صرت اخليهم فتره الظهر 3 ساعات والجهاز فوق راسي..والله اني انام ودموعي على خدي ومايعلم بالالم اللي احسه بصدري غير ربي..بس غصب علي... لنفسي علي حق
الله يخليهم لي ويخليني لهم
من اسمع احدهم يصيح افز واروح غرفتهم...رغم ان مابين غرفتي وغرفتهم الى مترين بس
ومااعطيهم اياها الى انا مستودعتهم الله ومرضعتهم ومغيره لهم البامبرز ومنومتهم هي بس وظيفتها تصير حولهم لاطاحت المصاصه تعطيهم اياه..
وحتى لما خالتي اخذت وحده من البنات كم يوم تنام عندها,,,مظطره اخليها تساعدني لما ارضع عبودي وجمان تبكي تبي حليب اناديها ترضعها..و.لما اغير لجمان وعبودي يبكي اخليها تجي تسكته او تشيله ...لما اروح الحمام ويصيحون اخليها عندهم...لابغيت اخذ شور...لابغيت ادخل المطبخ...لازم الشغاله تكون عندهم

يعني باختصار نحتاج شغاله تحب الاطفال الا تمووووووت عليهم معليش اذا بس قدامي..بس لاتضرهم من وراي

لكن نصيحه كل يوم ادعوا بصلاتكم وكل وقت,,الله يسخرهن لنا ولعيالنا..,استودعوا الله عيالكم وازواجكم وبيوتكم
والله يحفظكم

مدري شفيني مكتئبة واحس الحياة مالها طعم



وضايق صدري اني ولدت قيصري

مرحبا ياحلوات ..
حبيت اسلم عليكم واتطمن على اوضاعكم ,,
اشوفكم بديتوا تحكون عن الاكل من الان ,, مو مفروض مايبدون ياكلون لحد مايصيرون 6 شهور ؟
طيب العصاير متى نبدئ فيها ؟
انا دكتور الحلوين منرفزني وماودي اسأله عن شي ,, كل ماكلمته قال اصلا هم عمرهم اصغر لاتحسبين على اساس اليوم اللي انولدو فيه احسبي على اليوم اللي مفروض كانت ولادتك ..

ايه يا عمري انا
هو من الاكاديمية الامريكيه لاطباء الاطفال
يعني زي الاتحاد الطبي كل همه الاطفال و تربيتهم و اكلهم
انا يوم ولدت عطاني طبيب اطفالي الكتاب الي كتبته الاكاديمية، عن الطفل من الولادة الى 5 سنين
مرة خرافي، اذا عندك احد في امريكا او كندا خليه يجيبه لك، اتوقع انك تعرفين انقليزي طبعا لان الكتاب بالانقليزي
اذا تبين اسمه قولي لي اعطيك اياه
موقعهم هو
http://www.aap.org/
و اتوقع فيه كل شئ

نظام الغذاء باختصار (واذا تبين تفصيل قولي لي)
طبعا اول شئ ما تبدين الا بعد 6 شهور بالضبط، خصوصا انهم توأم، في بعض الحالات يقولك ميخالف 5 شهور
تبدين بالسيريل، يعني سريلاك الرز، و يفضل انه يكون اورقانك( تعرفين هم كيف حريصين على اورقانك) بس مو لازم يعتمد عليك انتي و فكرك و ايش تبين
المهم مدة السريلاك اسبوع يكون فطور و عشاء عشان البيبي ينام و يريحك بالليل
الاسبوع الثاني نبدا بالخضار الصفراء، يعني قرع بعدين بطاطس بعدين جزر بعدين بطاطا حلوة و يعني اي شئ اصفر، بين كل نوع خضار و الثاني 3 ايام عشان تتأكدين ان البيبي ما جته حساسية او طفح او اسهال
الاسبوع الثالث تبدين الخضار الخضراء مثل بروكلي بازيلا و تقدرين تخلطينها مع الصفرا حقت الاسبوع السابق
و هكذا
اذا صار 7 شهور ابدي الفواكة مثل الموز و التفاح و انتبهي من الحوامض مو وقتها الحين
الحكمة من بدايه الفواكة ب 7 شهور عشان البيبي ما يكره الخضار لان الفواكة حلوة و سكر فيحبها البيبي فخليه يتعود على الخضار اول
بعد 9 شهور تبدين اللحوم و الدجاج و الزبادي، الحكمة من تأجيل الزبادي لانه يحتوي على حليب بقر و بروتينات حليب البقر صعب هضمها في معدة الرضيع لذلك يؤجل الزبادي الى 9 شهور
عمر 9 شهور كذالك سريلاك القمح و غيرة من الحبوب الكاملة الصعب هضمها
و بعد سنه عطيه بيض و عسل

انتبهي من العسل قبل سنه و من بياض البيض لانهم خطيرات على الرضع

طريقة الاكل:
فطور- حليب- غداء- حليب- عشاء- حليب- حليب نوم تقريبا كذا
يعني وجبة بعدين حليب و هكذا

العصيرات
عمر 6 شهور مسموح لك عصير تفاح فقط مخفف و يكون حق اطفال يعني من قربر مثلا فقط
عمر 9 شهور مسموح لك برتقال عصير مخفف

الفطور حلو تسوين
Apple Sauce
و تخلطين معاه سريلاك، طريقة الابل صوص، انك تقطعين التفاح و تشيلين القشر، بعدين تطبخينه بالبخار و ليس مسلوق، و اذا صار لين اخلطية بالخلاط و يصير لك ابل صوص، كذا احسن من عصير التفاح لان عصير التقاح على طول يصير اسود بس كذا مررررررة لذيذ و حلو

هذا الي اتذكرة و اي سؤال تفضلي

ما شاء الله تبارك الله

الله يحفظهم و يصلحهم يا رب

بنات حبيت اسألكم من خبرتكم

هل ممكن وضع جدول للطفل خلال فترة الأربعين ؟؟

لأني قرأت بكتاب لمربية بريطانية اشتغلت كمربية مدة 20 سنة

تقول يجب وضع جدول للطفل من اول يوم لتنظيم حياته

وكانت معتمدة هالنظام كل 3 ساعات

رضعة --- نشاط --- نوم

ترضعي طبيعي او صناعي

ثم

تسوي معاه اي نشاط مثل تغير الحفاظ او الترويش او مساج

ثم

تنوميه مدة ساعة تقريبا

وهكذا كل ثلاث ساعات

رضعة --- نشاط --- نوم

فياليت تجاوبوني من خبرتكم هل هالنظام ممكن ولا صعب ؟؟

واذا في اي ملاحظات ياليت تضيفوها

والف شكر لكم