ام غدغودة
بالنسبة للترجيع هل تطلعين منهم الغازات بعد كل رضعة ؟؟
انا عندي اذا ما طلعت منهم الغازات يرجعون .. وخاصه الولد ..
في نص الرضعة اطلع الغازات مرة و في آخر الرضعة مرة .. والحمدلله ما يرجعون
بالنسبة للإمساك .. يمكن الحديد هو اللي مسبب لهم امساك ...
متى ما حسيتي بطنهم ماسك ... وقفي الحديد يوم لين يمشينهم بطنهم ..
أو عطيهم ماي وسكر .. وشوفي بيمشيهم بطنهم أو لأ ... انا يفيد معاي
بالنسبة للشفط .. اذا قادرة تشفطين ٨ مرات باليوم ... فالحليب بيزيد عندج
و اذكر ايام الحضانة يقولولي شيليهم على صدرج Skin to Skin يساعد ان الحليب يزيد ..
بس ما طبقت وايد ... كنت اشفط وكانت الكمية ممتازة لين ما يبتهم البيت ووقللت شفط الى مرتين باليوم ... قل الحليب بنسبة كبيرة
سألت الدكتور عن دواء للغازات قالي فيه Oval في الصيدلية .. بس ما استخدمته للحين ..
الحين انا بسألكم ...
امي تقولي يوم العيال يكبرون شوي يعني يصيرون ثلاث شهور .. الغي رضعة الليل
وبدل الحليب اعطيهم ماي .. عشان يتعودون و ينامون الليل كم ساعة اكثر ...
هل الحل هذا يفيد ؟؟
تقول اذا عودتيهم على الحليب بيتمون فترة طويلة يقومون الليل .. وانا صراحة اباهم ينامون لأني في الليل انقلب مصاص دماء خخخخ قصدي اصير عصبية و ما عندي طولة بال و اندم الصبح ...
اليوم الصبح اروّش البنت و اقولها ماماتي وادلعها ... امي تقولي .. الحين البنت تقول في بالها ماماتي تقولها الصبح ونص الليل يوم محتاجينها تقلب تصير وحشة هههههه
الله يهوّن علينا هالايام ويصبرنا و يصبر عيالنا يا رب
دايم ادعي ان شاء الله يكونون صبورين ...
ام غدغودة
بالنسبة للترجيع هل تطلعين منهم الغازات بعد كل رضعة ؟؟
انا عندي اذا ما طلعت منهم...
لكن حابه أسألك كيف كنتي تعطيهم وجبة التمر كعشاء ،، يعني حابه أعرف الطريقة كيف ؟؟؟ وتكون هي آخر وجبة مافي بعدها رضعة حليب ولاشي ؟؟
وبالنسبة للطلعات شكله مالهم طلعة غير للدكتور وبس ،، لإني ماعندي أهل ولا أهل زوج في مدينتي .
ولاتحرمينا من طلاتك الحلوة .