عيون ولدي... :

كل عام وانتم بالف خير

كل عام وانتم بالف خير

شكلاته ساخنه :

السلام عليكم اكمل لكم قصتي ياحبايب قلبي لماكنت بغرفة العنايه المركزه الي تقصر العمر وعشت هذيك الليله الي مامرت بسهوله كانت اطول ليله بعمري وكنت احس بوحشه غريبه واتخيل نفسي ممدده بثلاجة الموتى اقسم بالله عجزت ابعد هالتفكير من راسي المهم الساعه ثلاث تقريبا فرج الله لي وتغير الشفت جت ممرضه فلبينيه واستلمت حالتي وراحت هذيك المصيبه....الله لايوفقها جت عندي وقعدت تتكلم معي شوي قالت لازم تتحركين شوي عشان نشيل القصدره بعدين وعشان ما يجيك جلطه... قلت ابحاول بس والله تعبانه مرره ما اقدر اتحرك قالت نحاول سوى انا ابساعدك قلت وش هذا الي طالع من بطني قالت هذي قصدرة دم تطلع الد والصديد الي ينزفون من الرحم على جوا يعني ينزف داخل الجسم مو جوا الرحم وتطلع السوائل عشان مايصير لك التهابات قلت لها طيب يطلع منها شي الحين ولا لا قالت ايه بس انا افرغها لين فرغت قصدرة البول بس ما ارميها لا اوريها الدكتور عشان يشوف كم مل دم طلع منك سالتها عن الحشوه وشي وهل يحطونها دايم وتصير عوقبها سليمه ولا فيها مشاكل قالت هذي تقنيه جديده نستخدمها هنا بالمستشفى وما بعد تاكدنا من نتايجها كل وحده حسب حالتها وانتي مكتوب ان عندك حشوتين مو وحده لان رحمك مرره متظخم قلت وشي هي قطن ولا ايش قالت هي زي لفة المناديل الكبيره تعرفينها الي تنسحب من تحت قلت اكيد اعرفها قالت هي مثلها يصير طرفها من جوا طالع يسحبه الكتور لين تخلص وهي اقرب مالها الشاش بس تختلف شوي المهم قلت لها انتي كويسه احسن من هذي الي قبلك وانا ابعطيك هديه قعدت تظحك قالت نامي الحين شوي قلت لااا تقفين لا تقولين نامي قلت عطيني شنطتي وعطتني اياها طلعت لها مية ريا وقلت لها هذي هديه لك لانك كويسه ومو مثل الي قبلك اول شي عيت بعدين وافقت وقعدت تظحك قلت لها عطيني الكيس عطتني اياه شغلت الرقيا قالت طفيها لين نغير لك لا يشوفونها الممرظات وبعدين يسوون مشكله قلت طيب جو الممرظات وفصخو ملابسي وجابو زي الطنجره الستيل وحطوهاتحتي بالعذاب وانا ابكي والله يابنات اصيح صيااح ابمةت من الوجع بس ماعندك احد يرحمك المهم جابو مويه دافيه وبللو بطني وباقي جسمي وفركوني برغوه همن شطفوني بشوي مويه يعني يبللوني بالفوطه يغمرونها بالما ويفركون جسمي بعدين غيرو المفرش ورجعوني مره ثانيه وكانو كل ربع ساعه الله يكرمكم تجي الممرضه تطل بالفوطه حقتي وتغيرها وتكتب عندها الكميه الظاهر المهم راحو وشغلت الرقيا وحطيتها على بطني والله يابنات ان بطني عورني مره وحسيت زي الحركه فيه (اكتبو بقوقل آيات النزيف ماهر المعيقلي وتطلع لكم) المهم الساعه 7 جوني وقالو كلمي زوجك لا يتاخر كلمته قال انا بالطريق بدو يجهزوني لغرفة العمليات لفو شعري ولبسوني اخظر وشيكو على ابر المغذي الي فيني شالو قصدرة البول وقالو انتي ما شربتي شي ابد الحين بنرجعها لك بعد ما نخلص وشربوني شي مدري وشو بس الظاهر انه يهدي الاعصاب نزلوني للعمليات وانا ميته خوف قلت لهم ابي اشوف زوجي تكفون شوي وينادونه جا وشاف وجهي واتاع:o يقول وجهك زي الليمونه المعصوره تروعين قلت وقعتا انك موافق يشيلون رحمي قال ايه قلت وشلون عيالي بالبيت قال لا تكرين فيهم ***** الله ماعليهم طيبين قلت شفتا الصغار قال ايه مرره صغار وحطوهم بالظانه بس ***** الله ماعليهم شوي ويطلعون قلت له لين مت لا تتزوج وتخلي زوجتك تقهرهم ارجوك اصبر عشانهم قال انتي موتي الحين وبعدين يصير خير ههههههههههههههه حسيت انه وده المهم جا الدكتور وحط السماعه على بطني من فوق السر بشوي قال لي المفروظ نصبر بس اليوم الاربعء وبكره وبعده ماراح اجي تبين نخلي الناوب هو يشيلها لك بكره او بعده قلت لا انا متوكله على ربي وماعاد ابي هالحشوه تقفى الموت ارحم من ليله ثانيه زي ليلة امس تكفى شلها والي يصير يصير قال طيب وراح يجهز نفسه دخلوني غرفة العمليات وجا دكتور البنج قال شوفي انتيالحين ما تحتاجين للبنج بس في حال نزفتي لازم على طول ابنجك عشان نفتح البطن باسرع وقت قلت توكلو على الله سدحوني جو ممرضتين ورفعو فخوذي على فوق ومسكوهم بقوه جا دكتوري وجاب معه زي الملقط طويل مررره جهاز يفتح به عنق الرحم انا طبعا ابموت من الوجع ظغط على الجرح والم من كل جهه المهم لقط شي كذا يالملقط وبعدين طلع الجهاز الي يفتح عنق الرحم وبدا يسحب هالحشوه وانا اصرخ ابموت قلت له خلاص ابموت وقف شوي همن قال ما ينفع كذا لازم ترخين شوي وتاخذين نفس قلت خوفو الله ما اقدر ابموتتت قال خذي نفس تو باقي كثير الحشوه طويله مره يمكن 16 متر حاولت اتصبر وآخذ نفس وبدا يسحب مره ثانيه والله يابنات انه يسحب وانا اتشهدواشوفه يسحب والشاش احمركله دم وهو يسحب اغمي علي وماعاد حسيت بشي....

السلام عليكم اكمل لكم قصتي ياحبايب قلبي لماكنت بغرفة العنايه المركزه الي تقصر العمر وعشت هذيك...