زهرة الألماس @zhr_alalmas_1

محررة

%% حياكم كبسة فيليه سمك على كيف كيفكم %%

بسم الله الرحمن الرحيم ..
السلام عليكم ورحمة الله وبركاته ..

اليوم قلت ابسوي لنا اغداء كبسه فيليه رهيبه عاد احنا من مدمني كبسة الفيليه فقلت اشارك خواتي في عالم حواء واكتبها واصورها واشوف وش رايهم ست بيت ولا لا <<<<< لا يكثر ههههههههه
ابدا بالمقادير :
بصل مقطع ,,,, ثوم ,,,,, طماطم وصلصه مخلوطين مع بعض ومعصورين بالخلاط
ماجي كرتون ,,,,, فيليه سمك حسب الحاجه مقطع مربعات لا كبيره مره ولا صغيره مثل الصوره
بهارات مشكله ,,,,,, رز منقوع حسب الكميه ,,,, زيت وماي مغلي ...

الطريقه :
قبل لا تبدي بكل شي تكوني غاسله الرز ومنقعته بماي حار انا انقعه لمدة 15 دقيقه عشان يستوي بسرعه
بعدين تاخذي قدر وتحطيه على النار وتحطي الزيت وعليه البصل وتشوحيه وبعدها تحطي الثوم تفرميه بالاداة حقت الثوم مثل اللي بصوره اذا كانت متوفره عندك ...