كيف حالكم ياأحلى حوائيات؟؟
قبل فترة كنت رايحة عند أهلي ومابغيت أتعب الوالدة بالطبخ
فقلت خليني أطبخ ببيتي وأخذ الغداء معاي
وسويت كسكسو مغربي من باب التغيير
نبدأ بالمقادير ياحبوبات..
حبتين دجاج مقطعة ارباع
حبتين بصل مقطعة صغير
6حبات طماطم مطحونة
3ملاعق صلصة
بهارات (كمون _كزبرة_فلفل أسود _ملح صيني_)
ليمون ناشف
ملح
مكعب ماجي
نص حزمة بقدونس
خضار (فاصوليا_بطاطس _جزر_كوسة) إذا حبيتي قرع بس أنا ماكان عندي (طبعا بدون تقطيع بكبرها وإذا كانت كبيرة مرة أقسميها نصين
علبتين كسكسو
نص أصبع زبدة
فلفل رومي للنكهة
الطريقة::
نحمر البصل في شوية زيت
نضع عليه الدجاج
ثم نضع البهارات والماجي ونقلبه
نخليه لحد ماتنزل مويته ثم نضيف الطماطم المطحونة ونطحن معاها البقدونس ونضيف الصلصة وكاسة موية حارة ونغطي عليهاا لحد ماتتسبك
نضيف الجزر والفاصوليا ونغطي عليها لمدة ربع ساعة
وفي هذي الأثناء نغسل الكسكسو ونجهزه في الصفاية
نضع البطاطس والكوسة والفلفل الرومي ونقلب بحذر
ثم نضع مصفاة الكسكسو فوق القدر ونغطيه
نقلب الكسكو ونرش شوية موية حارة مقدار ربع أو نص كاسة تقريبا ونضيف له شوية ملح وشرايح زبدة عشان مايعجن وإذا كان متماسك في بعض نفككه
ونرجع نغطيه
ونخليه على نار هادئة لحد ماتنضج البطاطس والكوسة مع مراعاة تقليب الكسكسو بين الحين والآخر
ونحط الكسكسو في الصحن ونرص الدجاج والخضار فوقه ونرش شوية من الطماطم عليه ونزينه بالبقدونس
طبعا أنا ماحطيت حمص مع الخضار لأني ماأحبه وكثرت الخضار والكشنة عالوجه عشان الوالد وأخواني يحبوها كذا
أتمنى يعجبكم
وبإنتظار ردودكم