بسم الله الرحمن الرحيم
السلام عليكم
حبيت اشارككم اليوم سفرة سحوري الصغيرة الثالثة ...
واعذروني صورتها بسرعه لان ابو العيال:arb: كان جوعان ويقولي مو الا تصورينها خلينا ناكل ...
بس قلت له لا لاااازم اصورها لخواتي وحبايبي بنات حواء ...:39:
وهذي سفرتي ....
منظر عام للسفرة ...
وهذا عيش مشخول " رز " مع دجاج مشوي بالكيس ...
الدجاج ما تحمر زيادة لاني مثل ما قلت لكم ابو العيال :arb: جووعاااااان حده ...
طريقة الدجاج ...
ننظف الدجاجة عدل ونتبلها بـ ( علبة روب "زبادي " _ ملعقة كبيرة صلصة المحار -ملعقة كبيرة صلصة اجنحة الدجاج بالثوم - بهارات - كمون -بابريكا - كركم - بصل مفروم - شوية فلفل احمر بودرة " حسب الرغبة " )
نتركها من ساعة الى ساعتين او ليلة كاملة .. بعدين نحطها بالكيس الخاص بالفرن ونحط معاها خضرا انا حطيت ( بطاط - بصل - طماط ) هذا اللي كان متوفر عندي
ونقص الكيس شوي عشان البخار ونحطه بصينية وندخله الفرن على نار متوسطة .. يحتاج تقريبا ساعة ..
صورة صلصة المحار وصلصة اجنحة الدجاج بالثوم وممكن تستعملون اللي ما فيها ثوم وتضيفون ثوم للتتبيلة ...
وهذا دقوس طماط ...
طريقته ..
نحمس ثوم مهروس بشوية زيت ونضيف له طماط مطحون وبهارات وملح وفلفل وكركم وعلبة معجون طماط وشوية ماي ونخليه على النار الى ان يتسبك .. وماراح يحتاج وقت بسرعه يخلص ....
وهذا المعبوج " الفلفل " اللي الكل سألني عنه .. ويمه شرايح ليمون ...
طريقة المعبوج ...
نحمس ثوم بزيت وقرن فلفل حار نحمس الى ان يذبلون ونضيف لهم بهارات وفلفل احمر بودرة ومعجون طماط ...
ونخليه الى ان يتسبك وبالعافية ...
وهذا الحلو ... قطايف ...
طريقتها معروفة للكل ... بس بكتبها ...
شريت قطايف جاهزة وحشيتها جبن كيري وحطيتها بالفريزر الى ان جمدت وقليتها وشربتها شيرة ...
هذي سفريتي الصغيرونة ... اشرايكم فيها ...
اي سؤال انا حاضر ..:26:
رمانة الكويت @rman_alkoyt
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
تسلم الأيادي
الله يعطيك العافية يا الغلا