حياكم موضوع للنقاش الرجاء النفسيات لا يدخلون

السلام عليكم ورحمة الله وبركاته اخواتي بنات عالم حواء بدخل بالموضوع على طول وياليت الحوار يكون راقي ولاحد يخربه العين حق وكلنا نؤمن بهدا ولكن لا يصل الموضوع لحد الوسواس كما امنا ان العين حق نؤمن ان الله هو الحافظ ونتحصن باالادكار ونتوكل على الله وان مايصبنا الا المكتوب من ربنا سبحانه وتعالي بعض الحريم احس انهااصابها وسواس من العين كل شي عندها عين ان شاءالله يطيح ولدهاصاحت صكوه بعين في الايمان باالقضاء والقدر ليه الوحده ماتحصن نفسها وعيالها وتحسن الظن باالناس ولا صرنا نتجنب كثير من التجمعات بسبب هدي النوعيه من البشر حتى بعض الاقرباء ماعاد يتزوران وفلانه جات بتي وصكتني بعين ولا ولدي ولا بيتي فيه بعض الحريم بس طول وقتها كلامها عن العين وتقص قصة حياتها يختي تحصني ادكري الله هدا مكتوب لك لا تبلشن الناس بشكك ولا صكي على نفسك وعيالك في بيتك لا تخرجون لا تخالطون المجتمع دام ايمانكم ضعيف وما تحصنون كانت امي رحمة الله عليها دايم تدكر زمان وتقول والله يازينه ليته يرجع القلوب على بعض والاقارباحباب والجيران كانهم اهل لما اقول لها فلانه ولدت تقول مشاء الله توي ادري منك انها كانت حامل قلت وانا مثلك يخافون من العين يمه ولا فلانه بتزوج خاصه من اقرب الاقرباء تستغرب رحمة الله عليها لانهم زمان الكل يدري عن الثاني والكل يبشر قريبه يتشاركون الفرحه سوى مع القريب ومع الجار الله زمانهم حلو لا تجي وحده تقول الحسد موجود ماقلنا شي بس ليه مانصفي النوايا ليه ماندكر الله ليه ما نتوكل على الله حتى الحمل فلانه تحسدني والخطبه فلانه تحسدني هدي كلها كتبها الله ويمكن غيرك محروم منها بس موشرط انه يصك بعين يمكن يفرح لك ماتدري عن النوايا وغيرك عندها عيال على ايش تصكك بعين والله صرت اتجنب اسلم على بعض عيال الناس ودخل بيتهم اخاف بكره اطلع في سبق ام حنان صكتنا بعين ياحريم ادكرو الله ماحد سافر ولا نخطب ولا جاه عيال الا انتم حتى الوحده تطلع في وجهها حبه على طول صكوني عين