حياكن الله في ملفي البسيط لتنظيف مطبخي و بيتي و ترتيبه بعد فوضى دامت فترة من الزمن لا تقل عن عشر سنوات:44: لا تستغربوا ما حبيت اصدمكم :angry:المهم بعد التغيرات شو يلي حصل عندي بالبيت
عدة امور اولها انه اولادي و زوجي تغيرت نفسيتهم تماما صارت روعة ما شاء الله تبارك الرحمن
و انا نفسي تنشطت وصار بيتي احب مكان إلي:) بعد ما كان اكره مكان إلي
و هاي اول مشاركة مصورة انزلها لعيون احلى بنات بالمنتدى يلي استفدت منه كتير و الفضل يرجع لله اول و اخر ثم لكل اخت استفدت منها بالمنتدى و سامحوني لو ما ذكرت الاسماء لكثرتهم
مثل ما قلت لكم رح اشاركم معي بملف تنظيفي للبيت و المطبخ والمرحلة الاولى رح تكون من المطبخ و مشاركتي رح تكون في فرن الغاز
اول صورة : الزجاج و هو داخل الفرن قبل ما اشيله من مكانه لاحظوا الزيت المتراكمة عليه
صورة تانية للتوضيح
بعد ما فكيت الزجاج وضعته على الارض بعد ما فرشت شرشف نايلون الخاص بالطعام عشان الارض تبقى نظيفة و الفكرة اخدتها من اخت بالمنتدى استخدام الشرشف قبل اي مرحلة تنظيف ووضعه ووضع الاشياء عليه
سائل تنظيف خاص بالدهون نوعية فرنسية لقيته بكارفور سعره 17 درهم اشتريته و رشيت فيه الزجاج
يتبع اخواتي لا حد يرد
بسكين حفيت الزيوت المتراكمة على الزجاج و الباب الداخلي للفرن ما احتجت مجهود كتير عشان السائل قام بالمهمة عني
المرحلة التالية كانت مسح الباب و الزجاج بقطعة قماش بصراحة انا احتفظ بالجوارب الرجالية البالية لهيك مهمة
هنا ادخلت يدي بين الألمنيوم الخاص بالباب و مكان الزجاج يلي فكيته عشان انظفه و دعكت منيح و نظفت الزجاج الداخلي للفرن