ما انكر ان العزوبية لذيذة وممتعة بشكل ماينوصف حتى
خاصة اذا اجتمعوا العزوبية مع الحرية والشباب (الشباب = صغر السن)
بس مع كذا الاطفال لحالهم حياة ومتعة وجمال ، الابناء فعلا زينة الحياة الدنيا مثل ماوصفهم الله عز وجل
اصلا وجود الاطفال لحاله يغيرك ويحسن كثير من صفاتك ، التربية تعلمك وتصلحك

ما اقول لك حاولي تتعايشين ، لا .. لازم تتعايشين
ولازم لازم لازم لااااااااااااازم انك تحطين في بالك كل العمر انك كنتي تحنين للعزوبية وودك ترجعين لها
وماتزعلين من بنتك لما تنخطب وترفض وتبكي وتسوي سالفة عشان ماتتزوج او تحاولين تجبرينها، لأنها تحس باحساس افضع من احساسك الحين
بصراحة لما اكون بهالموقف احس كأني باموت .. كأني بانسحب لساحة الاعدام، وليتها في جريمة سويتها لا .. بس عشان ارضي مجتمع بياكلني بقشوري بس لأن اللي بسني تزوجوا وكأنه شي اجباري رضيتي ولا انرضيتي بتسوينه !!
واللي يوجع اكثر لما (البعض) يلمح بأن البنات اللي مايبون يتزوجون يميلون لبنات مثلهم ومكتفين فيهم استغفر الله العظيم
يعني البنت اللي ماتبي تتزوج رفضها للزواج يوصلها لدرجة انها تنقذف الحمدالله والشكر
اضحك من جهل وغباء بعض العقول، واحيانا احس اني مثل ماقالت سمو العزيزة ودي اهاجر من كثر ماتفكير الاغلبية يتعب

ماعلينا مابي اكثر كلام ويصير الرد فضفضة ومايفيدك بشي
المهم .. انتي اذا زوجك حليو روحي لاهلك 3 او 4 ايام وخلي العيال عنده او سافري معهم مكة مثلا خذي عمره وارجعي
منها يتحمل مسئوليتهم ويحس فيك ومنها تستمتعين شوي بالحرية
واذا مو حليو ولا يتحملهم تدريجيا حاولي تحملينه شوي من مسئولياتهم الى مايحس فيك وبعدها اطلبي منه والحي انك تاخذين فترة نقاهه
وحتى بطلعاتك للصديقات والجارات حاولي ان زوجك يقعد مع عيالك مو انك انتي تنشغلين فيهم او تاخذينهم معك

وحتى بشغل البيت والطبخ والخرابيط ذي لا تجهدين نفسك جدا وتحملين نفسك فوووق طاقتها
احيانا اعطي نفسك اجازة من هالاشياء ، اهلكي نفسك بس بالتربية وبالحقوق الشرعية للزوج
وحطي تحت الشرعية مليون خط ، مو الحقوق الاجتماعية اللي يعذرون فيها الرجال اذا ما اعطى المرأة حقها الشرعي مثل "الصرف" ويجرمونها اذا ماعطته حق اجتماعي مثل انها ماغسلت ثوبه !!

واهم شي تذكري ان نعمة الاطفال مااااااابعدها نعمة
واستمتعي بتربيتهم وحبهم

اللي ماتبغى الزواج تعطيني اسم زوجها ومواصفاته لان عندي بنات كبار شوي وعازبات ويتمنون يكونون مكانكم!!!عندهن زوج واولاد !!يله مين تبغى ترجع لاهلها وترجع للعزوبيه على قولتها وتتطلق من زوجها وتخليه للي محتاجته اكثر منها!!!
اللي مستعده ترفع يدها هههههه ...ولا احد!!!


احمدوا ربكم على النعمه لايآخذها ربي منكم !!!

اهم شي انتي اللي بتدفعي المهر وتكاليف الزواج لآن ازواجنا عً قد حالهم مساكين

الله يعوضك خير وان شاء الله نسمع خبر زواجك بس تأقلمي وحبيه الزواج موتترددين

اللهم لك الحمد حتى ترضى .. ولك الحمد إذا رضيت .. ولك الحمد بعد الرضى.