السلام عليكم قمرات
ويبقى حبيبي
عندنا مثل زي هذا بعد يقوول
ربي البنت باللدح والولد بالمدح هههههه
اللدح هو الضرب ...شفتي كيف؟؟؟؟
والمثل ذا يخالف وجهة نظري...انا مااقدر اقسي عالبنات ابد...وابوهم يرحمهم ويحن عليهم اكثر من الاولاد بعد
طيب ليلة الزواج...للاسف كل ذكرياتي مش ولابد
تزوجت عمري 17سنه...ما اعرف وش المراهقه الي يقولونها...احس من الطفوله للامومه على طول خخخخ
زواجي بعد الاختبارات باسبوع..تخيلي قبل زواجي بيومين رايحه المدرسه اخذ النتيجه...لا،،، ولا علمت احد ان زواجي بعد يومين...خذت الشهاده ورحنا الديره عشان نحضر زواجي خخخخخخخخخ
امي كانت تعبانه وعندها ظرف صعب مره وهذا الي خلاني مااحس بفرحة العرس ابد
ماانزفيت للاسف
زوجي اول مرة اشوفه ذيك الليله...لاملكه ولا مكالمات ولا حتى صور
ما اكلت شي يوم الزواج. وبغيت اموت جوع...عييت عن الغدا...وبعد ماصليت العشاء اكلت تفاحه..وماجا الفجر الا وانا ارقل من الجوع ههههههه
شهر عسل ماسافرت...سافرت الخبر ومنها للامارات بعد خمسه شهور من زواجي ...هههه يقالك تعويض
السلام عليكم قمرات
ويبقى حبيبي
عندنا مثل زي هذا بعد يقوول
ربي البنت باللدح والولد بالمدح...
وهذا يقودنا لمثل عندنا هههههه(رجعنا لسالفة الامثال
يقول المثل(النيه مطيه)
يعني نيتك يااالانسان كانها مطيتك الي توديك المكان الي تبيه(المطيه طبعا الراحله او الناقه الي يتنقل عليها الناس زمان)
اذا كانت نيتك زينه ومافيها غل على احد...يكون دربك سمح وطريقك متسهل...والعكس صحيح
شوفي انتي...يوم قررتي تتناسين كلام ام زوجك وماتخلين الشيطان يكبرها بينكم،وسويتي لهم الحلا ووصلتيهم بحضور العزيمه..ربي رزقك احترامهم وعدم ايذائهم لك بالكلام والتنغيز بالهرج
يارب تصفي نياتنا ولا تجعل في قلوبنا غلا للذين امنوا..كم من كلمه تافهه والا تصرف بسيط دخل فيه الشيطان وبه تقطعت صلة عوايل بكبرها الله لا يبلانا..
يالله...بهذي المناسبه هاتي لنا مثل عليه القيمه