@الحمدلله@ :

صباح المسك والكادي كللورة زين انك طلعتي اللي ببالي :) بس عن جد انت رائعه تبارك الله اموولة مايحتاج تشترين الكتاب موجود عالانترنت تبين ارفعه لك ؟؟ تقرينه من اللاب وقت فراغك والله يجزاك الجنه عالدعوات ولك بمثل يالطيبة والله ماشاء الله الملف صاير شعلة بقيادتك يبي لنا نسووي وسام تكريم لافضل قائدة للقروب :) مرة مسابقات ومرة حركات الدلع ومرة حفظ قران وحديث ومرة نكت ومرة تذكير ومواعظ ونعم الصحبة ونعم القيادة ونعم القرووب والله ماكنت احب القروبات ابدا ومااشوفها الا مضيعة وقت بس الان تغيرت نظرتي تماما فعلا القروبات باصحابها وقياداتها ، انتي على ثغر يالغلا الله واااصلي والله يجزل لك الاجر جرحك انا بوشوش لك عالخاص :) نسسمة انتي بتصيري العميدة يالغلا واحنا تلاميذك :) عطيت انا اللي بارسل لك اللي عندى وانتي طبقي وبتطلعين استاذة بالانماط :) نورهان عوودا حمييدا يالغلا ومششكورة عالهدية تبارك الله تبارك الله والله يديم السعاده على قلبك وبيتك واولادك وزوجك اسالوا سلامة جهازك ورحم الله عنزتك رغم اني مافهمت ايش هي *_^ ايماس مرحبا ملايين اشتقنا لك يالغلا يالله عاد لاتتغلين علينا فدا اختك مرضية والدين اللي نجت من زواجه زي كذا الحمد لله ربي يعوضها بالصالح يالغلا سسحورة نبي حلوان المصالحة مانرضى هيك حااف *_^ سوسو ان شاء الله باجرب بسبوستك اشتهيتها من كثر مايطلبونها البنات منك على الرغم اني مااحب البسبوسة :( بس لامانع من التجربة واوعدك اذا طبقتها نزلت صورة لكم <<< للتعذيب فقط ههههههه ومبرووك عليك الجالكسي تستاهلينه يالغلا

صباح المسك والكادي كللورة زين انك طلعتي اللي ببالي :) بس عن جد انت رائعه تبارك الله اموولة...

ويبقى حبيبي :

ياهلا فيك مشاعر الصح وانا اختك انك تسلمي لقضاء الله وقدره ورددي اللهم اني اسالك الصبر والرضاء بما قضيت امر الله وصار لاتجلسي توجعي قلبك بالافكار اللي لاتودي ولاتجيب مثل ماقلتي بمشاركه سابقه ودي اعرف ليه تزوج !!!!!!!!!!!!!!!!!!!!!!!انا اقولك لييييييييييييييييييييييييه لان هذي ارادة الله رفعت الاقلام وجفت الصحف يعني لو مات بتقولين ليه مات هالامر مكتوب له ولك وللثانيه قبل لايخلق الله اين منكم صحيح انه مر يوجع ويولم ولكنه ليس اكثر ايلاما من فقد الام لاابنائها فنراها تحزن ايام وربما شهور ولكنها بالاخير تستسلم لقضاء الله وقدره وبقول لك سالفه يمكن قلتها قبل كذا قبل خطبة زوجي ب7شهور توفت بنت بنت عمي شابه بعز شبابها وعندها طفلين ماقدرت اروح اعزي بنت عمي من كثر ماقالوا لي تعبانه خفت ازيد عليها وبعد العزاء رحت وانهرت عندها وكنت اعتقد انه بموت بنتها انتهت وهي ماشاء الله تبارك الله انسانه اجتماعيه الكل يعرفها صحيح مرت شهور وهي ماتخرج لكن رجعت رجعت لحياتها الطبعيه وزوجت اولادها وبعدها بفتره ولد خال زوجي صار عليه حادث وهو صغير بالعشرينات لما زوجي جاء قال فلان صار له حادث قلت مات قال لا بس تعبان اول ماجاء ببالي امه خبله على اعيالها زي الصباح قال لي زوجي انه مات واصلا هو مات اول ماصار الحادث بس زوجي لما شاف ردة فعلي ماحب يقول لي بوقتها وبرضاه مارحت اعزي امه الا 5يوم واصلا كانت تعبانه وبنتها تصير سلفتي وكانوا عايشين على الابر المهدئيه وتقطعت قلوبهم من الحزن والبكاء بس رجعوا لحياتهم وحدث ثالث صار لي انا لي ولد وحيد وبنتين جاته حاله يصحى من النوم يشهق تقولين روحه بتطلع ياااااااااااذك المنظر الله لايوريه احد كنت اتمنى وقتها الارض تنشق وتبلعني ولااشوف وحيدي باالمنظر هذا ماخلينا دكتور مارحنا له كلا يشخص حاله وانا اتعذب نسيت النوم لان هالحاله ماتجيه الا وهو نايم طول ليلي سهرانه زي العسكري عند باب غرفته ولاراح المدرسه انام والحمدالله وقتها ماعندي صغير يعذبني بالنوم ومر تقريبا 3شهور نسيت الراحه وكنت لارحت لااحد وقالوا لي كيف حالك وايش فيك متغيره كانت دموعي تنزل غصب حتى خرجاتي قلت كنت اخاف اخرج وينام وتجيه الحاله والحمدالله كما ينبغي لجلال وجه وعظيم سلطانه اللي اكرمني بشفاه طبعا طولت عليك بالاحادث بس اللي حبيت اقوله ان هالاحداث هونت علي مصيبتي كنت لما اشوف بنت عمي وام سلفتي اقول اللي راح منهم اعظم واكبر من اللي راح مني زوجي بيروح عني يوم وهم اعيالهم راااااااااااحوا دوم زوجي حي موجود الله يديمه على راسي هم اعيالهم مااااااااااااااااااتوا ومين اغلى الزوج ولا الضناء يعني اللي صبرهم وهون عليهم ومصيبتهم اكبر من مصيبتي مايصبرني ويهون علي ومرض ولدي كان هم ومصيبه كبيره بعد شفاه احس ان ماعاد فيه شي يستاهل ان اتكدر فرحتي بشفاه المفروض ماينغصها شي لاني صرت انام صرت اكل صرت اخرج للناس صرت لاسالني احد كيفك اراد والابتسامه تملى وجهي بخير يارب لك الحمد والشكر مااقولك ماانوجعت لا انوجعت وتالمت وبكيت لكن سالت الله الرضاء قالت يارب انت ارحم بي من نفسي ومن اهلي فلا تحملني مالاطاقة لي به يارب ارزقني الصبر والرضاء يارب اعلم انك ماابتليتني الا لانك تحبني فاجعلني اهلا لمحبتك بصبري ورضاي يارب لاتجعلني من المتسخطين فتسخط علي يارب اجرني بمصيبتي وعوضني خير منها والحمدالله اللي ربط على قلبي وعوضني بعد خطوبته ب5شهور بالحمل اللي انتظرته 14 سنه هنا علمت حكمت الله ورحمته حيث ابتلني بمرض ولدي وهو اعظم ابتلاء واكرمني بشفاه وهو اكرم الاكرمين وبعدها ابتلاني بزواج زوجي وهو اهون من ابتلائي الاول واكرمني بالحمل باختصاااااااااااااااااااار وانا اختك اصبري وتصبري وجهادي نفسك ماتدري ايش المكتوب لك بالايام الجايه انت تشتكي من اهمل زوجك وبعض الصفات الشينه اللي فيه يمكن زواجه يكون سبب بعد الله بتغيره للافضل رددي اللهم اجرني بمصيبتي واخلفني خير منها انت تقولي نفسه صارت شينه بعد ماكان مراعيك اكيد حبيبتي بتشين نفسه الرجل شايف نفسه ماسواء خطاء حق اعطاه له الشرع واخذه وانت تبكين وتتشكين تعتقدين هالشي بيخليه يهون عن الزواج لا والله غير يخليه يصد اكثر بالاول اكيد بيراعي مشاعرك وبيراضيك مره اثنين عشره وبعدين بيطفش بيقول بس تراء ماسويت غلط مااقول لك لاتبكين لاتزعلين لاتتوجعين بس لاتكثرين عليه الكلام لاتقولي انت جرحتني وانت خذلتني وانت وانت خليه يحس بالمك وانت صامته صدقيني ساعتها هو اللي بيتالم والناس ماعليك منهم لاتحسبي احساب لكلامهم اللي تقول لك والله لوانا مكانك لااسحب عليه ولا لارمي له اعياله صدقيني هذول لو انحطوا مكانك ماراح يسون شي من اللي قالوا عليه مايحس بالنار الا رجل وطيئها واسمعي منك وانا اختك 1- بطلي تتشكي وتتذمري لانك كذا تعترضي على قضاء الله وتخلي زوجك ينفر منك 2- لاتساليه عن شي يخص زواجه هو حاب يخبي عليك علشان مايوجعك كثر الله خيره 3-لاتفكري باوال ليله لزواجه لان الليالي بعد كذا بتتسواء 4- بطلي بكاء ودموع كذا تجيبي الهم والوجع لك ولااطفالك 5- تقربي من زوجك بالكلام الطيب اتكلمي معه عن حياتكم القادمه وعن التغير اللي ممكن يصير فيها اطلبي منه يحترم مشاعرك- مثال اطلبي منه مايكلمها قدامك -ماتلتقي فيها- يومك مايكون لها علاقه فيه الا للضرورة- مايجيب سيرتها لابخير ولابشر 6- لاتحكمي على الامور قبل الاوان خوضي التجربه وانت واثقه من نفسك 7- لاتحملي نفسك فوق طاقتها مثل امور التزين والتغير انت نفسيا تعبانه اذا كان هالامور بتريحك اوكيه سويها لكن اذا حسيتي انها فوق طاقتك وانه ممكن يفهمها انها لجذبه اجلي هالموضوع شوي لانه الان مقلع ولايشوف ابعد من انفه 8- الجااااااااااائي الى الله وصلي وابكي على ساجدتك لاتشكي لغيره لان مااحد يملك امرك وامر زوجك الا الله سبحانه وتعالى الذي اذا اراد شي قال له كن فيكون اسال الله ان يربط على قلبك ويرزقك الصبر والرضاء ادري طولت وهذرررررررررررررت واجد بس علشان ماتقولي طولت عليكم:39: اتكلمي وفضفضي وقت ماتحبي وان شاء الله تلقي العون من رب العباد اولا ومن الملكات ثانيا

ياهلا فيك مشاعر الصح وانا اختك انك تسلمي لقضاء الله وقدره ورددي اللهم اني اسالك الصبر والرضاء بما...