حيراااانه ونفسيتي ماعادت تتحمل وجع اكثر

السلام عليكم ورحمه الله وبركاته

اولا انا اول مره اكتب موضوع

دايم ادخل هنا اواسي الموجودات وانصح باللي بقلبي وفكري

وترددت كثير اني اكتب موضوعي ، لاني ماحب اشكى لاحد وهذا طبع فيني ، لكن تعبانه نفسياً ولاني لاقيه احد

من اهلي اشكي له همي ويسمعني ولاينشر سري، لان اهلى الله يهديهم مايعرفون شي اسمه خصوصيات اي

شي ينقال ينشرونه ، المهم اسالكم بالله لاتبخلون على بنصيحه لوجه الله تعالي:

انا متاخره بالحمل لي فوق ال 13 عام ، صابره ومتحمله واروح من فتره لفتره اتعالج طب شعبي قص ظهري كل شوى مبلغ وقدره ، وبعد اروح اتعالج عند دكاتره لكن ماكتب لي ربي للان

قبل فتره تقريبا 6 شهور صارت دورتي ماتنزل الا لما اروح لدكتوره واخذ حبوب تنزلها ، وبديت كورس علاجي عند دكتوره سوريه مدحوها لي ، المهم كشفت عليه وقالت مقاس البويضه 18 ونص ، وسماكة الرحم طبيعيه ، وهرمون الحليب طبيعي ، واعطتني كلوميد بقوة500 ثم طلبت منى اخذ ابره تفجيريه واخذتها وبعدها تم الجماع بنفس الفتره اللي حددت الدكتوره وبعد اسبوعين عملت تحليل منزلي وطلع مافيه حمل ورحت وحللت بمستشفي ونفس الشي
الله يعوضني خير يارب

،،،،،
سؤالي هنا واللي متعبني كثير : دورتي ليه ماصارت تنزل الا بحبوب؟ من صار معها كذا؟
انا سالت الدكتورة بس ماجاوبتني
وسؤالي الثاني : من سوت مثلي ولاحملت ؟
وش تتوقعون سبب التاخر بالحمل ؟ لاني كم مره اكشف ونفس الشي بطانه الرحم كويسه والهرمون طبيعي ومقاس البويضه كويس

انا تعبت كثير وربي ، وزوجي مافيه شي سليم والحمد لله
من تقترح علي اسم دكتوره كويسه بالرياض ورخيصه لان تكاليف العلاج انا اللي ادفعها ، وانا رتبي محدود