نفس الحاله<<الله يستـــــــر

الدعاءوالاستخاره لها دور كبير

ريناس ريحتينا ربي يوفقك دنيا واخره

انا اول اسبوعين تعبت صراحة ماشالله مافيه اي عيب او غلط عليا
لكن مرة كنت متضايقة لدرجة اكلمه وفجاة ابكي وأضايق بس الحين مر شهر والحمدلله
ومبسوطة الحكاية حكاية تعود فقط والخوف جاي من الخوف من المستقبل

والله م عندي خلفيه بموضووع ..بس حبيت ادعي لك ان ربي يفرجهمك ويكتب لك الخيره...

بالنسبه لي يالغلا
استخرررررت كثيير
ومن شفته بالشوفه حسيت بالراحه والحين الحمدلله مرتاحه له
بس لابد من الهواجيس بالمسستقبل وكذا وبعدين احس ان المكالمات والزيارات لها دوور كمان
والله يوفقك ويكتب لك اللي فيه الخيير يااارب

بنات يا حلوين , أسمعوني :frown:

كلام ريناس عين العقل وعلى العين والراس , :icon18:

بس لازم لاززم تتواصلوا معاهم بهذه الفترة ..

لا تخجلوا من الموضوع , كلموا أهاليكم ولا أخوانكم , فهموهم إنه لازم تعرفوا بعض الان ,:angry2:

أدري صعب تطلبي من أخوكِ ولا أمك الكلام دا .. بس الله يرضى عليكم الموضوع مو تافه ,

أنا كنت زيكم وهو اللي طلب يكلمني (قبل العقد) بس ماما لمحت لي إنه أخواني مو موافقين , :sad:

وأنا عملت فيها البنت اللي كلها شهامة :dry:, وقلت لماما لا خلاص خليها بعد العقد , ارفضوا الطلب على لساني ,:icon33:

وفعلا رفضت الطلب دا وما كلمته إلا بفترة الملكة ..

وقدّر الله وبعد شهر من الملكة بالظبط قلت لأهلي ما أبغاه وكنت أبكي منّه ,

لو أنا وافقت أكلمه وما خجلت من أهلي وقلت لهم لا أنا موافقة أكلمه , ماكان ملكت وفسخت وصرت بالبطاقة مكتوبة مطلقة ..:ohmy:


صحيح هو احساس الخوف والتردد يجي زي ما قالت ريناس , بس مو كلنا نعيش نفس الظروف , ولا كل التجارب تتشابه , :frown:

أنا قلت لكم الكلمتين دي عشان أبرئ ذمتي (بالذات إني دخلت الموضوع وقرأته) ,
ولكن حريّة التصرف .. :) الله يوفقكم يارب ويسعدكم ويختار لكم خيرة طيّبة



...
بنات أمانة أنا ما بأفاول عليكم ولا شيء , بس برضو بقولكم تجربتي
وإنتوا اعملوا اللي تشوفوه يناسب ظروفكم و أوضاعكم .. وربي يسعدكم