حيرة وتردد ،، نصيحتكم لي 😔

السلام عليكم ورحمة الله وبركاته

الله يسعدكم جميعااا
كتبت هذا الموضوع بعد حيرة طويلة يابنات
تعبت نفسيا من التفكير ،
أتمنى تساعدوني قبل فوات الأوان أنا بحيرة غريبة وتردد

أنا عمري ٢٣ سنة تقدم اي شاب أكبر مني ب ٥ سنوات أقل مني تعليم ومدخن ،،
علما أن أنا جامعية وهو ثانوي وكلمناه بهذا الموضوع وقال إنه راح يكمل دراسته ..
وماأعتقد الفرق التعليمي كبير أهم شي الثقافة وطريقة التفكير ..

بالنسبة للتدخين قال إنه مايدخن كثير مم فترة لفترة غير عن الشباب الباقي وإنه راح ينقطع عن التدخين بإذن الله ..

قالوا عنه إنه على قدر من الدين والأخلاق والله أعلم وراتبه ٨٠٠٠ ..
أول ماقالوا اي فلان تقدم لك صليت صلاة استخارة وكررت الصلاة وأنا في حيرة ماصار عندي شعور معين ،، المهم حددنا موعد لقاء وصارت النظرة الشرعية ومن بعدها صليت صلاة استخارة والحيت على الله بالدعاء وكررت الصلاة
ومع ذلك حيرة كبيرة لا راحة ولا ضيقة وتشتت 😔 مافيه شعور معين أبدا الحيرة سيطرت علي وإذا فتحت أمي الموضوع معي أتضايق وأدخل أبكي ..

صحيت اليوم من النوم رحت لأمي وقلت لها إنهم يقولون له مافيه نصيب خلاص ..

ماأعرف ايش سبب الحيرة هذي ،، ساعدوني يابنات أتألم نفسيا كثير .. أخاف من بعد رفضه إني أندم بيوم من الأيااام ؟!
هل طبيعي اللي أنا فيه وكيف اتصرف ؟!!
هل أغير رايي وأقول ايه وأنا بهذي الحيرة اللي مافهمت ايش سببها ؟!
( صليت ودعيت الله كثير بالسجود )
أعرف إني كبيرة بالسن وإن الدنيا فرص وهذا اللي خايفة منه أكثر ؟!

أرشدوني نوروني ساعدوني أنا أختكم لا تتركوني بحيرتي أغرق 😔💔 ..

أكتب ودموعي بعيني انصحوني 😔
لا تنسون الكلمة الطيبة صدقة اللي عندها كلام جارح لا تزيد حالتي سوء ..

ربي يسعدكم ويجزاكم الجنة ..