حيرتني الوان الستاير.. اي لون انسب لغرفتي و حجمها؟؟

قوة خواتي...

بغيت اشاوركم في شيء لاني ما قدرت ارسي على بر... دخت و خلااااص راسي دار و ما عدت قادرة احدد الخيار الافضل...

يا ريت كنت اقدر انزل صور عشان تفهمون الشرح بس ما اقدر لسببين لاني اصلا ما اعرف انزل صور :22: و ثانيا لان الغرفة حاليا مقلوبة فوق تحت..

هذا يا الطيبات صار لي كم اسبوع قاعدة ارتب في غرفة نومي.. و تقريبا غيرت كل شيء فيها.. ما عدا ورق الجدران.. لاني ابيه و هو عموما مو على الغرفة بالكامل.. بس ورا السرير (كخلفية للسرير يعني) و متوسط الجدار.. يعني مو على الجدار كامل <<< عسى فهمتوا علي... هو عبارة عن مخطط احمر و عنابي..

سريري حديد مشغول لونه اسود... و بما اني حابة ان غرفتي تكون ابيض في اسود مع لطشات من الاحمر رحت صبغت اثاثي بالاسود و هو عبارة عن كبت الملابس و كبت ارفف ناوية اسويه تسريحة...

السبب اني صبغت الاثاث بنفسي لان كان خاطري في شيء مبتكر و بالفعل عقب ما صبغته جبت جلاد لاصق راقي عبارة عن نقووش جميللة و نااعمة من المخمل الاسود و خلفية الجلاد بيضا.. و لصقته على ابواب كبت ملابس في النص (كحزام عريض يعني) و على التسريحة جلدت رف واحد بس و هو اللي راح احط عليه زجاجات العطر ... و جلدت رف راح احطه جنب السرير.. بكذا صار عندي طقم اسود جميل و ناااعم مع نقوش ابيض في اسود.. انا فرحانة فيه كثيررر خخخخ <<< دعاااية :D

الجدارن كلها طبعا بيضا...

الحين محتااارة في الستاير :( تعبت و انا الف و ادور.. اللي ابيه في الستاير اني احط في الشباك من داخل ستارة رومانية .. و من برى ستارة خفيفة من قماش ناعم شيفون او دانتيل طوووووويلة للارض... بس احترت في الالوان خاصة ان غرفتي صغيرة .. و ثانيا لان اي لون اختاره راح ارتبط فيه على طول بالنسبة للون فرش السرير...

الالوان اللي احترت بينها هي يا اني احط ستارة رومانية سوداء و الستارة الطويلة تكون بيضا سادة مع نقوش ناااعمة على الجوانب مشابهه نوعا ما للجلاد اللاصق... او انه الستارة الرومانية تكون حمراء او عنابية (يعني نفس لون ورق الجدران) و الستارة الطويلة تكون دانتيل أسود... بس للملاحظة انا عندي شباكين راح احط بينهم التسريحة السودة و راح يكون في وسط التسريحة مراية كبيرة نوعا ما ...

الاختيار الاول اخاف يطلع الغرفة باااردة و مملة مع اني في هالحالة راح احط سجادة صغيرة حمرا... و اخاف الاختيار الثاني يصغر الغرفة و يطلعها ضيقة و ناوية في هالحالة احط سجادة صغيرة بيضا..

عطوني رايكم بليز لاني لازم احدد خلال هاليومين... و ما ابي اشتري شيء اندم عليه و يطيح في جبدي عشان ابو الشباب ما راح يرضى غيره .. خبركم عارفين الرجال مو مثلنا بالهم طويل في هالامور...

منتظرة ردكم حبيباتي..