حيرتونا يابنات !!

مرحبا

انا وحده داير راسي من كثر مااقرأ بهالمنتديات من اشوف البنات يمدحون شيء رحت ركض الصيدلية او السوبرماركت وشريت صرت مخبر تجارب :D

ماخليت شامبو ولا بلسم ولا كريم حمام زيت ولا زيوت ولا خلطات مع ذلك مافيه فايدة ماشيء نافع معي ,,

جربت شامبو وبلسم وماسك من غارنيه شفت البنات يمدحونه صحيح ريحته رووووعه وتبقى بالشعر ليوم ثاني لكنه ماناسب شعري

جرب شامبو وماسك من ويلا لايف صحيح صار حلو وناسبني لكن الماسك احسه عادي مثل البلسم انا ودي في حمام زيت عميق يعتني في الشعر وطبيعي

كان عندي حمام زيت مرررررررة روعة شاريته من صالون لكن للأسف ماعاد يسوون مثله واحس كريمات حمام الزيت اللي بالسوبر ماركت والصيدليات عادية مثل اللي من ويلا وغارنيه وامثالهم ,, يمدحون في فاشكول لكن ماجربته تعبت من التجارب

عموماً اقولكم بالمختصر المفيد انا شعري جاف ومتقصف ومعروف سبب التقصف من الاستشوار الدائم ,, شفت في هالمنتديات خلطة اعشاب تفرد الشعر وتنعمه بعد 24 ساعة وبعدها يصير الشعر ناعم ومايحتاج استشوار وماكذبت خبر شريته وحطيته ومتحمسة للنتيجة بعدين !!!!!!! NoThing
شعري ماتغير بس صار لونه اسود سواد الليل :icon33: ,, قلت راح اعتني فيه لكن مو لاقيه حمام زيت حلو للشعر الجاف اللي تعرف لا تبخل عليّ

ثاني شيء قلت خلني اجرب احط زيوت شريت زيت الزيتون من دابر والله لايوريكم كيف صار شعري بعد ماغسلته صار كأنه عصاه يابسه جاااااااااااااف مرة مرة وهونت عنه ,, شريت زيت جوز الهند من براشوت سمعت يمدحونه للشعر الجاف ونفس النتيجة صار شعري كأنه لوح :D من الجفاف .. وش السالفة مع هالشعر ؟؟

جيت اقرا في المنتديات دار راسي بنات يمدحون زيت الحية وبنات يذمون فيه والعطارين ماصدقوا خبر كان يغلون فيه ويوصل سعره 800 ريال !! صاحين ذولا ولا مجانين !!
بنات يمدحون في زيت هيماتاج وبنات يذمونه
وبنات يمدحون زيت برشوب وبنات يذمونه
وهلم جرا
التونيك الماليزي وزيت رتاج ,, وزيوت كثيرررررررررة مرة الواحد يحتار ومايدري شنو يجرب في مخبر التجارب
زوجي يقول لي انتم الحريم تصدقون اي شيء :16:
بس والله انه صادق :D
بس ماعليكم افحمته قلت له احنا مانسوي الا نسويه الا علشانكم يالرجال :27:

على كلٍ هذي النقطة الثانية بإيش تنصحوني من زيوت لشعري الجاف والمتقصف ماودي في شيء يطول الشعر ولا عن التساقط اهم شيء الجفاف والتقصف ؟؟

النقطة الثالثة نصحوني استخدم الحناء لشعري وان شاء الله راح اشتري الحناء من عند اخت هنا في منتدى العروض التجارية بس يقولون الحناء تجفف الشعر وانا شعري مو ناقص فشنو ممكن احط فيه ؟؟
بنات يقولون البابونج وبنات الكركديه وبنات السمسم وبنات بيض وبنات زبادي وبنات حلبة
بالله شنو اختار :(
ودي في شيء احطه بالحناء علشان يفتح لون شعري الاسود وشيء علشان مايجففه فياريت بنات تساعدوني

اسمحوا لي على الإطالة بس هذي بإختصار معاناتي مع شعري والحيرة اللي صابتني من كثر تجارب البنات

تلخيص للأسئلة :D
1- ماهو افضل حمام زيت للشعر الجاف ؟
2 - ماهو افضل زيت للشعر الجاف ؟
3 - ماهي الخلطة التي تضاف للحناء لتفتيح لون الشعر ولعدم جفاف الشعر ؟

كل سؤال عليه درجة :30:

ويالله سؤال بخشيش عليه درجتين :

وين ينباع زيت الحية بالشرقية ؟ وهل الحناء السودانية زينة لشعري ووين احصلها بالشرقية ؟

تحياتي