السلام عليكم ورحمة الله وبركاته
يشهد علي الله يا خواتي اني حيل تعبانه ومتضايقه موت..وكل يوم ادعي على نفسي بالموت..
زهقت من الدنيا ومحد فهالكون ممكن يحل مشكلتي لا امي ولا ابوي ولا اخواني ولا كل قبايل الدنيا
لو التمت كلها....!!
ضاع مني شي وشلون ارده ؟ شي لو راح ما عاد يرجع ..!!!
بقولكم قصتي يمكن حد يتعاطف معي ولا يتأثر مني ويكون سر الله في اضعف خلقه ....
قبل تقريباً سنه ونص...رجعت من الجامعه العصر ، دخلت البيت وطلعت غرفتي ما مداني اغير ملابسي
الا وباب غرفتي يدق...!!!
وهذا ابوي اللي تفاجأت منه وصدمني وش الي مطلعنه فوق...؟ من الآخر اختصر علي ووفر ان قريبي
فلان بن فلان اتقدملي..وان ابوه كان موجود امس وقال لأبوي انا كنت رافض هالزواج بس ولدي
حلف ان ما تزوج بنتك تحرم عليه كل بنات الدنيا..وقالي انا وامه اننا لو متنا ومحنا راضين عليه ان
مستحيل يتزوج غيري ولو اني صرت نصيب غيره انه لا يمكن يتزوج...!!!
انا ما قدرت اقول لأبوي شي بس على طول بكيت كثير من قلبي وقال ابوي عندج فرصه
من اليوم الثلاثاء للخميس الجاي .. وطلع مني ..ما مداه يصكر الباب الا وتلفوني يدق...رقم من زمان ما اتصل بي ...
..: الوووه انتي وين يالقاطعه ..كذا الجامعه تخليكي تنسين اهلك وحبايبك...!!
وكلمتها وانا عارفه ليه اتصلت اكيد اخوها جنبها وهذي حركه عشان تنقل له سوالفي...هذي كانت قريبتي واخت خطيبي المنتظر...!!
مر الأسبوع وانا في اتصال دايم مع اخته بس اخذ ولا يمكن اعطي ...وجا اليوم اللي لازم اقرر فيه...طبعاً عطيت ابوي الايجاب بعدما صليت الاستخاره...ورغم ملايين الفروق بيني وبين زوجي
وبين اهله وتربيتنا وتربيتهم...نحن من عايله كبيره جداً متعلمين ومثقفين ومادياً افضل بمليون مره...وتقريباً المره عندنا لها شان كبير ولها احترامها وقدسيتها...
رغم علمي المسبق برجعية اهل خطيبي المنتظر الا اني قلت " قشــور مصيرها الزوال..اهم شي قلبه "
بعد اربع شهور بالضبط سوينا حفلة عائليه ضخمه احتفلنا فيها بالملكه...." كتب الكتاب من غير دخله" وقررنا الزواج بعد عيد الفطر مباشره...
وبعدما كل الناس راحت طلب انه يدخل وصارت حشره من امي مالها اول ولا تالي لين فالاخر اقتنعت وقالوا لها زوجها يحل له يشوفها...ودخل وما كان باقي الا اهله واهلي..
وصل عندي وانا ماشوف غير ثوبه ونعاله وانتوا بكرامه..كان راسي فالأرض ما قدرت ارفعه..!!
مسك ايدي وحبها..وسلم على راسي ....وحسيت مخي بيطلع من مكانه من القشعريره اللي صابتني والله يا بنات.!!! وبدت هيصه ما زادت عن الربع ساعه... وبعدها روحوا بيتهم..!!!
كلمته ذيك الليله بعدما وصل البيت.....ما حسيت بأي مشاعر.. ..بس كان انسان بمعنى الكلمه..راقي وغير الصوره اللي رسمتها له في خيالي..كان رومانسي لأبعد الحدود ..ورجل بمعنى الكلمه...
كان اكثر من كل هذا يموت في شي اسمه " انا" ما قالي انه يحبني ذيك الليله...بس كل كلمه كان يقولها لي كانت وراها الف قصة حب ..!!!
نمت الساعه خمس الفجر !!!!
ومرت الأيام طويله....وبديت اتجهز للعرس..وانا للحين ما حبيت هالانسان ولا قدرت احبه..بس اتعودت عليه..
طبعاً ما انسى اقولكم ان اهلي رفضوا اني اطلع له حتى لو كان زوجي ولا اقابله لين ليلة العرس وانا بدوري وصلت له هالمعلومه بطريقه لبقه واتقبلها بكل صدر رحب..!!!
وجا يوم بنص شهر تسعه..واتصل بي...وقالي : انا بعد بكره رايح دوره مدتها اربعين يوم مقدر اكلمك فيها بالتلفون لأنه ممنوع...وأمــانه قلبي أمانه لا تفرطين فيه..!!! وبشتاقلك موت والله..
لا شعورياً بكيت من قلبي بكا ما قدرت افسر معناه الا اني فعلاً اكتشفت اني احبه بكل معنى للكلمه..!!!
مرت الأيام وجا اليوم الموعود...وصار الزواج بحفلة كانت بنظري اسطوريه...
ومر على زواجنا اسبوع...ما مداني اكمله الا وخواته قلبوا حياتي جحيم لا له اول ولا تالي..." متكبره" كل اغراضها ماركات كريهه وشايفه عمرها ومدري ايش..!!
وقلت فخاطري اسلم لي الباب اللي تجيك منه الريح سده واستريح..وطلعت لهم بكل شجاعه وقلت لهم " اي حاجه تعجبكم من اغراضي تعالوا استخدموها معي ورجعوها"
طبعاً ما صدقوا كل يوم شالين حاجه وما عاد اشوفها واقول صدقه لوجه الله...وعلى ذا الحال وانا ماسكه نفسي لاخر حد..!!
سنه كامله وانا صابره على هالوضع...لين جا اليوم اللي طلبوا فيه مني كريم..ولا رجعوه ولما رجعت طلبته قالوا ما لقيناه..قلت خلاص مش مهم..بعد يومين الاقيهم يخططون ويصكون غرفهم
وقالبين علي فراعنه..ومحد يكلمني...واخر شي جا زوجي وقالي وش ذا الكلام اللي اسمعه؟ ولما سألته قالي: يقولوا انك سارقه كريماتهم ومخبيتها في دولابك وفتشوا ولقوها...
انا انصرعت وقلت والله ما ابكي ودافعت عن نفسي وصارخ علي قدامهم لأول مره ...ورجعت غرفتي وبكيت من قلبي ...!!!!
صبرت على كل شي عشان حبي المجنون لزوجي وتحديت الكل وطبعاً الكل حاسدنا على قصة حبنا..وتفاهمنا والكل يتكلم عننا...ومحد في بيتهم يعامل زوجته ويدلعها مثل زوجي ابداً...!!
بنفس الوقت طلع لي اخو زوجي بقانون جديد وقال كل الجوالات اللي في البيت مابيها طلعوها...وكلمني زوجي ورفضت رفض تام لأن انا مافيني شي وما عنده سبب مقنع لمنعي..
وكلم ابوي زوجي ووافق زوجي وقال خلاص الكلام انتقل مني لابوي وزوجي وانا مالي دخل..!!!
واانا جوالي معاي من بيت اهلي ..وحيره ومشاكل لين ما وافق...
ومره رحت بيت اهلي واتصل بي وانا هناك وقال خلي جوالك ولا عاد تجيبيه معك..وفعلاً خليته....وما مداني اسبوع الا وابوي جايبنه..
وقال خلي زوجك يتفاهم معي وخليه عندك...انا خفت من المشاكل وخبيت التلفون فكبتي ولا علمت زوجي وقلت لما ازور اهلي بتفاهم مع ابوي ..
اسبوع ثاني وزوجي راجع من برا والاقيه يقول لمي كل اغراضك ويالله بيت اهلك...من غير ليه ولا شي راح غرفة ابوه وقاله هذي المره انا ما عاد اباها..
وصار صراخ ومشاكل وهو يقول محد له خص وابوه يطلع سبب وتبرير بدون فايده..وهو رافض الكلام ..نادوني وانا مصدومه معرف وش السبب وكذا...
رجعت غرفتي بعدما اقنع عمي ابو زوجي ..زوجي انه يأجل الروحه لبكره لان الوقت متأخر ليل ويصير خير لين وقت ثاني...يعني بكر ه الصبح...دخلت غرفتي وتكلمت مع زوجي بهدوء
وكان هادي لأول مره ومتأثر وزعلان حيل...جلست عند رجوله وبكيت لين قلت بس...ترجيته لا يخليني..مقدر اعيش بدونه ..قلت له احبه وهو نظر عيني وهواي ومالي وما علي فهالدنيا..
واللي عشانه ابيع الدنيا والناس..
نزلت دمعته لأول مره وقالي : بعت الدنيا عشان اعيش عمري الباقي معك ..ما همني كلام حد لما قالوا لي جامعيه وشايفه نفسها..ما همني اللي قال ما بتوافق وخيبتي امال كل الناس فيني..
حبيتك من قلبي وما عاد ممكن احب غيرك...ولا يمكن افكر حتى..روحي بيت اهلك لما غضبي يهدا يمكن يشفع لك اللي في قلبي وارضى عليكي...
وبكيت من قلبي لما عرفت ان زوجي اكتشف التلفون اللي فغرفتي..رغم انه ما يشك فيني لكن قال يكفي انك سويتي هالشي من وراي وبدون رضاي...
وقالي لمي كل حاجه لك فالغرفه...واتوكلي لما ربك يكتب يا زواج يا طلاق..!!
وصار لي الحين فبيت اهلي تقريباً نص شهر ولاخبر ولا اتصال واهلي حالفين علي ما اتصل به وابوي يشوفه الغلطان...ويقول كان لازم كلامه يكون معي مهوب معك انتي..!!!
زوجي وحشني موت مقدر اتصور الدنيا بلاه..وكبريائي يمنعني اتصل به..واعرفه لما يقسى محد يقدر له..ولحد يقولي اتصلي فيه لأنه مستحييل يكلمني..واختي تقولي اصبري
مصيره يرجع هذا زواج مهوب لعب..!!!
وش اسوي يا خواتي والله فكرت مليون مره في الانتحار عشان ارتاح من هالهم اللي فقلبي...
وكلما قلت لأهلي بنتحر يقعدوا يضحكوا على بالهم السالفه لعب واني خوافه مقدر..
بس انا الحين محترقه مدري زوجي وش يفكر فيه الطلاق ولا استكمال اللي بينا...
الف سؤال يدور براسي ليه ما اتصل معقوله كل ذا ثقل..واختي تقول اكيد عنده صاحباتها ماليات عليه الدنيا وهي تمزح وانا اصدق على طول...!!
وعلى فكره للحين ما حملت ولا جبنا عيال وغير هم الحمل صار هم الزوج اللي ما بقالي منه غير الذكريات..!!!
حرم عرفات @hrm_aarfat
عضوة جديدة
يلزم عليك تسجيل الدخول أولًا لكتابة تعليق.
am &ams :
حبيبتي هدي بالك مشكلتك جدا عاديه وبتنحل ان شاءالله اول شي اذا انتحرتي بترتاحين!!!!!!!!!! زوجك مبين يحبك والشخص اذا حب ما يضحي بسهوله نص شهر مو طويله يعني اسبوعين تلاقينه يفكر لما الحين بس حطي في بالك انه ما يفكر بطلاق والدليل موقفه وانتي طالعه منه انتي ماله داعي تتصلي وخليك مع اهلك لان البكي والاعتذار يكفي الي صار قدامه وهذا دليل للرضاك عنه يعني الباقي عليه وان شاءالله قريب يرجع لك بس لازم تشوفين لك حل مع اخواته لانهم مبين شرانييين واغراضك لك لوحدك عشان تبعدي عن المشاكل انتم تحبون بعض فلا تخلي الشيطان يدخل عليك والافكار والوسوسه خليها عنك وااختك تمزح معك لادخلي الشيطان ولو حصل لك بيت مستقل افضل لك كثيييييييير عشان ما يشوفوك دايم بس زيارات رسميه صلي وادعي ربك يبعد الي ناوين عليك ويحسدونك عنك واستغفري كثير عشان ترتاحين لانك مره مضايقه واكيد الاستغفار يريححبيبتي هدي بالك مشكلتك جدا عاديه وبتنحل ان شاءالله اول شي اذا انتحرتي...
والله اليوم يمر علي كنه ثلاثين قرن وانا بعيده منه...وكيف تقولي ما يفكر بالطلاق وهو
قالي قدام اهله انه ما عاد يبيني ولكن في الغرفه قال كلام ثاني اتخلله كلام بما معناه
انه ما بيحب غيري وان هذا يمكن يكون اخر لقاء ورجع يناقض نفسه لما قال خليني وحدي
اراجع نفسي يمكن حبي لك يشفع اخطاءك ..!!!
تعبت من التفكير ونفسيتي مره تعبانه والله..ومعذبه امي معي ..وهي بدت تمل من بكاي المستمر...
ادعولي بالصبر وادعوا اني اطلع حامل عشان يكون فال صلح بيني وبينه..!!:(
قالي قدام اهله انه ما عاد يبيني ولكن في الغرفه قال كلام ثاني اتخلله كلام بما معناه
انه ما بيحب غيري وان هذا يمكن يكون اخر لقاء ورجع يناقض نفسه لما قال خليني وحدي
اراجع نفسي يمكن حبي لك يشفع اخطاءك ..!!!
تعبت من التفكير ونفسيتي مره تعبانه والله..ومعذبه امي معي ..وهي بدت تمل من بكاي المستمر...
ادعولي بالصبر وادعوا اني اطلع حامل عشان يكون فال صلح بيني وبينه..!!:(
والله ياقلبي مدري شقول بس الله يوفقك وييسر لك امرك ويرجع لك زوجك وتعيشين بسعاده
اه شي التحصين وقراية البقره يوميا
الله يرجع لك زوجك يااااااااااااااااااااارب
اه شي التحصين وقراية البقره يوميا
الله يرجع لك زوجك يااااااااااااااااااااارب
اختي الكريمة فرج الله همك و كربك
لا ملجأ لك الا الله صلي و ادعي بالحاح ان الله يجعل لك مخرج و ابعدي و ساوس الشيطان عنك فالمسلم المؤمن لا يفكر بالنتحار لانك حتموتي كافرة و تكوني خسرت دنيتك و اخرتك اللي هي دار الخلود.
و اعلمي انه لو حدث لك مكرووه لن يتذكرك هذا الزوج الذي بعت عمرك من اجله كم يوم و ينسى انه كان له زوجة و ماتت او صابها شئ.
كرري دعاء الكرب هذا (لا اله إلا الله العظيم الحليم لا إله إلا الله رب العرش العظيم لا اله الا الله رب السماوات ورب الارض ورب العرش الكريم) .
و اخلصي دعاءك لله و اقراي القران و الله عز و جل يقول في الحديث القدسي( انا عند ظن عبدي بي)
فاحسني الظن بالله يا اختاه و اعتصمي به.
اعانك الله و فرج كربتك امين.
لا ملجأ لك الا الله صلي و ادعي بالحاح ان الله يجعل لك مخرج و ابعدي و ساوس الشيطان عنك فالمسلم المؤمن لا يفكر بالنتحار لانك حتموتي كافرة و تكوني خسرت دنيتك و اخرتك اللي هي دار الخلود.
و اعلمي انه لو حدث لك مكرووه لن يتذكرك هذا الزوج الذي بعت عمرك من اجله كم يوم و ينسى انه كان له زوجة و ماتت او صابها شئ.
كرري دعاء الكرب هذا (لا اله إلا الله العظيم الحليم لا إله إلا الله رب العرش العظيم لا اله الا الله رب السماوات ورب الارض ورب العرش الكريم) .
و اخلصي دعاءك لله و اقراي القران و الله عز و جل يقول في الحديث القدسي( انا عند ظن عبدي بي)
فاحسني الظن بالله يا اختاه و اعتصمي به.
اعانك الله و فرج كربتك امين.
تك
•
حبيبتي الله يرده لك لكن سسالفة الانتحار لا حرام عليك ليش ماتتصلين عليه وتوضحين له سالفة الجوال وانك خبيتيه لانك تدارين خاطره وما قدرت تعصين ابوك
الصفحة الأخيرة
مشكلتك جدا عاديه وبتنحل ان شاءالله
اول شي اذا انتحرتي بترتاحين!!!!!!!!!!
زوجك مبين يحبك والشخص اذا حب ما يضحي بسهوله
نص شهر مو طويله يعني اسبوعين تلاقينه يفكر لما الحين بس حطي في بالك انه ما يفكر بطلاق والدليل موقفه وانتي طالعه منه
انتي ماله داعي تتصلي وخليك مع اهلك لان البكي والاعتذار يكفي الي صار قدامه وهذا دليل للرضاك عنه
يعني الباقي عليه
وان شاءالله قريب يرجع لك بس لازم تشوفين لك حل مع اخواته لانهم مبين شرانييين واغراضك لك لوحدك عشان تبعدي عن المشاكل
انتم تحبون بعض فلا تخلي الشيطان يدخل عليك
والافكار والوسوسه خليها عنك
وااختك تمزح معك لادخلي الشيطان
ولو حصل لك بيت مستقل افضل لك كثيييييييير عشان ما يشوفوك دايم بس زيارات رسميه
صلي وادعي ربك يبعد الي ناوين عليك ويحسدونك عنك واستغفري كثير عشان ترتاحين لانك مره مضايقه واكيد الاستغفار يريح