حبيت نتكلم في الموضوع ذا عن حيَل الشغالات وخدعهم وإحتيالاتهم علينا علشان نثقف انفسنا ونفهم طرق خداعهم ......زي ما يثقفون الشغالات انفسهم وكل وحده تقول للثانيه كيف تقدر تنهب وتغدر بالمدام ,,,
والمدام واثقه ومتطمنه إنها ما خذه كل إحتياطات السلامه:) ومحاصره الشغاله زين
أنا من إحتياطاتي مع الشغالات إني أخذ الشنطه منهم وأعطيهم شنطه جديده فيها كل إحتياجاتها من الملابس وأدوات النظافه وإللي تطلبه أجيبه لها وأفهمها إنها ماراح تاخذ الشنطه ذي إذا سافرت
<<<<بالشكل ذا راح أرتاح من السرقات لأنها ماراح تسرق لأنها عارفه إنه مافيه مجال تاخذ أغراضها إللي إستخدمتها أو نشلتها عندي وكمان إحتياط علشان ماتجمع من أثرنا في الشنطه هاذي
إذا جات تسافر تاخذ شنطتها ,,وأغراض جديده شاريتها لها ومحتفظه فيها عندي وأعطيها إياها إذا جات تسافر
ومع ذي الاحتياطات الأمنيه كلها ماسلمت من خديعة الشغالات ....أنا ما أحب أفتش الشغالات ألا إذا جوا يسافرون لأني عارفه إيش فيه عندهم لأني أنا إللي معطيتهم الاغراض وإذا رحت عند ناس عندهم شغاله أتاكد إنها مو ماخذه كيس معاها أو راجعه بكيس
ومع هاذا حسيت إني مو متطمنه لها ففتشت أغراضها لقيت عندها بلاوي ....جينز سكيني وبدي ساتان ومكياج وبودرة جسم و ملابس داخليه ملفته ووو.......الخ
أنا هنا شكيت في المحروس ...يعني من وين تجي الاغراض مع الحصار إللي أنا مسويته :mad: أنا هنا بس قاعده أفكر كيف أذبحه بسكين ولا بساطور ....
بس ما أدري من وين جاني العقل ورحت كلمت الشغاله ...وبعد زن وخصام وتهديد إعترفت إنها جايبتها من عند شغالة ثانيه <<<هاذا وأنا مركّزه إنها ماتاخذ معاها شي من عند الناس
بس طلعت المكاره تحط الاغراض داخل قدورنا الفاضيه إذا أخذناها من عند الناس:mad:
(وكمان بعضهم تلبس اللي أخذته من تحت ملابسها)
وإكتشفت إنهم يسرقون ويتبادلون المسروقات والناس مايفتشونهم إلا إذا جو يسافرون ويكتشفون عندهم حاجات مي لنفس العايله,,
وطبعا الشغاله بتقول الشغاله الفلانيه أهدتني الاغراض ذي.....أو بتقول أنا أعطيت الشغاله الفلانيه فلوس وإشترتلي وغالبا الناس مايهتموت لان المسروقات مي حقتهم <<<مايدرون إن مسروقاتهم عند الشغاله الثانيه(وممكن يكون من ضمن المسروقات أثرهم)
ودايم الشغالات اذا سمعوا إن وحده منهم بتسافر يسألون دايم متى بتسافر لازم أنا أشوف قبل سفر علشان أنا ما أشوف مره ثانيه <<<عاد هاذي أهم اللحظات إللي ياخذون فيها مسروقاتكم الثمينه ويرسلونها لاهاليهم مع إللي بتسافر خاصة إذا عرفوا إن عمتها كبيره ومو مهتمه بالتفتيش والتدقيق..
ومن الغلطات إللي غلطتها مع شغالتي عطيتها عيديه فلوس ميتين ريال <<<عاد الميتين ذي مافيه أمل تخلص كل شويه مطلعه عشرين هات بطايق هات وهات ..طلعت تمد يدها على فلوسنا وإذا سالناها من فين لك فلوس قالت إللي عطيتوني إياها
ومن طرقهم في السرقه إنها تاخذ منك الغرض وتحطه في مكان بعيد عن أغراضها على أساس لو إنتي مهتمه فيه ودورتي عليه بتلاقينه وهي مالها علاقه مو في أغراضها و على طول بتقول( أولاد حطي هنااااااا..ما في انا خذيييييييي)
ولو ما إهتميتي وقتها تدري إنك نسيتي الغرض وتاخذه وهي مرتاحه
لاحظت شغالتي تسوي كذا.. أخذت ساعتي وحطتها فوق الثلاجه ولفتها بمناديل سالت عنها كذا مره وتقول (ما أعروووف )ولما لقيتها قالت عذرهم المعتاد ما اعرف إمكن ولد حطي
خلاص عاد أنا أفرغت مافي جعبتي من حيلهم إللي أعرفها وأنتظركم تشاركوني بخبراتكم في خداعهم وحيلهم علشان ناخذ إحتياطاتنا في التعامل معاهم
قمر Com @kmr_com_1
محررة
يلزم عليك تسجيل الدخول أولًا لكتابة تعليق.
شهلا نجد
•
رفع
حبيت افيدك بشغله
لاتقولين لشغالتك انك بتعطينهاشنطه جديده بملابسهاالاعند السفر عشان ماتشوف طرق واساليب ثانيه من مكرهم قله منهم فيهم امانه والمشكله ماشفناهالقله الله يعين هم شر لابد منه
لاتقولين لشغالتك انك بتعطينهاشنطه جديده بملابسهاالاعند السفر عشان ماتشوف طرق واساليب ثانيه من مكرهم قله منهم فيهم امانه والمشكله ماشفناهالقله الله يعين هم شر لابد منه
قمر Com
•
حبيت افيدك بشغله لاتقولين لشغالتك انك بتعطينهاشنطه جديده بملابسهاالاعند السفر عشان ماتشوف طرق واساليب ثانيه من مكرهم قله منهم فيهم امانه والمشكله ماشفناهالقله الله يعين هم شر لابد منهحبيت افيدك بشغله لاتقولين لشغالتك انك بتعطينهاشنطه جديده بملابسهاالاعند السفر عشان ماتشوف طرق...
صح معاكي حق هاذا الغلط وقعت فيه مع شغالتي وصارت على طول تهريب أول بأول وإللي ألاقيه عندها مو من أغراضي فأكيد أغراضي صرّفتها
الصفحة الأخيرة