نودي بيوتي @nody_byoty
عضوة فعالة
حيَل بسيطه ممكن تحصل في مواقف يوميه 😻
هاذا موضوع قريته في مدونه في موقع زمان و نسيت وشو الموقع و اسم صاحبته...
اسسسسستمتعت مرررا و انا اقراها.. كل الحيل هاذي احس اني ممكن قد مريت فيها و جربتها و والله تززززززبط معاي 😂
يلا خن بقولها لكم و علموني اذا جربتو شي منها 🌝
الحيله الأولى:
اذا جت وحده بتجرك فهوشه ولا ناويه تدخل معاك فنقاااااش جربي قولي لها كلمه حلوه، مدحه او اي شي لطيف يعني... بيقلل من اندفاعها و بتخق خخخ... عاد هالشي انذكر فالقرآن كمان "وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34)"
الحيله الثانيه:
اذا تبغين احد يوافق ع طلبك جربي و انتي تطلبين تومئين او تهزين راسك ايجاباً مع تعابير وجه متحمسه < ههههههه تخيلت. يقال هالحركه يستخدمونها الموظفين في المطاعم لمن يبونك تجربين بعض الأصناف و تجيب نتيجه مبهره غالباً 😻
الحيله الثالثه:
هاااذي لااااازم اجربها عاد 😂 لما تسألين وحده و تقوم تتهرب و تحاول تتجنب انها تجاوبك جربي تسألين بعدين توقفين شوي و تبققين عيونك بعيونها زي مثلن: ( انتي تكلمتي عني بجمعتكم امس؟ ......... 😐 ......... ) صمتك و تواصل عينك بعينها ما راح يحسسها بالراحه و ترتبك تقوم تخر كل شي انقال 😂 و بالتفاصيل يمكن بعد مع تواصل النظرات تعطي انطباع اني اعرف كل شي ترا 😒😐🧐🤨😂 بس طبعاً لا تستهدمون هالحيله فمواضيع ما تخصكم و بس تسحيب ع شي ما له داعي عاد.
الحيله الرابعه:
لا تطلبين طلب من شخص زي ( تقدرين تسوين لي كذا كذا كذا؟ ) مع انو اسلوب الطف و ذوق اكثر بس غالباً ما يفسر انو اختياري زي مثلاً تقولين لأختك ولا صديقتك ( تقدرين تقفلين المكيف؟ ) بيخليها تفكر انو اممم اقدر بس ما لي خلق فما تسويها فبدليها بـ ( الله يعافيك قفلي المكيف ) المخ ما راح يكون عنده اختيار ع كيفه فبتسوي اللي طلبتيه لأنه ما كان سؤال.
الحيله الخامسه:
هاذي ضحححكتني تخيلت اسويها حسيتني مجنونه ههههههه لما تجيك وحده بثره و بتبثرك بسواليفها و تبين تخلصين منها ابدددد حطي عيونك بوسط جبهتها و لا تحركينها 😂😂😂😩 هالحركه بتخليها تتوتر و ما ترتاح بالحكي.
الحيله السادسه:
اذا كنتو تيم او في قروب و تبون تسوون شغلكم و تخلصونه فوقت مناسب و زين بدون ما احد يأخركم و فيه وحده معاكم كسوله لا تعطينها المهام بصيغة ( سوي كذا / افعلي كذا ) و استبدليها بـ ( ابدئي بكذا ) هالعباره بتعطيها انطباع نفسي ان اللي راح تسويه بس بدايه و شغله بسيطه... و بعد ما تنحزها قولي ( كووويييسسس مرررا، كمليها بهاذي ) يعني مهام حبه حبه و بطريقة تقسيم الشغله. راح يخليها تنننجز زييين لأنك حسستيها ان الشغل بسيييط و كلها كم خطوه و سهل بس لأنك غيرتي العبارات 😎 < شكلي بسير اطبقها مع نفسي اذا حسيت ما لي خلق اسوي شغله خخخ
الحيله السابعه:
اذا كنتي فمكان عام او فسوق و شفتي وحده تقز فيك و بس تناظرك ( ياااااا ما تسييييير )... نزلي عينك و حطيها برجولها بتركيز لا تستلمين و لا توقفين نظرات فرجولها يقال هالحركه بتخليها تستخف و تشك بعمرها و الله اعلم هههههههههه < جااااري التجربه
الحيله الثامنه:
اذا تبغين تكونين علاقه مع وحده بالدوام و تتعرفين وتبنين صداقه جربي اطلبيها تقول لك ع شغله ولا تشرح لك شغله حتى لو كنتي تعرفين المعلومه 🌝 هالحركه راح تحسن موقفها العام اتجاهك و ممكن تكون بداية سواليف و صداقه لأنو يعتبر اخذ و عطا و هكذا تبدون سواليف.
الحيله التاسعه:
اذا احد معاك يكلم بالتلفون اكيد بيكون متحمس و مو حولك بكذا يمديك تمدين له اللي بيدك عشان يرجعه مكانه الفلاني لا ارادي بيرجعه و ممكن حتى لو كان بعيد بيقوم و يحط الشي فمكانه الفلاني بدون ما يحس بنفسه و يمكن ما يستوعب انو سوا هالشي هههههههههه او مثلن تاخذين شي من يده او تطلبين منه شي بيسويه و ما يحس و هكذا 😻😎 < حسيتني شريره
الحيله العاشره و الأخيره:
اذا بغيتي وحده تنجز لك شغله و بذمه و ضمير و اخلاص ههههههه قولي لها انها ما تقدر تسوي الشي الفلاني و شووووفي كيف التفنن بس عشان تثبت لك العكس 🙊🤦🏻♀️
و بس والله... استمتعت و انا اكتب والله قعدت اتخيلني اسوي كل هالمواقف خخخ يلا علموني اذا جربتو منهم 🌝🧞♀️
13
2K
يلزم عليك تسجيل الدخول أولًا لكتابة تعليق.
أم رغد وياسر
•
روووووعه صراحة عجبتني بجربها بإذن الله كلها... خاصة إني أكلف احد كسول بشغل واعطيه على شكل خطوات بجربها مع بنتي بالثانوي تشيل هم إذا قلت رتبي غرفتك من... إلى.. تحس إنه شي كبير..
الصفحة الأخيرة