اختي الفاضله حرم الدكتور المحترمه

احب ان اعقب في هذا الموضوع بحلته الجديده بعد ما عقبت اول مره في الموضوع نفسه قبل التغيير والتثبيت
وانا ترددت في الكتابه لأني اشوف الغالبه يأيدونك...
بس حبيت انك مثل ما نقلتي الموضوع مع الإضافات والتعديل نقلتي معها الردود....

المهم بخصوص الموضوع المطروح
انا قلت ان كلامك حاصل جدا
بس لما فكرت في الموضوع وشفته من جميع الجوانب وحاولت اني ادور نموذج للمرأه اللي وصفتيها بالإهمال و و و...
الصراحه اختي لقيت ان تصرفاتها بهذا الشكل الأساس فيه الزوج
وراح تستغربين من هذا الكلام
اقولك ليش
لأن الزوجه شايفه زوجها موافقها هذا الشي ومرتاح معها وعادي والأكثر من هذا انه يموت على التراب اللي تمشي عليه ويطالع خاطرها و و و ...
وهي بعد متأكده ان زوجها ما راح يطالع غيرها وباصمه في العشره من هذا الشي
فهي تسوي اللي يريحها طبعا ويوافق هواها ...
وهو مبسوط ولا يشتكي ولا شي ويشوف ان الحاصل عادي جدا

اما الزوج اللي راح يطق من زوجته في الأخير
انا اعتقد انه ماهو ساكت طول الوقت عليها ويلبي طلباتها عادي
اكيد يكون نبهها كذا مره على تصرفاتها واهمالها ويكون اغلب زعلهم مع بعض على هذا الشي
وما اعتقد انه يلبي لها جميع احتياجاتها ومطالبها بنفس راضيه راح يبين عليه ولو كان يحبها
وهذي هي المرأه الغبيه اللي فرطت في زوجها
واعتقد انها تستاهل انه يتزوج عليها << < اعذروني على هذا الكلام
بس صدقوني ماراح تشتكي وتقول ما قصرت معاه وما شفت منه الا الهم والغم وغيره من الكلام
لأنها هي الغلطانه وخصوصا للي يعرفها زين ماراح تقول الكلام هذا
ولأن الزوج بيدافع عن نفسه ومعاه الحق
وهي اللي تكفر العشير .....
بس اختي عندي شي ابغى اقوله
هو الزوج ما يكفر العشير برأيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكثر واحد يكفر العشير منهم اللي زوجته شايلته فوق راسها وتطالع خاطره بالأول والأخير
ودايسه على نفسها وراحتها ووساعه صدرها ووناستها على شانه وتدافع عنه عند اي احد
يتكلم عنه بكلمه...
وكلهم يكفرون العشير للأسف
بس انتم شوفوهم لما يعصبون شوفوا الكلام اللي يطلع كيف
والله انه يهدم جبل من شده ما يجرح ويقهر
واسمعي بعد كلامه مع زملائه عن الزواج او في المنتديات راح تصدقين كلامي كيف
وكل واحد منهم يتمنى انه يتزوج ثانيه ولو انه سعيد في زواجه بس يتفاخرون قدام بعض
وعموما الرجل ما يحب يعترف انه مبسوط مع زوجته قدام اي احد يشوف انه عيب هذا الشي وينقص من رجولته
بعكس المراه تتباهى انها مبسوطه وسعيده بزواجها وحياتها ...

انا اعرف انك بتقولين اني متعصبه للمرأه كوني مثلها
لا انا اشوف اللي حاصل في هالدنيا
وانصر اخاك ظالما او مظلوما....

اتمنى انك تتقبلين كلامي بصدر رحب
والمعذره على الإطاله ...
ودمتي...

جزاك الله خير ( وبعدين فعلاًً هذا الي حاصل من بنات السعودية تجاه الزوج دائماً مضلوم وأنا وحده منهن لكن من بعد اليوم راح اغير نظرتي تجاه زوجي

بصراحة انا ما شفت الموضوع الحلو هذا الا توني وانت والله صادقة مئة بالمئة واحنا دايما نظلم ازواجانا ونشك فيهم ودايما يطلعون براءة بس الشيطان الله يخسه ويكفبنا شره وجزاك الله كل خير يا حرم الدكتور ويابخت الدكتور بيك

ياعمري ياحرم الدكتور
موضوع رائع وهادف لاشلت يمينك ولا فض فوك
ننتظر باقي الدررررررررررررررررررررررررر

جزاك الله خير والله انك صادقه