الله يهديه ان شاءلله ..انك لاتهدي من احببت ولكن الله يهدي من يشاء...تمي ادعي له ولاتيأسين والله يهديه ان شاءلله

جزاه الله خير.. الاخ بو مزنه كتب لج خطوات للحل الله يوفقج فيها..

بس حبيبتي بغيت افهمج شغله.. زوجج مايصلي مب كفرا بالصلاة بدليل انه يوقظج ويروح لصلاة العيد .. زوجج يتكاسل وصدقيني هذي مشكلة الكثير من المسلمين الله يهديهم..

حاولي تسهلين الامور عليه.. بكل بساطه وقظيه معاج لصلاة الفجر.. وقولي له انا ابيك تصلي معاي ركعتين بس.. مابياخذون من وقتك شي.. ولا بتحس فيهم .. ومع كل فرض حاولي ترغبينه وتفهمينه انه بيصلي الفرض هذا مب اللي بعده.. وان شالله يستجيب معاج بالعلاج التدريجي..

او ممكن تستخدمين اسلوب ثاني.. انج تختارين شيخ كلامه قريب من القلب.. وتحفظين كلامه وتحاولين تقولينه لزوجج كانه طالع منج انتي..



او ممكن تجلسين مع زوجج في لحظة استرخاء وتبدين تحلمين بالجنة بصوت عالي.. تحلمين شلون بيكون قصرج شلون بتشوفين الرسول عليه الصلاة والسلام.. وتحطين عينج بعينه وبعيونج نظرة حزن وتقولين له ياترى بتكون معاي ولا لا...


حاولي في كل مرة تغيرين من اسلوبج اذا مانفع..

لكن شي واحد استمري عليه واكييييييد الله مابيخيب رجاج .... الدعـــــــــاء.. ابدا لاتتركينه جدامه ومن وراه بصوت عالي وفي سرج..


والله يهديه ويغفر له.. وياجرج على صبرج عليه

و الله مثل حالة زوجي بالضبظ انتي بتحكي وكان انتي بتكلمي عليا انا
انا عايشه نفس القصه بالبضبط والمشكله زوجي يحب ان نتكلم على الدين ونفس الشي يوقضني من النوم عشان الصلاه الله يهديهم

لاحول ولا قوة الابالله
لاتيأسي اختي من المحاولات فأنتي مأجوره باذن الله