على كذا كل بنات الحمراء وش رايكم نتعرف على بعض ونجتمع

<<< ان شاء الله بتسكن فيها بس متى الله اعلم هههههههههه

هلا حبيبتي انا ساكنه بحي الحمراء بالرياض وهو في شرق الرياض وموقعه مررة حلو لانه يطلع هلى شارع الملك عبدالله وبالنيبه للفلل الحمراء انا اعتبرها قسمين جزء فلل عاديه وجزء فلل مرررررره راقيه وفخمه

ماشاء الله كل البنات يمدحون الحمرا وكلهم من سكانها..طيب ودي أقول رايي اللي يمثلني أنا بس وأنا مش عقاريه ولا بنت عقاري ومش من سكان الحمراء لذلك يقال عني محايده ان عجبكم رايي كان بها وان ماعجبكم كأن لم تسمع ولم أقل<<خوافه من كثر ماهو منتشر الطقاق والشلوتات في ذا المنتدى>> شوفوا حبايبي كل حي معروف فيه قسم راقي وهاي وقسم لك عليه وغويلي بعد لأنه مجاور للقسم الغالي نعطيكم أمثله العقيق قسم هاي وقسم مش ولابد والمكان مش استراتيجي لأن الخطوط ماتطلع عليه مباشره طيب وش غلاه أقول القصور حط معاليه قصر في ذا المكان فارتفعت الأسعار لأنها منطقة قصور بزعمهم هبوا الناس يشترون والأسعار ترتفع والسمعه تطلع فوق واللي باديها واحد ويمكن هو صاحب المخطط كله واذا جيتي تفكرين بحياديه بعيد عن آراء الناس شوفي الموقع وشوفي نوعية السكان وغيره وغيره والكلام هذا ينسحب على كثير من احياء الرياض منها الحمراء نجي لموقعها صح على طريق حيوي هو طريق الملك عبدالله بس حطي ببالك انه راح في المستقبل القريب يصير هوسنتر الرياض تقدري تقولي مثل خنشليله والمربع الآن راح تقولي حرام عليك وأنا أرد ان الرياض زاحفه شمال شمال شرق بشكل سريع وجنوني وراح تتعدا العماريه بكثير بمعنى الأحياء الجديده اليوم ولاحظي ترا الحمراء مو جديد راح تصير قديمه ومزحومه بشكل كبير..ثانيا نوعية سكان الحمراء الغالبيه طالعين من شرق الرياض مثل النسيم النهضه النظيم السلام المنار وما الى ذلك أهل الشمال راح يطلعون ويبنون في شمال الشمال ووش يوديهم للشرق..اعتقادي المستقبل للصحافه والملقا حاليا وللأحياء الجديده في شمال الصحافه مستقبلا والخدمات تلحقك المهم الخطوط اللي تطلع عليها الفله تكون حيويه والله يرزقنا من واسع فضله حبيت ادلو بدلوي وأتمنى ماثقلت عليكم.

يرفع

والله يافوتشيتي انك جارتي تكفين لاتخليني اذا صعيرة خلي امك تزورني واذا انتي كبيرة الله يحييك وجيبي عيالك انا ورا حديقة ناردين