انا المغتربة :

السلام عليكم ورحمة الله وبركاته اختي فاتنه شكلي لخبطت راسك في موضوع عمليتي ولا تدرين هو الي جاني سرطان رحم ولا امعاءولا بالمبايض الحمد لله على كل حال انا لو اقولكم تفاصيل الورم كان تستغربون والحمد لله القادر على ان يحي العظام وهي رميم لكن ابغا اقول الموجز لاخذ الاحتياط سبق وان قلت ان المرض جاني قبل اكتشافه باكثر من سنه وخلال السنه هذي انتشر في الجهاز الهضمي تقريبا بدأ بالرحم والمبايض والامعاء لكن الحمد لله انه من الخارج وليس من الداخل وامتد للمراره وكانت الاوررام عندي ثلاث درجات كلها نادره جدا ووزنها تقريبا اكثر من خمسه كيلو واحب ان انبه اخواتي هنا وان كان الكلام جرئ قليلا لكن والله ما ابغا الا الفائده والاحتياط وهو ان من علامات سرطان الرحم هو نزول دم اثناء الجماع وهذا الموضوع سبب لي قلق لعدة اشهر وكل ما اروح لطبيبه يقولون سليمه ما عندك لا التهابات ولا شي اجل وش المشكله ما كنت ادري الا بعد ما فات الفوت ما ينفع الصوت مع اني رحت لاخصائيه وغيرها وغيرها لكن سبحان الله ما كانهم طبيبات وبعد ما عرفت ان الي فيني سرطان رحم بحثت عنه ولقيت ان ظهور الدم اثناء الجماع من علاماته لكن الحمد لله لعل الامر فيه خيره طبعا تم استئصال جميع الاعضاء الي ذكرتها في عمليه واحده واخذت كيماوي لمدة سته اشهروكانت جرعات جدا مكثفه كل جلسه مدتها يومين انواع التعب الله يكتب لنا الاجر والعافيه والان بعد مرور اكثر من سنه تقريبا رجع الورم في اماكن ثانيه غير مكانه الاول لكن الحمد لله هذي المره حالتي مهب اسعافيه مثل المره الاولى مع اني لازم اعمل العمليه واخذ كيماوي لكن الله يسهل ويرزقني شكره في السراء والضراء

السلام عليكم ورحمة الله وبركاته اختي فاتنه شكلي لخبطت راسك في موضوع عمليتي ولا تدرين هو الي جاني...