تسلميييلي والله يا فوفو ..
:26:
انا راح اقول قصتي باختصار لأني فاشله في الشرح و التعبير خخخخخ
اول شي انا بنوته عمري 23 سنه :27:
بدأ معي المرض تقريبا نهايه 2007 و اسمتريت بالعلاج مده 6 شهوور .. كانت كلهااااا تنويييم في المستشفى
في البدايه كانت الاعراض .. ارهاااق و تعب.. ارتفااع في الحراره مع رجفه كانت توصل 39 و احيانا 40 .. صداع فظيييييع .. دوووخه .. و مع زياده الاعراض طلع عندي زي الانتفاخ في اللثه و دم اذا جيت افرش اسناني
وكل هذا كان خلال 3 اسابيع ووجهي كل ماله يصفر .. و طبعا كنت على البنادول و الكمادات على بالي بس سخونه و تروح ولا خطر على بالي اروح المستشفى .. وقتها كانت عندنا جدتي زياره .. ولها مواعيد في المستشفى
و احتاجت احد يروح معاها .. و رحت !!
قال ابويا يلا دامنا هنا خلينا نكشف .. لأنو كنا شاكين اللي معي فقر دم .. و سويت تحليل الدم .. و انتظرنا نص ساعه و وبعدين دخلت عالدكتور و هو متنح عالنتايج !!
قالي كيف حاسه نشاطك . .قلت حاسه اني تعبااااااااانه ما اقدر اتحرك .. قالي لأن الهيموجلوبين في الدم نازل بصوره خطييييييييييره .. الهيموجلوبين وقتها كان 3 بس !! و الطبيعي لازم يكون من (9 -15 )
قالي انتي لااااااااااااااازم تتنومين فوووووووووورا و تسوين تحاليل بدون اي تأخير !!و نقل دم
طبعا كان شاك الظاهر بالمرض لكن التحاليل اللي عنده ما كانت تبين اذا كان سرطان:44:
رحت على مستشفى الحرس ( مدينه الملك عبد العزيز الطبية)و سويت تحاليل و نقلت دم و اخذو مني خزعه و بعد اربع ايام طلعت النتايج ..
طلع معي
سرطان الدم الحاااد ( Acute myeloid leukemia )
و ليش يسمى بالحاد لأنه ينتشر في الجسم بسررررعه رهيبه .. وانا كنت مهمله نفسي و أأجل العلاج و رحمه من ربي لحقت على نفسي
و على طوول بدأت الكيماوي بدون أي تأخير .. سوولي اول شي عمليه تركيب القسطره (الهيكمان لاين) في اعلى الصدر عشان اقدر اخذ الكيماوي .. و بعد العمليه بيومين بدأت علاج
كورس العلاج كان عباره عن خمس جرعات :
1 . ( induction ) : وهذي كانت اول جرعه كانت مكثفه جدا و عباره عن نوعين من الكيماوي و استمرت 7 ايام \ 24 ساعه متواصله .
2 . (consolidations ) : هذي يسمونها الجرعات التثبيتيه .. و هي اربع جرعات اخذها بدايه كل شهر و تستمر مده 3 ايام و هي نوع واحد من الكيماوي لكن قوي .
طبعا لما اخذو مني الخزعه اول مره كانت نسبه السرطان فيها 50 % .. و بعد أول جرعه الي كانت مكثفه سوولي خزعه ثانيه و طلع نسبه السرطان فيها اقل من % 5
يا رب لك الحمد ..
طبعا مافي داعي احكيكم عن التعب النفسي و الجسدي .. لأنكم مريتو بهالشي و عارفين كيف.. لكن الحمد لله كانت معنوياتي دااااااااايما مرتفعه
طبعا تعالجت في مستشفى الحرس مده 3 شهور .. و بعدين طلعت كملت علاجي في بريطانيا كمان 3 شهور
التنويم كان في غرفه عزل .. لأن المناعه كانت تنزل و لازم اكون بعيده عن المرضى عشان لا القط اي مرض و جمسي مافيه جهاز مناعه و اللي يدخلوو علي كانوا لازم يعقمون ايديهم و احيانا الزوار يلبسون كمامات عشان لا يجيبولي انفلونزا او اي مرض من برا
و الحمدلله كملت علاجي في بريطانيا و اخر خزعه سويتها ( سويت 6 خزعات خلال فتره العلاج ) كانت نظيفه مافيها اي اثر للمرض يا ربي لك الحمد .. وهالشي يسمى طبيا ريميشن
( Remission ) : سوري يا بنات والله ما اعرف المرادف العربي .. لكن هي عباره لما تختفي اعراض السرطان من المريض بعد العلاج و تصير تحاليل الدم نظيفه من المرض)
طبعا هالشي الحمدلله فرحني كثييييييييييييييير يا ربي لك الحمد .. لكن للأسف في احتمال انه المرض يرجع في اي وقت
حاليا لي 5 شهور من يوم ما خلصت علاج .. و الحمدلله بصحه و عافيه .. و ابشركم شعري رجع خخخخخخخخخخ وناويه ارجع الجامعه و حياتي طبيعيه جدا .. و اذا رجع المرض لآ قدر الله .. راح اسوي زراعه نخاع على طول .. و ان شاء الله يا رب ما احتاجها .. ادعووووووووووولي
فيه حاجات كثيييييييييير و تفاصيل كثير و مواقف حصلت و كيف كنت اقضى وقتي و اشياء رح احكيكم عنها ان شاء الله..
و عندي نصايح للمرضى و لأهالي المرضى و الزوااااااااااار كمان
<<< ول هذا بالاختصار .. كيف اذا فصلت هههههههه:42:
بنات اللي حاب يسأل لا يرده الا كيبورده
خاااااااص((تجمع فتيات السرطان)) عافانا الله واياكم منه ومن كل سوء
متابعة النقاش، صفحة 72