ليدي فوفه @lydy_fofh
عضوة
خاااااايفه يطلقني تعبانه حيييييييل اااه بس!!!!!!
مرحبا حبايب قلبي والله اكلمكم وانا مييييته من الهم والله اني جالسه بين اهلي ولاكني جاالسه بس شارده ذبحني التفكير طقني الهم وذبحني جنني الانتظار عرفتوني انا اللي قلت لكم زوجي حطني عند اهلي زياره ولاسال عني بعد هواش بيني وبينه وكان المفروض يجي اليوم ياخذنا عشان مدرسه بنتي بكره وقلتولي لوجاء روحي معاااه وعزمت اني اروح بس تخيلو ولاحتى سال ولاهامه فيه مدرسه او لا ادق عليه وحاقرني ولاشي حتى رسايلي مايرد عليهاواللحين الشك بدا يدخل راسي وخايفه يكون فعلا مبيت النيه ويكون صادق بكلمته يوم قال انتي ببيت اهلك وانا عند اهلي مدري بنات خايفه يطلقني ويشتت عيالي خايفه تتفرح فينا الناس والله تعبانه حيل انا قلت ابصبر الى بكره واشوف وش ناوي عليه برايكم اكلم خالتي ام زوجي والا احقره ابي ارده من دووون اهانه لي والله احس اني كرامتي صارت بالارض طلبتكم شووووووورو علي وش اسوي
46
7K
يلزم عليك تسجيل الدخول أولًا لكتابة تعليق.
لا تدقين على ام زوجك مالها دخل بالموضوع
وزوجك انتظري لبكرة وشوفي وش بيسوي ولا ترسلين رسايل عليه لا تهنين نفسك
الله يفرج همك
وزوجك انتظري لبكرة وشوفي وش بيسوي ولا ترسلين رسايل عليه لا تهنين نفسك
الله يفرج همك
ياحياتي .اسال الله ان يفرج همك.. ويسخر زوجك ..ويرده لك ردا جميلا .. اكثري من قول حسبي الله ونعم الوكيل .. ولا اله الا انت سبحانك اني كنت من الظالمين ..واستغفري .. وادعي ربك وانتي ساجده .. وانا بدعيلك كمان .بس خلي ثقتك بربك كبيره .. واذا جا بكره وهو ما رد اتصلي ع خالتك .. واذا ربي كتب ان شاء الله ورجعتي لبيتك حاولي تكسبينه وحاولي تغيري في نفسك .. الله يهدي بالك
الصفحة الأخيرة
الله يصبرك ويهون أمرك
ان شاء الله بنات المنتدى يفيدونك
أسأل الله العلي العظيم القادر الكريم أن يفرج همك