غرررررررررررررريبه

اخيرا انولد اول موضوع للمسابقه انا اقدر اسميه الموضوع البكر للمسابقه

لا وعمالقتنا هن ووجيهن داخلين يتفرجن وين ابداعكن ياذوات الاقلام الخضرا << الا رماديه صارت

كوكتيل بداية موفقه يالغلا اكملي

ياحيا الله برائعة

أنا راح أكمل:41:

::::::::::::::



ـــ شفت يا عبد الرحمن وش قاعد يسوي فيني خالد وأخته...:44::44:

ـــ اصبر يا عمي وإن شاء الله نصلح الأمور كلها

ـــ ما عاد في شي يتصلح....... الخربان خربان من أولها.... هذا خلود وأنا عارفه زين.... كم مرة حط راسي بالأرض .... كل يوم معاكسات ورسايل ولعب مع بنات خلق الله .... هذا اللي ما يستحي من الله ولا من خلقه.....

ـــ أنا آسف عمي بو خالد ما قصدت ألعب على خالد بس قصدت أأدبه عشان يتعلم ...

ـــ بالعكس وأنا عمك هذا جميل سويته فيني ولا يمكن إني أنساه.... وإن شاء الله هاللعبة بتصير جد.....:23::23:

ـــ وش قصدك يا عمي ...... لا لا ترى خالد ما يتحمل:29:

ـــ غصبن عنه..... وأنا بوريك شغلي فيه

ـــ تكفى يا عم بو خالد لا تسويها:06:

ـــ هو اللي أجبرني أتعامل معه بهالطريقة..... ما ينفع لهالأشكال الضايعة إلا القوة..... ياله تعال ندخل المطعم وندور عليه.......:21:

::::::::::::::::::::::::::::::::::::::

خالد واقف ويرتجف:29: : ااااااااالله لا يبارك في اليوم اللي قابلتك فيه

الجوهرة تستهبل : ليه خلودي؟؟ هذا صديق عمرك دحومي ليه ما ودك تشوفه!!

ــ هبلا وإلا تستهبلين ...

ويلف وجهه بالشماغ .... ياله مع السلامة يا وجه النحس:32:

الجوهرة توقف وتمسك خالد : وين رايح بتخليني وحدي .... أنا جاية معك..

خالد يدفها : العبي بعيد .... في هالمواقف ما عرف أمي من أبوي....

ويمشي ويصقع في أبوه .... يعني وجها لوجه....خخخخخ:42::42:

ــ خلود يا كل البلاء أخيرا لقيتك.......

ـــ هلااااااا بأبوي..... ابشر تآمر علي شي؟:29::29:

ـــ ذبحتني حسبي الله عليك ........

ـــ سلامتك

ـــ اقعد على الكرسي الله لا يسلم فيك ولا عظمة....

ـــ حاضر حاضر لا تعصب

ـــ وأنت يا بنيتي اقعدي

خالد بحماس وخوف : عيب يبه .... نقعد مع حريم!!:11:

ــ على بالك غبي يالغبي ..... أنا عارف كل شي

خالد ينزل راسه ويقعد ورجوله تطق في بعضها.....

الجوهرة : حياك الله عمي بو خالد:23:

ـــ الله يحييس ...... ياليت تناديني خالي بو خالد

خالد بعصبية : خلخلوا عظامها إن شاء الله..

أبوه : عيب عليك وكلم حرمتك باحترام

ينقز خالد : وش تقول؟؟ حرمتي !!!!!:42::42:

::::::::::::::::::::::::::::::::::::::::::

ــ اقعد يالحمار وش فيك وقفت؟؟

ـــ وش هالكلام اللي سمعته منك... فهمني:06:

ـــ هذا اللي جاك ....... أنا قررت إنك تأخذ هالبنية.....

ـــ يبه اصبر شوي خلني أفهم السالفة......

ـــ لا سالفة ولا يحزنون ....... أقول هذي صارت عروستك غصبن عنك وإلا والله لأوديك الهيئة مع أختك نوف يسحبون فيك البلاط:23:

ـــ نوووووووف .......... نوف في الهيئة......

ـــ ايه في الهيئة سود الله وجيهكم زي ما سودتوا وجهي ......

ـــ ليه؟؟ ليه ؟؟

يوقف أبوه ويعطيه كف سنع ..... من كفوف الشيبان القوية ذيك...:o:o

وكف وراء كف وهو يصارخ : اسأل نفسك يا...... (( نعتذر عن حذف هذه العبارة))

وفجأه يدخل عبدالرحمن:11:

:::::::::::::::::::::::::::::::

عبد الرحمن يمسك أبو خالد ويمسك خالد : وش فيكم اذكروا الله .... ما يصير كذا كل الناس قاعدة تشوفكم......

أبو خالد يرفع شماغه الي طاح : ها .... (( أيضا نعتذر عن حذف هذه العبارة)):42:

سود وجهي قدام الناس الله لا يبارك فيه....

عبد الرحمن : اقعد عمي وخلنا نتفاهم بهدوء.....

خالد شوي ويصيح : ما سمعت وش يقول أبوي؟!!

عبدالرحمن : وش يقول؟!!

خالد بصوت مبحوح : يبغى يزوجني هالقشرة وأنا ما عرف عنها شي...

ـــ بس أنا أعرف عنها كل شي....:42:

ـــ عبدالرحمن .... من وين تعرفها؟!

ـــ هذي عمتي يا خالد......:23:

ـــ الله يعميك إن شاء الله ..... يعني كل هالوقت كنتم تلعبون علي.....:06::06:

ـــ آسف يا خالد اعذرني ما كنت أعرف إن الأمر بيتطور لهالدرجة......

الجوهرة : وش بيتطور وش قصدك .... يحمد ربه ألف واحد يتمنى نظرة وحدة مني...:30::30:

عبدالرحمن : عمتي عتيقة اسكتي الحين ما في داعي تزيدين النار حطب....

خالد يوقف وشوي ويطق العرق اللي براسه : وش تقول ...... عتيقة ... وهالمفجوعة اسمها عتيقة مو الجوهرة......:06:

::::::::::::::::::::::::::::::::