خااااص بالمسابقة>>>>> خـــالد أنت اللي بديت؟؟!!

كوكتيل أفراح • 20 سنة

توقف عتيقة وتمشي بخيلاء وبكل رقة تقول:

هلا خالد وش فيك إن شاء الله بخير.......:42:

من الصدمة خالد رافع راسه ويناظر وهو ساكت ما قدر يتكلم يا حبة عيني:o

ويقوم الشايب أبو صالح ويعرج ويقرب من نوف :

يا حيا الله بنوف ....... وش فيك عسى ما شر؟؟:23:

نوف وبدون سابق إنذار تصرخ:

وخروا عني هالشايب

وتركض وتمسك أمها وتبكي : يمه آآآآآآآآآه:06::06:

أم خالد : هدي نفسك يا يمه يا نوف الدعوة ما تحتاج كل هالخوف

نوف وهي تولول : اهي اهي أنا يا يمه لا يمكن آخذ هالشايب لو على رقبتي ..... آآآآآآآآه

الشايب يقرب : ليه يا نوف لها الدرجة خايفة مني

نوف تصرخ : لا تقرب يمااااااااااااااااااااااااااااا:29:

وفي هاللحظة يحدث اللي ما كان على الخاطر ولا على البال........

إن شفت رد بعلمكم

وإلا

:30::30::30::30::30::30::30::30:

المشرقة الأولى • 20 سنة

كملي بسرعه

ما صارت حكايه صارت فلم هندي

الآنسة جوري • 20 سنة

تحمست للقصة ..

لي عودة بعد قرايتهااااااا..:26:

ومع حبي..
جــــــــ:26: ـــــــــــوري..

كوكتيل أفراح • 20 سنة

في هاللحظة وخياتي الكريمات

يدخل عبد الرحمن عشان ينقذ الموقف

نوف تشوفه وتصرخ:32:

خالد يقوم يركض ويمسكه بتلابيبه (( قمة الفصحى)):42:

وش مدخلك هنا ياالكلب يا.... (( حذفت ))

أبو خالد يبعد يد خالد بقوة : شوي شوي على الرجال

خالد يناقز : ما تشوف هالواطي داخل علينا

أبو خالد : وش فيها ما في أحد غريب:o:o

خالد شوي وينجن : كيف ما في أحد غريب وأمي ونوف

أبو خالد بابتسامة ماكرة (( لاحظوا ماكرة))خخخخ

طيب واحد ويبغى يشوف زوجته:21::21:

خالد بدهشة: زوجته وين زوجته ؟؟؟؟؟؟؟

أبو خالد : نوف يالخبل نوف زوجته

وينط قلب نوف وتروح تجيبه قبل ما يطير من الفرحة

ويرتفع ضغط خالد ويحمر وجهه ويولع قهر:

يخسي ها.... (( برضه حذفناها الله يهديه بس)):42:

ياخذ أختي اللي زي القمر وأنا آخذ هالعلة ..... لا والله ما تصير

عتيقة : عيب يا خالد الله يهديك بس تقصدني أنا

خالد : لا يالنشبة أجل مين أقصد يالفهيمة:11:

يروح عبد الرحمن ويقرب من خالد : خالد حبيبي استريح عشان أشرح لك الموضوع

خالد يدف عبدالرحمن : حبتك القرادة .... وخر عني يال.... (( تم حذفها))

أبو خالد : خالد شف عروستك واقفة عند الباب

يلتفت خالد ويشوف وحدة زي الملاك واقفة عند الباب.....:21::21::21::21:

يطامر قلبه ويطيح وينزل يجيبه ويرده محله

هاه ..... هذي عروستي:23::23:

عتيقة : ايه يا خالد هذي بنتي أسماء عروستك..

ـــ وأنت ؟؟

ـــ أنا تقدر تناديني يا حماتي العزيزة

خالد مو مصدق نفسه : يبه صدق هالكلام وإلا تلعبون علي

أبو خالد يمسك خالد مع كتوفه ويقول:

لا يا وليدي ما نلعب عليك بس حنا سوينا معك هالمقلب عشان تتأدب وتراجع نفسك ..... يا وليدي حنا نحبك ويعز علينا نشوفك ضايع وتسبب لنا المشاكل ..... والفضل لله ثم لعبدالرحمن اللي أنقذنا وإلا كنا في موقف ما ننحسد عليه......:06::06:

خالد : ليه وش سوى عبدالرحمن؟؟؟

:::::::::::::::::::::::::::::::::::::::::::

كوكتيل أفراح • 20 سنة

أبو خالد : اتصلوا علي الهيئة وقالوا إن نوف عندهم....... رحت وعرفت إنها كانت تتمشى مع واحد في السوق تعرفت عليه عن طريق الجوال.... أخذتها بعد ما كتبت تعهد.... رجعت البيت وأنا حاس إني مطعون في الظهر.... قمت أدور عليك لأني عارف حركاتك........ خفت تسوي لي أنت مصيبة بعد....:23::23:

كنت أدق على جوالك وألاقيك مقفله.... زاد خوفي وبديت اهوجس... قلت بكلم خويه عبدالرحمن أكيد عنده.... دقيت على عبدالرحمن وسألته عنك... قال إنه ما شافك.....:44::44:

خالد : وبعدين كمل يبه......

أبو خالد يتنهد : بعدين شرحت لعبد الرحمن السالفة... وعرفت أنه ارسل عمته عشان خايف عليك تضيع ..... كان يبغى يعقدك من الحريم..... وفي الطريق جتني فكرة المقلب اللي سويناها معك وكلمت عبدالرحمن طبعا ما وافق بس أنا اصريت على موقفي....

نوف داخله غلط :11::11:: كمل كمل يبه ......

أبو خالد : بعدين يا بنيتي عبد الرحمن لما شافني مقهور عليس وعلى خالد طلب يدك مني وأنا وافقت واعتبرته شهم وهو إن شاء الله شهم وأكثر...... وبعدين عرض علي فكرة إن خالد يتزوج علشان يصير صاحب مسؤولية ويعقل ويركد ويبطل ألاعيبه.....

طبعا قلت : مين اللي راح تأخذ هالمقرود :06:... معليش يا خالد كنت مقهور منك.... بس عبدالرحمن قال لي : ابشر يا عم بو خالد البنت جاهزة ....

قلت : من هي يا وليدي؟؟!!

قال : بنت عمتي عتيقة ....... طيبة ومؤدبة وجميلة وهي أختي من الرضاعة واعتبرها من الآن موافقة.......:21::21:

قلت : طيب وأمها......

قال : ولا يهمك أصلا هذي فكرة أمها .... واللي يهمها أنها تستر على بنتها وتشوفها في بيت زوجها

قلت : والنعم في الأم وبنتها.. والله اللي تسويه فينا معروف العمر كله ما راح أٌٌقدر أوفيك حقك يالغالي....

قال : أنا وخالد اخوان واللي يضره يضرني وإن شاء الله ما يصير إلا كل خير......

في هذه اللحظة يقوم خالد ويخم عبدالرحمن ويتعانقان بقوة وكل واحد يبكي ونوف تخم أسماء وتبكي وأم خالد تخم عتيقة وتبكي وأبو خالد يخم أبو صالح ويبكي.....

آآآآآآآآآآه

أعذروني ما عاد قدرت أشوف الشاشة من كثر الدموع بصراحة النهاية مؤثرة

اهي :06: اهي :06: اهي :06: اهي :06:

فمان الله