خادمات اندونيسيات حبشيات على كيفك ياشرطة ياجوازات ياحكومة.

اهل مكة ادرى بشعابها وعليه فاهل الرياض ادرى بحوايرها وأهل الدمام بدواعيسها وهلم جرررا . مشكلة متفاقمه وكبيرة انتشرت في المجتمع انتشار النار في الهشيم ومع ذلك فلا أحد عندك لا حس ولا خبر.

الخادمات وما ادراك ما الخادمات تدفع دم قلبك وتعبك وفوقها حول سبعة الاف قاحوش ريال انطح ريال لمكاتب الاستقدام وتجيك الخددامة بعد تعب وكلافه ثم فجأة تنحاش .

مئات القصص . على سبيل المساااال . واحد يقرب لأخو صديق الوالد بحطبة راح المطار هو وزوجته مشخخخخص عشان يجيب الخدددامة ، كانت الخدامة نقاوة حسب قوله صاروووخ ارض ارض اللهم اني صايم المهم ودخلت معاهم السيارة من مطار جدة وهم متوجهون لمكة الله يعمرها . لما صاروا بالخط السريع قالت الخددامة : بابا فيه هممممام شوي مشكلة .

يسفففط معززززبنا على جنب وكلللو شهامة في محطة بنزين عند دورات المياه وتدخل الخدددامة الهمممممام .

جلس هووزوجته في السيارة : ها ترى يبغالك تنتبهي لها لا يضحكوا عليها وتتعللم اللسلسة ويخربوها علينا.

قالت المعزززبة : افا عليك وانا ام فتتتو . جلسوا يطقققوا حنك عشرة دقايق . ربع ساعة وهرتاتي في الهمممام . قومي ياولية شوفي الشغالة ايشبها تاخخرت. وتقوم ام فتتتو وتخش الدورة ولا فيه احد . انحاشت الخددامة من أول ساعة.

وهادي قصة تانية لواحد يسير ابو ام جدي ، اخت ام خالة ابوه يعني قريييب بالمررره. كانت معاه الخدامة وراح يوديها عشان يكشفوا عليها قالت : بابا موية أتشااان . نزل عند البقالة شرالها موية وشربها هو لان الماخوذة انحاشت.

وهادي قصة تالته : اخت مرة بنت عم زوجتي جاوا عمرة من الرياض وفي الحرم اختفت الخددامة.

الحكاية ما يبغالها فهلوة ..... هناك عصابات مقننة يقوم عليها بعض السواقين الاندنوسييين الخاصيين وبعض سواقين سيارات الاجرة الاجانب وبعض المتخللفين من تلك الجنسيات المختلفه رجالا ونساء لنيل المال ونشاطهم كما يلي :

1- الدعارة وهاذي ام المشاكل فاي واحدة تصلح يعني نص لبببة يوجهونها للدعارة .

2- السرقة وذلك بتشغيل الهاربة وتسرق بدورها من عند مستخدمها الجديد وتنحاش مابين يومين الى اسبوع.

3- الخدمة المنزليه بالف ريال في الشهر والجمعة اجازة . مخدومة محشومة عجبي

روح لأقرب بنقالي في أي حارة حول الحرم يعلمك باللي يشيب راسك . المشكلة متورط فيها الشعب كللوا من طروش وعيال قبايل . تلقى الواحد يروح يجيب من هاذول الخددامات لا نفست حرمته ولا احتاج لخادمه عشان الاختبارات ولا كننوا سوا شي . طيب يقول ارخص لي بدل ما اجيب خدددامة وتشرد !! قمة الانانية واللامسؤوليه .

طيب ايش الحل ؟؟ اضع بعض النقاط المتفرررقة.

1- استشعار خطورة هاذا العمل ( السماح لهذه النوعيه من الخادمات ) ياخي افرض ماتت عندك في البيت شفت كيف البلشه .

2- عمل إحصائيات بعدد الخادمات الهاربات وتكوين مركز معلومات حتى تتضح الرؤية بدل التخبط ولا حد عارف ايش شغلتو الجوازات ترمي على الشرطة والشرطة على الامارة

4- الزام مكاتب الاستقام باخذ عناوين الخادمات في بلدهم واذا شردت الخادمة يكون هناك شخص مسؤول عنها مباشرة في بلدها عليه دفع جميع التكاليف ويلزم بها اذا ثبت هروب الخادمة ويعاد بعض المبلغ لصاحب التاشيرة.

5- توظيف الطروش من هذه النوعية (( هاذي اهم نقطة عشان ما يبقى طرش الا وله وظيفة )) فيه خددامات اندنوسيات وحبشيات وتكارنة وهنديات فلو استغلينا معرفة بعض الطروش بلغة هؤلاء ووظفناه في الجوازات هو وحرمته مثلا بثلاثة الاف أو اربعة في الشهر لان المشكلة كبيرة من جد وما هو خسارة ابدا . يعني زي شغلة المباحث. يحطو وظيفة متعاون !!!

6- توظيف اشخاص من نفس تلك لجنسيات لنفس الغرض السابق براتب اقل . اوفر تايم وبمعرفة كفيله المسأله تمس الوطن

7- تكوين لجنة خاصة بمكافحة تشغيل الهاربات مكون من الجوازات والشرطة والأمارة وهيئة الأمر بالمعروف والنهي عن المنكر عشان لا تصييير تجاوزات خاصصة في المداهمات حقة اجوازات اللي سمعنا عنها كتيير وشفنا كتييير.

8- يحذذر المواطنون اي من يثبت عليه تشغيل هذه الفئة يقع عليه جزاءات واضحة ونسوي دعايه كبيرة.

9- تقديم حوافز لافراد الجوازات والشرطة والامارة والهيئة واي مواطن يبلغ عن هذه الفئة ويقبض على بعضها بحسب العدد .

10- المؤجرين للعقار يجب ان يؤجر باوراق رسميه حتى يكون هناك مسؤول مباشر يحاسب عند حصول تجاوزات .

11- تضييق الخناق على السواقييين الاندنوسييين ومراقبتهم جيدا وكذلك سواقين الاجرة من الباكستان والهند وغيرهم.

هاذه النقاط تحتاج إلى ميزانية ومصاريف نقدر نحصل عليها من الغرامات حق الاقامات والرسوم اللي تبلغ ملاييين ملايين الريالات كرسوم تاشيرات الخروج والعودة وتجديد الاقامات وغيرها كثير بدل ما نخففضها اقوللكم حططو شوي مننها لتنظيف البلد من هذه العصابات الخطيرة بدل ما تووضع كلها في الاعمال الخيرية يعني !!! ترى مكافحة هذه العصابات مهمممة قبل ما نخسر عشان الايدز وانفلات الامن وغيره الله يستر
منقول