خادمتى النوامه!!!!!!!!!!!!!!!!!!!!!!!!!!!

السلام عليكم ورحمة الله وبركاته

شحالكم يا احلى منتدى

والله انا يالسه اكتب لكم وانا مضايقه من هالشغاله

ما اعرف شو الحل وياها

:44: :44:

اهى تشتغل وتطبخ وتربي العيال ما شاء الله عليها وكل شى تسويه الحمد لله عليه ما انقول حلو بس ما شى الحال...........

بس انها الله يهديها بارده برود الثلج ما قلنا شي

لكن انها تنام فترة الصبح هذى زودتها وايد

انا مسويتلها نظام انها تنام الساعه العاشره والنصف وتقوم الساعه الخامسه والنصف علشان تبدا فى تمسيح السياره وغسيل الحمامات وهكذا لين الساعه الثامنه مساء تسوى عشاء حق العيال وشو من عشاء بيض وما شابه من هذا النوع وانا وريلى ما نتعشا واذا بنتعشا انا بنفسى اسوى العشا له ولى .................. والعيال انا انومهم واهتم فى تسبيحهم ويوم اطلع اخذهم وياى يعنى الحمد لله اريحها من كل مكان واصلا مو مستعده اخلى عيالى عندها...


ذاك اليوم انا طلعت الصبح مع زوجى وهو رايح الدوام ودانى مشواري ورديت البيت يوم رجعت شفت الدنيا عفسه والبيت مبهذل وحالته شكواها لله يوم دورت عليها الاقيها نايمه
قلتلها وينج نايمه قالت لا مدام انا اغسل الحمام وتخبى وجهها واشوف وجهها لرواج شكله وارم من النوم الساعه تسعه الصبح والحمد لله كانو العيال نايمين .

عطيتها شوية نصيحه وقلتلها بابا اذا شافج كذا بيزعل منج
قالت: لا خلاص مدام انا ما فى نوم واتفقنا انها ما تنام
اليوم قمت بدرى الساعه ثمان ونص ادور عليها علشان اشوفها شو سوت ادخل مجلس الرجال واشوفها يالسه على الكنب ونايمه قربت منها وما فى فايده ما حست
ناديتها باسمها وفتحت عيونها وابتسمت ولا على بالها حد
قلتلها نايمه ليش كذا
قالت مدام انا تعبان ركبه انا يعور قلت لها ليش من شو وانتى نمت الساعه تسعه ونص قالت انا يكتب رساله اندونيسيا قلتلها وتعبت ركبتج يوم كتبتى قالت مدام انا تعبانه من درج فوق تحت فوق تحت وشو يعنى تبينا انكسر الدرج .
ابتسمت وراحت لشغلها

ولين متى بتستمر هالحاله

يا بنات قولولى الله يخليكم شو الحل والله انى مرات اضايق منها
والله انا مريحتها وما احب اتعبها شو الحل وياها

مع تحياتى

:29: :29: :29: