توت بري 000 :

مادري ليش بعض البنات يسون انفسهم طيبات وورحومات وغيرهم قلوبهم حجر ... المسأله كلها مسألة رحمه مثل مااحنا نرحم الخدم لازم هم بعد يرحمونا ... انا مثل صاحبة الموضوع ... ماحدني على هالبلا الا بنتي لانها حاله خاصه واحتاج من يساعدني عليها .. انا مو جايبتها رافهيه ولا علشان احط ريل على ريل ... انا مضطره اجيبها رغم ان حالتنا الماديه مو ذاك الزود ... لكن الحمدلله ماعلينا قاصر ... لكن تجي لي وحده مفجوعه وتاكل الخضر واليابس وانا اطالعها واقول يلا خلها صدقه ... لا مستحيل ... انا هاليومين بس اكتشفت شغالتي شكثر تلعب من ورانا ولما تشوفنا على طول تقوم تدعس الاكل بالفرن او الميكروف تدرون ليش علشان اجي واشوفها وتكسر خاطري ... لاني دايما اسألها فطرتي تقول لا ولا احيانا تقول بس شاي .. وانا اقولها اكلي مايصير جذي لازم تتعودين على اكلنا خلاص اكل مالكم مافي ... وتكسر خاطري واروح اقول الى زوجي هالفقيره بذمتنا وماتاكل شي ويروح زوجي يكلمها وانا مركبه كاميرات بس لما اعيد التسجيل احاول اني اركز على طريقة تعاملها مع بنتي وولدي بس لان هذا اللي يهمني... يعني لما تكون لوحدها اخلي التسجيل سريع ولما مع لعيال اطالع المقطع بالتفصيل علشان جذي ماكنت احط بالي هي شنو تاكل وهالسوالف وفي مره انا استغربت منها كنا ببيت ابوي وتعرفون لما يصير تجمع ببيت الابو ... كل شوي ناكل شي وانا ولا امي ولا خواتي ما نغفل عن شغالاتنا كل شوي ناكل شي وهم معانا ياكلون .. لما رجعنا انا كنت موقادره من كثر الاكل وكنت اظن انها مثلي لانها ماكله مثل الي انا اكلته ... ولما رجعنا على طول ناموا عيالي ومافي شي تسويه قلت لها تبين تنامين نامي ... هي لانها ماتفهم عربي تمام كانت تظن اني اقول لها نامي يعني كأنه امر لكن انا كنت اقصد اذا تبي تجلس تشوف التلفزيون خل تجلس واذا تبي تنام خل تنام .. قامت نامت لكن كل شوي اشوفها تحوس مو قادره تنام واخرتها قامت راحت المطبخ ... وانا كنت ماره عند المطبخ لقيتها مسويه لها سدنويتش وقاعده تاكل .. قلت يمكن ماشبعت .. مع اني مااتصور لاني مجرد شفتها تاكل حسيت بغثيان من كثر ماانا شبعانه وهي ماكله مثلي ... و قبل يومين انا وزوجي طلعنا الصبح وشغلت التسجيل ولما جينا جلسنا نطالعه انا وزوجي لقيتها مسويه لها فطور 2 سندويش و 1 خبز مع جبن وكوب شاي ... تدرون شنو اللي قهرني اولا دايما تقول انها مااكلت شي لما اسألها الشي الثاني شلون كانت تلعب بالجبن كانت تحط اكثر من نوع بالسندويش والخبز ... يعني جبن كاسات وفوقه جبن كيري .. حتى انها تاكل والجبن يقوطر .... بالله عليكم موحرام اللي تسويه علبة الجبن بكم نشتريها ... واليوم الثاني لقيتها مسويه لها 2 سندويتش جبن مع شاي قلت اليوم الاخت قنوعه بس هذا فطورها الا شوي القاها تقطع طماط وتسويه وتكسر البيض فوقه ... وشوي وتبسط الاخت وتحط الفطور المكون من 2 سندويش وكوب شاي وبيض مع طماط وخبز ... لما بغت تروح الحمام قامت ودعست الفطور بالميكرويف علشان لما اروح المطبخ ماشوف شنو مسويه لها ولما رجعت طلعت الفطور من الميكرويف وكملت والقهر تلحس اللي بالصحن لما كمل تلحسه بالخبز ... يعني طلعت مفجوعه وبقوة والغذا انا احط لنا واقولها حطي لج يعني ماحدد لها هي تحط لها اللي تبيه ... بعد الفطور اللي اكلته الصبح ولها نفس بعد الاخت وتحط لها صحن شكبره وتاكله كله ..... وانا اليوم قررت اكلمها واقول لها بتاكلين مو مشكله عندي لكن تقعدين تلعبين لا ... وبحدد لها الفطور صنف واحد مع شاي وبس ... الاخت ما صار لها الا 3 شهور عندي وبدت تسمن .. حتى ملا بسها بدت تضيج عليها ... انا شسوي فيها وهي دبه ماتقدر تشيل عمرها

مادري ليش بعض البنات يسون انفسهم طيبات وورحومات وغيرهم قلوبهم حجر ... المسأله كلها مسألة رحمه مثل...