اما انها تمشي على الخضر واليابس بلا حسيب او رقيب مو معقوله ومو كل الناس جالسين على بنك والى يقولون بعد مده يشبعون لو نلهث مايشبعون ولا سنين هذي مشكلتنا الازليه معهم كل الى يجونا نفس النمط ومن عادتنا نعطيهم فلوس غير راتبهم ونقول لهم يشترون الي نفسهم فيه وحده ترسل كل راتبها على طول والي غير راتبها ماتشتري الا اندر وير بالذات لون احمر وش معنى !! هل في هذي الحاله اقول عنها مسكينه و.. و..والي تشتري خفايف ماريحتنا اول ماجت بعد ماتخلص اكل ترفع يديها وتشكر الله على النعمه وانا فرحانه بعد مده ماصار يعجبها شي تقول ابي فخذ خروف على الغدا حشا مستقدمين اسد مو شغاله غير البيض يوميا لازم والحليب والنسكافيه والعصيرات والمعجنات والفواكه اكثر من اهل البيت وحتى حبتين شاورما على العشا مايشبعهم لدرجة شيكت ان ياكل معهم شياطين بسم الله مع ان بيتنا مافي شغل كثير غير ان بعضهم يختارون ويتشرطون لو على الزايد يفكونا منه كويس لكن الجديد لهم والقديم لنا او بالزباله احسن منا اكل ونوم وراحة بال و غير اللعب بالصابون والكلوركس واغلب الصابون لملابسهم يوميا يغسلونها والأجهزه الي يخربونها وما نخصم من رواتبهم وياليت عاجبهم مو كلهم لكن اغلبهم مثل ان مطلوب منا نخاف الله فيهم لازم يكون عندهم ذمه بشغلهم يارب اغنينا وياك عنهم والله لولا الحاجه ماافكر بشغاله

شوفي وش هي تحب ووفريه لها
يعني مثلا اذا تحب الاندومي جيبي لها كرتون
اذا هي تحب الرز جيبي لها كيس رز من ارخص نوع يصير لها تاكل منه وقت ماتحب
وعلميها ماتمد ايدها على شي في الثلاجه الا لما تستاذن لانه يمكن تكونين رافعه اكل لاحد تجين تلقينها اكلته ابد مو حلوه
الاستئذان اصلا من باب الادب ولازم يتعلمون عليه
والي ينتقدون الاخت على موضوعها انا اشوف مافيها شي
هي ماحرمتها من الاكل بس التنظيم ومراقبة الخدم واجبه مانترك لهم البيت فوضى
اختي انا مره جتني شغاله تمووووت على جبن الكيري ...وانا والله اشتريه للحلويات بس نحاول ماناكل منه لانه الصراحه غالي فاوفره للحلى اذا احتجت وصارت الشغاله ماشاء الله كل ماشرينا علبه كلتها خلال يومين فقلت لها وهي بنفسها تشوف هالشي قلت لها انا وعيالي ماناكل منه ونشتريه للطبخ اذا انتي تحبين الجبن اشتري لك نوع ثاني وفعلا رحت السوبر ماركت وجبت كم نوع رخيص وقلت لها جربيهم والي يعجبك اجيب لك منه وفعلا عجبها نوع معين جبت لها منه كم علبه وخل تاكل براحتها
اذا بنتركهم على راحتهم لعبوا في بيوتنا لعب ...المال مهب مالهم فما يحرهم ...جلد مهب جلدك جره على الشوك
اجل اهلي جتهم شغالهم ماتوفر الكومفرت تصبه صب على ملابسها ....اذا دخلنا عليها المطبخ انكتمنا من الريحه ...غير انه اصلا تمر من عند رجالنا فما يجوز يكون لها ريح طيب
وقلنا لها لاتحطين كمفورت ولاسمعت ...صارت امي تشتريه وتخبيه في عنها ووقت الغسيل تطلعه امي تحط شوي في الغساله وترفعه ...غير انه اصلا اهلي مايحطونه في الملابس يستعملونه للمناشف والشراشف فقط من باب التوفير ومع ذلك تشوفنا مانحطه في ملابسنا وتحطه هي في ملابسها ...اشلون نتعامل معهم بالله

عادي كلهم كذا ...اهلي عندهم شغالة ياساتر كرتون التونة خلص باسبوعين...واهلي يحلفون ماذاقوا منه غير حبتين بعد فترة دوروا عليه مالقوا شي..........بح...بح...
اللي يقهرني انه مايبين عليهم وهم ياكلون اكثر مني...هالاكل كله بشعورهم!!

ومرة رحنا السوبرماركت واشترينا تشكيلة حلويات بكمية كبيرمن مارس وكت كات وغير ذلك...اكلنا انا وزوجي ونمنا ثاني يوم صحينا ما لقينا الا كم حبة !!!والباقي ببطنها...مع اني والله اعطيها بنفس اللحظة اللي نشتري فيها اي اكل من برا...واذا عالغداء اخليها تتغدى قبلنا بعد تغرف بصحنها وتاكل...لانا نتاخر بالغداء...وهي حرام تصحى بدري....

واحيانا تمر ايام ما نطبخ غداء خصوصا بالعطلة اما نجيب من برا او ناكل حاجات خفيفة من معلبات وومقالي...ماامنعها تطبخ اقولها اطبخي وكولي...وماهي مقصره بالكبسات...

بس صراحة يوم جبت لها كرتون اندومي ارتحت كثير لانها صارت ماتهتم بالمعلبات والفواكه تحط حيلها بالاندومي وتفطر عليه...وكلما خلص اجيب لها غيره وهي مبسوطه اصلا انا وزوجي وعيالي مانحبه الكرتون لها هي فقط....((((جيبي لها اندومي وبتلاحظين الفرق بالميزانية))))


عالعموم انا محتسبة الاجر بشغالتي واهلي نفس الشي...لانهم الله لا يبلانا جاين من فقر وحرمان...
يعني عادي ترى كل الناس كذا طولي بالك

كل ممنوع مرغوووووووب..خليها تاكل الين يطلع من خشمها وكل شوي قولي لها كلي كلي:)
سبحان الله شوفي لما تكوني صايمة ودك كل شي تاكليه وتحسي بالجوع والظمأ لما بس تفطري يروح كل شي!! ولاحظي الأيام اللي انتي مفطرة فيها يمكن يجي نص العصر ماشربتي ولا اكلتي!!!

المسألة مسألة وقت لأنها جاية من جوع وتحس بالحرمان!!

بنات الله يهديكم على بعض الردود مافيها عقلانية يعني من حقها الحرمة تنقهر هالشغالة ثراها تاكل دبل الميزانية وانتم عارفين الحينة الرواتب ماتكفي لنص الشهر يعني حرام هاي تبذير وبعدين هي ماتحلل لا اكلها ولا راتبها استغفر الله أختي صاحبة الموضوع تابعيها على شغل البيت اول ونقصي من الدلع الزايد بالاكل يعني عوديها على وقت معين من الاكل مثل اهل البيت وانا متاكدة بتاخذين لها من هالتسالي الي تاخذين لعيالك وبس زيادة لا او فهميها لو تبي شيء بتشتريه من فلوسها او سوي خطة انه كل مااتقنت شغلها بتحطين لها فلوس على جنب لو ريالين وباخر الشهر تشترين لها فيه شيء حلو هدية لو بيجاما لها او شيء ينفعها لما تيجي اتسافر والله احنا العرب طيبين نعطي ونعطي والي شغال مايسوي شغله واذا اشتكينا كفرنا شو هالتفكير الغريب لو باوروبا والله مابتسوي هالحركات بس الكل مواخذ فكرة انه نحن راقدين على بنك واان شاء الله بيتعدل شغلها الي هي اصلا جاية علشانه