خاصه بمديرات مدارس حي الضاحي الشرقي ببريدة

بسم الله الرحمن الرحيم_‏السلام عليكم ورحمة الله وبركاته_‏اوجه سؤالي إلى جميع مديرات مدارس المتوسطه والثانويه خصوصا ببريده اسألكن بالله ياأخواتي هل عندكم طالبات انتساب ماتشوفونهن إلآ قبل ايام الأمتحان بقليل هل امنتم لهن مكان او فصل يجلسون فيه مكيف وإناره ام تركتموهن في ساحة المدرسه او في الأسياب ام عند باب غرفة المعلمات ام في مطبخ الخالات المملؤ بالأغراض والكراتين_‏اسمعوا قصتي في مدرستي واحكمو_‏انا احد طالبات الأنتساب في ثالث متوسط في احد مدارس حي الضاحي في مدينة بريدة_‏انتسبت مذو ان دخلت المرحله المتوسطه لاني تركت الدرسه بعد خلصت سادس بسنوات قليله ولن تقبلني المتوسطه إلا إنتساب فأنتسبت في تلك المدرسه ومعي طالبات كثيره كلهم اكبر مني سنا اللي متزوجه واكبر ابنائها مخلص ثانوي واللي معاها صغار المهم انهم كبار تقارب اعمارهم الأربعين وانا وثلاثه معانا بالعشرين اللي بالصف الأول واللي بثاني واللي بثالث متوسط _كلنا ع هذا الحال اقسم بالله محشورين بمطبخ احد الخالات بين كراتين ادوات المعمل تقريبا ثلاثين كرتون وفارشين فرشتنا بين تلك الكراتين ومانجلس عليها جميعا إلا إذا قامت وحدة تجلس الأخرى في مكانها او إذا راحت تسأل معلمه او تجيب كتاب من طالبه مانصدق خبر تجلس اللي واقفة _وهذا حالنا ولو ان المدرسه صغيره ومافيها غرف زياده ماتكلمنا وحطينا اللوم عليهم لاكن فيها اكثر من اربع غرف فاضيه ومقفله ومافيها شي والله الرئاسه ماقصرو وقايمين بخدمة الطالبات واللي تطلب الأدارة يلبونه بس إحنا مالنا نصيب وبعد هذا ينظرون فينا بعين الأحتقار والله مانرضى بالأهانه ابدا بس هذا مستقبل لازم نصبر حتى نصل &اصبر قليلافبعدالعسري تيسيراوكل امرا له وقتا وتدبيرا&وهذا فيض من غيض والسلام ختام