خاصه للبنات الرياض واللي يعرف الرياض مافي مشكلة

الرياض كبيره طويله وعريضه بس بختصر لك افضل الاسواق والمطاعم ..

بالنسبه للاسواق صحارى موول ...........انا اعتبره في المقدمه كبير مره واسعاره مناسبه وفيه كل الذواق وفيه مطاعم فاست فود وملاهي صغيره
الفيصليه .............حلوه واسعارها مختلفه فيها هارفي نيكلز وبعض الماركات وفيها ملاهي تحت ومطاعم فوق

المملكه........ الاسعار مختلفه وتميل للغالي فيها ساكس افينيو وبعض الماركات مافيها ملاهي بس فيها الدور الثالث خاص للمرأه نسائي فيه مطاعم وكوفي شوب

االعليا موول والاندلس... حلوه ومفتوحه يعني مو مركز بس اعتبرها ضمن الشعبيه يعني ممكن تلقين فيها شنط تقليد وصناعه صيني بس مافيها ماركات كبيره فيها الماركات العاديه للملابس مثل ستراديفاريوس وساش وغيرها ومحلات للاطفال واقمشه

العزيزيه مول ...فيها هايبر بنده سوبر ماركت ومحلات مختلفه جوا المول مثل ناين ويست ومحلات نفس المستوى ...وفيها ملاهي ومطاعم فوق ..

بالنسبه للمطاعم الفخمه فيه جزيرة الاحلام صيني بحري فيه مطاعم في الفيصليه والمملكه فخمه فيه الريف اللبناني والايطالي والركن المكسيكي مطعم زعفران وافاد هندي المطاعم كثيييييييييييره بس هذا اللي يحضرني وان شاءالله اكون افدتك وحياك الله في الرياض..

هلا حبيبتي انا اخذ ت نشره من ملاهي ستار ستي يوزعونه مجانا فيها الاماكن الترفهيه والتسوق وارقام هواتف الاماكن 0

عنك لي مول وشرق الرياض عندك مركز غرناطة كبير وحلو وفيه مطاعم على كيفك وتسوق وعلى طريق المطار عندك ملاهي الحكير لاند وبعد فيه منتزة المرسى وفي الرياض بعد اسواق جديدة اسواق بشرى النسائية وفية عند ايكيا اسواق كبيرة مع هايبر بنده بس نسيت اسمها والرياض حلوة وكبيرة حياكم الله فيها على الرحب والسعة اي شي حنا حاضرين بس بغيت اسال انتي من وين؟؟؟

إذا رحتي أسواق المملكة اطلعي البرج فوق، الكبير ب25 ريال والصغير ب 10 ريال

يطلعونكم للدور 99 وتتفرجون على الرياض كلها

بس أفضل يكون آخر العصر عشان تقدرين تشوفين زين، وتراقبين غروب الشمس :)

وفيه على طريق الثمامه استراحات عائليه مثل( فانتزي لاند) فيها بحيره والعاب مائيه
وفيه حديقه السلام مررره حلوه
واذا جيتي الرياض دقي على هيئه تطوير مدينه الرياض يقولون لك اماكن كثييييييره مره وفعلا حلوه