يابنات صح ان الخااص اريح بس تخافين يسوونلج عمليه والسبه الفلووووس -- واذا الطفل لاسمح الله تعبان شوي وش يسوون هل يودونه حكومي او عندهم حالة طوارئ -- تكفون ريحووووني

نظرة نسائية

شوفي عيوني أنا وجهة نظري الخاص أفضل واذا المستشفى سمعته طيبة والطبيبة ثقة ما اعتقد أبدا يجازفون عليها بإذن الله ويخربون سمعتهم بعمل شي ماله داعي..بس انا كل اللي خلاني أولد قبل بحكومي وصرت الحين أفكر فيه هو خوفي من احتياجي لعملية (الله لا يكتب علينا)أو حاجة المولود للبقاء في المستشفى فترة طويلة(الله يجيب عيالنا سالمين معافين ويقر عيونا بسلامتهم وخروجهم معنا) فتخيلي كم من المبالغ اللي بتندفع وقتها للمستشفى..أما لو على تكلفة الولادة الطبيعية فهذي مقدور عليها بإذن الله والله يختار لنا الخير.

أنا بعد اريد اعرف عن مستشفى الإيمان كيف الولادات عندهم؟

انا افضل الحكومي على الخاص لان اكثر الاستشاريين فيه ومو كل حكومي اسألي اقاربك
وبالنسبة للخاص فيه مستشفيات خاصة وممتازه بس واحد من عشره
واعرفي ان اللي بيكتبة الله هو اللي بيصير سواء في حكومي او خاص نسمع عن هذول وعن هذول ولا ندري مين نصدق بس عن تجربتي بحكومي ممتازه بالعسكري

حتى الحكومي مرات يسون عمليه قيصريه وما يصبرون على الحامل
وكل هذا لأن الدكتور اللي يسوي عمليه قيصريه ياخذ أكثر من اللي يولد طبيعي

يعني مسأله ضمير سواء في الخاص او الحكومه